ໃນຕອນຄ່ຳຂອງວັນ 26 ສິງຫາ 2024, ພົຈວ ອານຸເດດ ຄູນຄຳ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ທັງເປັນຫົວໜ້າອະນຸກຳມະການພິທີການເພື່ອກະກຽມຄວາມພ້ອມ ແລະ ເປັນເຈົ້າພາບຈັດກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ພ້ອມຄະນະ ໄດ້ສືບຕໍ່ຕ້ອນຮັບຄະນະຜູ້ແທນເຈົ້າໜ້າທີ່ອາວຸໂສ ບັນດາປະເທດສະມາຊິກອາຊຽນ ແລະ ປະເທດຄູ່ຮ່ວມເຈລະຈາ ທີ່ເດີນທາງມາເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ເພື່ອກະ ກຽມໃຫ້ແກ່ກອງປະຊຸມລັດຖະມົນຕີຕ່າງປະເທດອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ທີ່ ສປປ ລາວ ເປັນເຈົ້າພາບ.
ໃນນີ້ມີ: ຄະນະຜູ້ແທນ ປະເທດມຽນມາ ນຳໂດຍທ່ານ ພົທ ວິນ ຊໍ ມໍ ລັດຖະມົນຕີ ກະຊວງພາຍໃນມຽນມາ, ມີຄະນະຜູ້ ແທນຣາຊະອານາຈັກກຳປູເຈຍ, ສປ ຈີນ, ຍີ່ປຸ່ນ, ຟີລິບປິນ, ກອງເລຂາອາຊຽນ, ມາເລເຊຍ, ສິງກະໂປ ແລະ ອິນໂດເນເຊຍ.
ໃນໂອກາດນີ້, ທ່ານ ພົຈວ ອານຸເດດ ຄູນຄຳ ໄດ້ສະແດງຄວາມຍິນດີຕ້ອນຮັບຄະນະຜູ້ແທນຈາກບັນດາປະເທດສະມາຊິກອາຊຽນ ດ້ວຍຄວາມອົບອຸ່ນ, ຮັກແພງ ແລະ ມີມິດໄມຕີທີ່ດີ. ພ້ອມທັງກ່າວສະແດງຄວາມຂອບໃຈທີ່ບັນດາທ່ານໄດ້ສະຫຼະເວ ລາ ເດີນທາງມາເຂົ້າຮ່ວມກອງປະຊຸມ; ເຊິ່ງເປັນການປະກອບສ່ວນທີ່ສຳຄັນ ເພື່ອເຮັດໃຫ້ການເປັນເຈົ້າພາບ ແລະ ປະທານກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ຂອງ ສປປ ລາວເປັນເຈົ້າພາບໃນລະ ຫວ່າງວັນທີ 26-30 ສິງຫາ ນີ້, ມີຜົນສຳເລັດຢ່າງຈົບງາມຕາມຄາດໝາຍທີ່ວາງໄວ.
ຂ່າວ: ລິນດາ
ພາບ: ຈັນສະໝອນ
