ໃນວັນທີ 6 ທັນວາ 2023, ທີ່ກົມຄົ້ນຄວ້າວິທະຍາສາດ ແລະ ປະຫວັດສາດ ກະຊວງ ປກສ ໄດ້ຈັດກອງປະຊຸມວິທະຍາສາດຮັບຮອງບົດຍຸດທະສາດ ຫົວຂໍ້: ສະພາບແວດ ລ້ອມຄວາມໝັ້ນຄົງໃນພາກພື້ນ ອາຊີ-ປາຊິຟິກ ທີ່ສົ່ງຜົນກະທົບຕໍ່ຜົນປະໂຫຍດຂອງ ລາວ-ຫວຽດນາມ ຮອດປີ 2030, ໂດຍການເຂົ້າຮ່ວມ ແລະ ເປັນປະທານຂອງ ພົຕ ຄຳກິ່ງ ຜຸ້ຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕຳຫຼວດ ກະຊວງ ປກສ ປະທານສະພາວິທະຍາສາດ ປກສ, ມີ ພົຈວ ສະແຫວງ ພົມມະລີ ຫົວໜ້າກົມຄົ້ນຄວ້າວິທະຍາ ສາດ ແລະ ປະຫວັດສາດ ຮອງປະທານ ສະພາວິທະຍາສາດ ປກສ, ພ້ອມດ້ວຍຄະນະກຳມະການສະພາວິທະຍາສາດ ແລະ ຄະນະຮັບຜິດຊອບສະພາວິທະຍາສາດ ເຂົ້າຮ່ວມ.
ໃນກອງປະຊຸມ, ບັນດາຜູ້ເຂົ້າຮ່ວມ ໄດ້ພ້ອມກັນປືກສາຫາລືປະກອບຄໍາຄິດຄໍາເຫັນຮັບຮອງເອົາເນື້ອໃນບົດຍຸດທະສາດຫົວຂໍ້ສະພາບແວດລ້ອມຄວາມໝັ້ນຄົງໃນພາກພື້ນ ອາຊີ-ປາຊີຟິກ ທີ່ສົ່ງຜົນກະທົບຕໍ່ຜົນປະໂຫຍດຂອງ ລາວ-ຫວຽດນາມ ຮອດປີ 2030. ພ້ອມດຽວກັນນັ້ນ, ກໍໄດ້ສຸມສະຕິປັນຍາ, ປະສົບການເຂົ້າໃນການປະກອບຄໍາຄິດຄໍາເຫັນຢ່າງກົງໄປກົງມາ, ມີເຫດ, ມີຜົນແຕ່ກໍ່ເຫັນວ່າຍັງມີຫຼາຍບັນຫາສຳຄັນທີ່ຄະນະຮັບຜິດຊອບຈະຕ້ອງໄດ້ສືບຕໍ່ປັບປຸງໃຫ້ຖືກຕ້ອງຊັດເຈນກວ່າເກົ່າ.
ນອກຈາກນີ້. ຕະຫຼອດໄລຍະດໍາເນີນກອງປະຊຸມ, ບັນດາຄະນະກໍາມະການສະພາວິທະ ຍາສາດ ກໍຍັງໄດ້ຍົກສູງຄວາມຮັບ ຜິດຊອບຂອງຕົນເຮັດໃຫ້ກອງປະຊຸມຄັ້ງນີ້ສໍາເລັດຜົນຕາມຄາດໝາຍ, ໄດ້ເປັນເອກະພາບ ແລະ ຮັບຮອງເອົາເນື້ອໃນບົດຍຸດ ທະສາດ ຫົວຂໍ້: ສະພາບແວດລ້ອມ ຄວາມໝັ້ນຄົງໃນພາກພື້ນອາຊີ-ປາຊີຟິກ ທີ່ສົ່ງຜົນກະທົບຕໍ່ຜົນປະໂຫຍດຂອງ ລາວ -ຫວຽດນາມ ຮອດປີ 2030 ຢ່າງ ເປັນທາງການ.
ທັງນີ້, ກໍເພື່ອເປັນການປະກອບສ່ວນອັນສໍາຄັນໃນການປະຕິບັດແຜນການຮ່ວມມືຂອງສອງກະຊວງໃນການຄົ້ນຄວ້າຍຸດທະ ສາດຮັບໃຊ້ສອງກໍາລັງໃນການປະຕິບັດໜ້າທີ່ການເມືອງທີ່ພັກ-ລັດ ມອບໝາຍໃຫ້.
ຂ່າວ: ແກ້ວ
