ກົມໃຫຍ່ຕຳຫຼວດ ກະຊວງ ປກສ ໄດ້ຈັດພິທີປະກາດເລື່ອນຊັ້ນ ແລະ ດັດແກ້ຊັ້ນໃຫ້ນາຍ-ພົນຕຳຫຼວດ ຈຳນວນ 161 ສະ ຫາຍ, ຍິງ 47 ສະຫາຍ, ເປັນປະທານໂດຍ ພົຕ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີ, ຫົວໜ້າກົມໃຫຍ່ຕຳຫຼວດ, ມີຄະນະພັກ-ຄະນະກົມ, ພະແນກ, ຫ້ອງການ, ນາຍ ແລະ ພົນຕຳຫຼວດທີ່ໄດ້ຮັບການເລື່ອນຊັ້ນ ແລະ ດັດແກ້ຊັ້ນ ເຂົ້າຮ່ວມ.
ພັອ ບຸນຫຼວງ ວິໄລສຸກ ຫົວໜ້າຫ້ອງການເມືອງ ໄດ້ຜ່ານຂໍ້ຕົກລົງຂອງກະຊວງ ປກສ; ໃນນີ້ເລື່ອນ ຊັ້ນ ພັນຕີ ຂຶ້ນເປັນຊັ້ນ ພັນໂທ 16 ສະຫາຍ, ຍິງ 3 ສະຫາຍ, ຮ້ອຍເອກ ຂຶ້ນເປັນຊັ້ນ ພັນຕີ 40 ສະຫາຍ, ຍິງ 10 ສະຫາຍ, ເລື່ອນ ຮ້ອຍໂທ ຂຶ້ນເປັນຊັ້ນ ຮ້ອຍ ເອກ 43 ສະ ຫາຍ, ຍິງ 11 ສະຫາຍ; ຂໍ້ຕົກ ລົງຂອງກົມໃຫຍ່ການເມືອງ ວ່າດ້ວຍການເລື່ອນຊັ້ນໃຫ້ນາຍຕຳຫຼວດກົມໃຫຍ່ຕຳຫຼວດ. ໃນນີ້, ເລື່ອນຊັ້ນ ຮ້ອຍຕີ ຂຶ້ນເປັນຊັ້ນ ຮ້ອຍໂທ 27 ສະຫາຍ ຍິງ 5 ສະ ຫາຍ, ຊັ້ນ ວາທີ ຂຶ້ນເປັນຊັ້ນຮ້ອຍຕີ 29 ສະຫາຍ ຍິງ 17 ສະຫາຍ; ຂໍ້ຕົກລົງຂອງກົມໃຫຍ່ການເມືອງ ວ່າດ້ວຍການດັດແກ້ຊັ້ນໃຫ້ນາຍ ຕຳຫຼວດກົມໃຫຍ່ຕຳ ຫຼວດ. ໃນນີ້, ດັດແກ້ຊັ້ນ ຮ້ອຍຕີ ເປັນຊັ້ນ ຮ້ອຍໂທ 1 ສະຫາຍ; ຂໍ້ຕົກລົງຂອງກົມໃຫຍ່ຕຳຫຼວດ ວ່າດ້ວຍການເລື່ອນຊັ້ນໃຫ້ພົນຕຳຫຼວດກົມໃຫຍ່ຕຳ ຫຼວດ ໃນນັ້ນເລື່ອນຊັ້ນ ສິບໂທ ຂຶ້ນ ເປັນຊັ້ນ ສິບເອກ 5 ສະຫາຍ ຍິງ 1 ສະຫາຍ ໃຫ້ກຽດຂຶ້ນປະດັບຊັ້ນ ໂດຍ ພົຕ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີ ກະຊວງ ປກສ, ຫົວໜ້າກົມໃຫຍ່ຕໍຳຫຼວດ.
ພົຕ ຄຳກິ່ງ ຜຸຍຫຼ້າມະນີວົງ ໄດ້ເນັ້ນໃຫ້ຜູ້ໄດ້ຮັບການເລື່ອນຊັ້ນເພີ່ມທະວີຄວາມຮັບ ຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນ, ສຸມທຸກກຳລັງເຫື່ອແຮງ ແລະ ສະຕິປັນຍາຂອງຕົນ ປະກອບສ່ວນເຂົ້າໃນວຽກງານວິຊາສະເພາະທີ່ການຈັດຕັ້ງມອບ ໝາຍໃຫ້, ເອົາໃຈໃສ່ຊອກຮູ້ຮໍ່າຮຽນ ເພື່ອເຮັດໃຫ້ຕົນເອງມີຄວາມຮູ້-ຄວາມສາມາດປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃຫ້ເຕີບໃຫຍ່ເຂັ້ມແຂງ.
ຂ່າວ: ຄຳໂຖ
