ຫ້ອງວ່າການ ກະຊວງ ປກສ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍຜົນ ສຳ ເລັດກອງປະຊຸມຄົບຄະນະກາງສະໄໜ ຂອງຄະນະບໍລິຫານງານສູນກາງພັກ ຄັ້ງທີ XI ໃນວັນທີ 8 ພະຈິກ 2023, ໂດຍການເປັນປະທານຂອງ ພົຕ ສົມວັນ ສາຍລ້ອງພາ ຄະນະປະ ຈຳພັກກະຊວງ, ເລຂາພັກ ຫົວໜ້າຫ້ອງ ວ່າການມີບັນດາຄະນະປະຈຳພັກ, ຄະ ນະຫ້ອງວ່າການ, ຄະນະກົມ-ຫ້ອງ, ສະມາຊິກພັກທົ່ວຫ້ອງວ່າການເຂົ້າຮ່ວມ.
ໃນກອງປະຊຸມ, ຜູ້ເຂົ້າຮ່ວມຈະໄດ້ພ້ອມກັນຮັບຟັງ ແລະ ເຊື່ອມຊຶມບັນດາເນື້ອໃນເອ ກະສານສຳຄັນ ຄື: ຮັບຟັງການເຜີຍແຜ່ມະຕິກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ ສະໄໝທີ XI, ລົງວັນທີ 18 ສິງຫາ 2023; ຕີລາ ຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ໃນໄລຍະຜ່ານມາ; ບົດລາຍງານກ່ຽວກັບການສະ ຫຼຸບການຈັດຕັ້ງປະຕິບັດກາງສະໄໝແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບ ການຈັດຕັ້ງປະຕິບັດ 2 ວາລະແຫ່ງຊາດ ແລະ ທິດທາງແຜນການທ້າຍສະໄໝ ຮອດປີ 2025; ມະຕິວ່າດ້ວຍການສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກສ້າງການສ້າງການຫັນປ່ຽນທີ່ແຂງແຮງ, ເລິກເຊິງ ແລະ ຮອບດ້ານໃນການນຳພາຂອງພັກ, ສະບັບ ເລກທີ 05/ຄພສພ, ລົງວັນທີ 5 ກັນຍາ 2023 ແລະ ແຜນດຳເນີນງານເພື່ອຜັນຂະຫຍາຍມະຕິວ່າດ້ວຍສືບຕໍ່ຍູ້ແຮງງານຜັນຂະຫຍາຍແນວທາງປ່ຽນແປງໃໝ່ສູ່ລ່ວງເລິກສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ, ສະບັບເລກທີ 432/ຄລສພ ລົງວັນທີ 8 ກັນຍາ 2023.
ການຈັດຕັ້ງເຜີຍແຜ່ເອກະສານສຳຄັນຕ່າງໆໃນຄັ້ງນີ້, ເພື່ອເຮັດໃຫ້ຄະນະພັກ, ຄະນະບັນຊາ, ພະນັກງານຫຼັກແຫຼ່ງ ແລະ ສະ ມາຊິກພັກທົ່ວຫ້ອງວ່າການກະຊວງປ້ອງກັນຄວາມສະຫງົບ ໄດ້ຮັບຮູ້, ເຂົ້າໃຈຢ່າງເລິກເຊິ່ງ, ມີຄວາມເປັນເອກະພາບສູງຕໍ່ບັນ ດາເນື້ອໃນເອກະສານຕ່າງໆຂອງພັກ ເພື່ອນໍາໄປຈັດຕັ້ງຜັນຂະຫຍາຍເຂົ້າສູ່ໜ້າທີ່ວຽກ ງານວິຊາສະເພາະຂອງຕົນຮັບຜິດ ຊອບໃຫ້ປະກົດຜົນເປັນຈິງ.
ຂ່າວ: ບຸນພະຈັນ
