ວັນທີ 3 ພະຈິກ 2023, ຢູ່ທີ່ສະໂມສອນກອງບັນຊາການ ປກສ ແຂວງຫຼວງນ້ຳທາ ໄດ້ຈັດກອງປະຊຸມສ່ອງແສງວຽກງານພັກ-ວຽກງານການເມືອງ ປະຈຳໄຕມາດ III 2023 ຂອງ 4 ກອງ ບັນຊາການ ປກສ ແຂວງພາກເໜືອ ຄື: ກອງບັນຊາການ ປກສ ແຂວງຫຼວງນ້ຳທາ, ແຂວງບໍ່ແກ້ວ, ແຂວງອຸດົມໄຊ ແລະ ແຂວງຜົ້ງສາລີ ເປັນປະ ທານໂດຍ ສະຫາຍ ພົຈວ ປອ ສຸວັນນີ ສີສຸພາບມີໄຊ ຄະນະພັກກະຊວງ ຮັກສາການຫົວໜ້າກົມໃຫຍ່ການເມືອງ ປກສ, ມີຄະນະພັກ-ຄະນະບັນຊາ, ເລຂາຄະນະພັກຮາກ ຖານ, ເລຂາຄະນະໜ່ວຍພັກ, ກອງບັນຊາການ ປກສ ເມືອງ 5 ເມືອງ, ປກສ ເຂດ ເຂົ້າຮ່ວມ.
ໃນກອງປະຊຸມ, ຜູ້ແທນໃນກອງປະຊຸມ, ໄດ້ຜັດປ່ຽນກັນລາຍງານຫຍໍ້ກ່ຽວກັບວຽກ ງານຮອບດ້ານທີ່ໄດ້ຈັດຕັ້ງປະຕິບັດໃນໄລຍະ 3 ເດືອນ ຜ່ານມາ; ເປັນຕົ້ນແມ່ນແຕ່ ລະກອງບັນຊາການໄດ້ພ້ອມກັນຖືເອົາວຽກງານສຶກສາອົບຮົມການເມືອງ-ແນວຄິດ ເປັນກົກ ໂດຍນຳເອົາບັນດາເອກະສານມູນເຊື້ອຕ່າງໆຂອງພັກ, ຂອງຊາດ, ຂອງກຳ ລັງ ປກສ ລົງເຜີຍແຜ່ໃຫ້ບັັນດານາຍ ແລະ ພົນຕຳຫຼວດໄດ້ຮັບຮູ້ກຳແໜ້ນເລິກເຊິ່ງ; ພ້ອມກັນນີ້, ຍັງໄດ້ລົງກໍ່ສ້າງຮາກຖານການເມືອງຢູ່ໃນຂອບເຂດຄວາມຮັບຜິດ ຊອບຢ່າງເປັນປົກກະຕິ ເພື່ອຕິດຕາມກວດກາບັນດາເປົ້າໝາຍ ແລະ ແກ້ໄຂບັນດາປະ ກົດການຫຍໍ້ທໍ້ຕ່າງໆທີ່ຈະເກີດຂຶ້ນໃຫ້ມີຄວາມປອດໄພ. ຈາກນັ້ນ, ບັນດາຜູ້ແທນເຂົ້າຮ່ວມກອງປະຊຸມໄດ້ຍົກໃຫ້ເຫັນບາງດ້ານທີ່ຍັງຄົງຄ້າງ ແລະ ບົດຮຽນທີ່ຖອດ ຖອນໄດ້ ເພື່ອພ້ອມກັນປຶກສາຫາລື, ຄົ້ນຄວ້າ, ປັບປຸງ, ແກ້ໄຂ ແລະ ນຳສະເໜີຂັ້ນເທິງ ເພື່ອຫາວິທີແກ້ໄຂໃນຕໍ່ໜ້າໃຫ້ໄດ້ຮັບຜົນດີ ແລະ ມີປະສິດທິຜົນດີຂຶ້ນກວ່າເກົ່າ.
ໃນໂອກາດດັ່ງກ່າວ, ສະຫາຍ ພົຈວ ປອ ສຸວັນນີ ສີສຸພາບມີໄຊ ໄດ້ເນັ້ນໜັກໃຫ້ຄະນະ ພັກ-ຄະນະບັນຊາແຕ່ລະຂັ້ນທັງ 4 ປກສ ແຂວງ ເພີ່ມທະວີຍົກສູງນຳໃຈຮັກຊາດຕິດພັນກັບການຮັກລະບອບໃໝ່, ຈິດໃຈເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ ທັງເພີ່ມທະວີຄວາມສາມັກຄີເປັນເອກະພາບລະດັບສູງທາງດ້ານການເມືອງ-ແນວຄິດ ແລະ ການຈັດຕັ້ງ, ເພີ່ມທະວີຄຸ້ມຄອງດ້ານລະບຽບວິໄນຢ່າງເຂັ້ມງວດ ກາຍເປັນວັດທະນາທຳການເມືອງໃນໄລຍະໃໝ່ຂອງພັກເຮົາ; ເອົາໃຈໃສ່ປະສານງານເຊິ່ງກັນແລະກັນ ເພື່ອຮັບປະກັນໃຫ້ວຽກງານວິຊາສະເພາະໄດ້ຮັບຜົນດີ; ພ້ອມ ກັນນັ້ນ, ກໍໃຫ້ພ້ອມກັນສຸມໃສ່ແກ້ ໄຂບັນຫາຂໍ້ຂາດຕົກບົກຜ່ອງໃນໄລຍະຜ່ານມາ ເພື່ອເຮັດສຳເລັດໜ້າທີ່ການເມືອງຂອງກົມກອງທີ່ຂັ້ນເທິງມອບໝາຍໃຫ້ສຳ ເລັດຜົນ.
