ໃນລະຫວ່າງວັນທີ 23-24 ພຶດສະພານີ້, ຄະນະບໍລິຫານງານພັກ ກົມໃຫຍ່ສັນຕິບານ ກະຊວງ ປກສ ໄດ້ຈັດກອງປະຊຸມກາງສະໄໝທີ VI ໂດຍການເປັນປະທານຂອງສະ ຫາຍ ພົຕ ປອ ບົວວັນ ວົງສາວັນທອງ ຄະນະປະຈຳພັກກະຊວງ ເລຂາຄະນະພັກ ຫົວ ໜ້າກົມໃຫຍ່ສັນຕິບານ, ມີບັນດາສະຫາຍຄະນະພັກ, ຫົວໜ້າ-ຮອງກົມ, ພະແນກ, ຫ້ອງການ ພ້ອມດ້ວຍສະມາຊິກພັກສົມບູນ ແລະ ແຂກຖືກເຊີນ ເຂົ້າຮ່ວມ.
ສະຫາຍ ພົຕ ປອ ບົວວັນ ວົງສາວັນທອງ ກ່າວວ່າ: ກອງປະຊຸມຄັ້ງນີ້, ບັນດາຜູ້ເຂົ້າ ຮ່ວມຈະໄດ້ຮັບຟັງການສັງເກດຕີລາຄາດ້ານດີ-ດ້ານອ່ອນຄົງຄ້າງ, ສາເຫດ ແລະ ຮັບ ຮອງເອົາທິດທາງແຜນການ ແລະ ຄາດໝາຍສູ້ຊົນຂອງອົງຄະນະພັກກົມໃຫຍ່ສັນຕິ ບານແຕ່ປີ 2023-2025. ພ້ອມນີ້, ຍັງຈະໄດ້ດໍາເນີນຊີວິດການເມືອງ ແລະ ຜ່ານໃບສໍາຫຼວດອີກດ້ວຍ.
ສະຫາຍ ພົຈວ ຈູມມະນີ ວົງມະນີ ຄະນະພັກກະຊວງ ຮອງເລຂາຄະນະ, ຮອງຫົວໜ້າພັກກົມໃຫຍ່ສັນຕິບານ ຍັງໃຫ້ຮູ້ວ່າ: ຕະຫຼອດໄລຍະຜ່ານມາ, ຄະນະພັກກົມໃຫຍ່ສັນ ຕິບານ ໄດ້ເພີ່ມທະວີເອົາໃຈໃສ່ນໍາພາສຶກສາອົບຮົມການເມືອງ-ແນວຄິດໃຫ້ສະມາ ຊິກພັກ, ນາຍ ແລະ ພົນຕໍາຫຼວດໃຫ້ມີແນວຕິດອຸ່ນອ່ຽນທຸ່ນທ່ຽງຕໍ່ໜ້າທີ່ການເມືອງ, ມີຫຼັກໝັ້ນຊົນຊັ້ນຢ່າງແນ່ນອນ; ໄດ້ຖືເອົາວຽກງານກໍ່ສ້າງພັກເປັນວຽກງານຫຼັກໃນການຂະຫຍາຍພັກ, ກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ເພື່ອບົດບາດການນໍາພາຂອງພັກ, ເສີມຂະຫຍາຍຄວາມຮູ້-ຄວາມສາມາດຂອງສະມາຊິກ ເພື່ອເຮັດຫຼ້ອນໜ້າທີ່ການການເມືອງໂດຍປະຕິບັດຕາມ 5 ຫຼັກການ 3 ທິດນໍາທີ່ກະ ຊວງ ປກສ ວາງອອກ.
ຄຽງຄູ່ກັບການຈັດຕັ້ງປະຕິບັດວຽກງານວິຊາສະເພາະ ກໍຄືການຫັນເອົາກຳລັງສັນຕິ ບານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ໂດຍຕິດພັນກັບຂະບວນການ 3 ສ້າງ, ຫັນເອົາສະມາຊິກພັກ, ນາຍ ແລະ ພົນຕໍາຫຼວດ ລົງກໍ່ສ້າງຮາກ ຖານຢູ່ບັນດາແຂວງ, ເມືອງທີ່ມີຈຸດຫຼ່ໍແຫຼມໂດຍສົມທົບກັບທຸກພາກສ່ວນຢູ່ຂັ້ນຮາກ ຖານ ເພື່ອເກັບກຳ, ສັງລວມບັນຫາຕ່າງໆທີ່ເກີດຂຶ້ນ; ເມື່ອພົບເຫັນບັນຫາກໍພ້ອມ ກັນຫາວິທີແກ້ໄຂ, ບັນຫາໃດທີ່ມີຄວາມຫຍຸ້ງຍາກສັບສົນບໍ່ສາມາດແກ້ໄຂໄດ້ ກໍນໍາມາຄົ້ນຄວ້າສະເໜີຕໍ່ຂັ້ນເທິງ ພ້ອມທັງຂໍທິດຊີ້ນຳວິທີການແກ້ໄຂບັນຫາດັ່ງກ່າວ.
ນອກນີ້້, ຍັງໄດ້ເອົາໃຈໃສ່ນຳພາ-ຊີ້ ນຳຢ່າງໃກ້ຊິດຕໍ່ບັນດາກົມກອງເຫຼົ່າລົບວິຊາສະ ເພາະ ເຄື່ອນໄຫວຢ່າງແຂງແຮງຕາມພາລະບົດບາດຂອງຕົນ, ສົມທົບແໜ້ນກັບພາກສ່ວນທີ່ກ່ຽວຂ້ອງນັບແຕ່ ຂັ້ນສູນກາງລົງຮອດທ້ອງຖິ່ນ ເພື່ອພ້ອມກັນເຮັດໜ້າທີ່ປ້ອງກັນສະກັດກັ້ນບັນດາໜໍ່ແໜງທີ່ຈະກໍ່ຄວາມບໍ່ສະຫງົບ ແລະ ປະກົດການຫຍໍ້ທໍ້ຕ່າງໆເຊິ່ງສາມາດຮັກສາໄດ້ສະຖຽນນະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງດ້ານສັງຄົມໂດຍພື້ນຖານ.
ຂ່າວ: ລັດດາວັນ
