ກົມສື່ສານ ກະຊວງ ປກສ ໄດ້ຈັດພິທີປະກາດນາຍຕຳຫຼວດຜູ້ທີ່ຄົບເງື່ອນໄຂ ພັກການ -ຮັບອຸດໜູນບຳນານ ໃນວັນທີ 22 ພຶດສະພາ 2023, ໂດຍມີ ພົຈວ ແສງປະເສີດ ສຸທໍາມະວົງ ຫົວໜ້າກົມສື່ສານ, ພ້ອມດ້ວຍຄະນະພັກ-ຄະນະກົມ ແລະ ນາຍຕຳຫຼວດທີ່ພັກການ-ຮັບອຸດໜູນບຳ ນານເຂົ້າຮ່ວມ.
ພັທ ຄໍາເພື່ອນ ນາມມະວົງ ຫົວໜ້າພະແນກການເມືອງ ກົມສື່ສານ ກະຊວງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ ສະບັບ ເລກທີ 448; 878; 879; 880;881/ປກສ, ລົງວັນທີ 27 ກຸມພາ 2023 ວ່າ ດ້ວຍການອະນຸ ມັດໃຫ້ນາຍຕຳຫຼວດພັກການ-ຮັບອຸດໜູນບຳນານ ຈໍານວນ 5 ສະຫາຍ ດັ່ງນີ້:
ພັທ ພູຂັນ ໜູຈາມ ຫົວໜ້າພະແນກ (ຂັ້ນ6) ກົມສື່ສານ; ພັທ ໄກສອນ ແສນທະວີ ຮອງຫົວໜ້າພະແນກ (ຂັ້ນ7); ພັທ ຄໍາຈັນ ໜູອາໄພ ຮອງຫົວໜ້າພະແນກ (ຂັ້ນ7); ພັທ ນາງ ບຸນຈັນ ຈັນທະພົມ ຫົວໜ້າໜ່ວຍງານ (ຂັ້ນ8); ພັທ ນາງ ຄໍາໄຊ ສຸວັນນາ ຫົວໜ້າໜ່ວຍງານ (ຂັ້ນ8).
ໂອກາດດັ່ງກ່າວ, ພົຈວ ແສງປະເສີດ ສຸທໍາມະວົງ ໄດ້ກ່າວສະແດງຄວາມຊົມເຊີຍຕໍ່ບັນດາສະຫາຍນາຍຕຳຫຼວດທີ່ໄດ້ຮັບອຸດໜູນບຳນານ, ທີ່ມີຜົນງານປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃນຕະຫຼອດໄລຍະທີ່ຜ່ານມາ, ເຊິ່ງການປະ ກາດພັກການ-ຮັບອຸດໜູນບໍານານໃນຄັ້ງນີ້ ແມ່ນກົດເກນ ແລະ ນະໂຍບາຍລວມຂອງພັກ ແລະ ລັດຖະບານ, ເມື່ອເຖິງອາຍຸກະສຽນ ກໍຕ້ອງໄດ້ອອກພັກຜ່ອນ-ຮັບອຸດໜູນບຳນານຕາມລະບຽບການ.
ພາບ-ຂ່າວ: ສົມສະໄຫວ
