ກອງບັນຊາການປ້ອງກັນທີ່ຕັ້ງ (ປຕ) ກະຊວງ ປກສ ຈັດພິທີປະກາດເລື່ອນຊັ້ນໃຫ້ນາຍຕຳຫຼວດ ຈຳນວນ 56 ສະຫາຍ ຍິງ 9 ສະຫາຍ, ທີ່ມີຜົນງານດີເດັ່ນ ແລະ ຄົບມາດຖານ-ເງື່ອນໄຂໃນການເລື່ອນຊັ້ນ ໂດຍມີ ພົຈວ ໄຊສີ ແກ້ວສະຫງ່າ ຫົວໜ້າກອງບັນຊາການປ້ອງກັນທີ່ຕັ້ງ, ມີບັນ ດາຄະນະກອງບັນຊາການ, ພ້ອມດ້ວຍພາກ ສ່ວນທີ່ກ່ຽວຂ້ອງ ແລະ ນາຍຕຳຫຼວດ ທີ່ໄດ້ຮັບການເລື່ອນຊັ້ນເຂົ້າຮ່ວມ.
ພັອ ກ໋ອງແກ້ວ ກຸສານົນ ຫົວໜ້າຫ້ອງການເມືອງ ໄດ້ຜ່ານຂໍ້ຕົກລົງຂອງລັດຖະມົນ ຕີກະຊວງປ້ອງກັນຄວາມສະຫງົບ ແລະ ຂໍ້ຕົກລົງຂອງກົມໃຫຍ່ການເມືອງ ວ່າດ້ວຍການເລື່ອນໃຫ້ນາຍຕຳຫຼວດໃນກຳລັງປ້ອງກັນທີ່ຕັ້ງ. ໃນນີ້, ເລື່ອນຊັ້ນ ພັນຕີ ຂຶ້ນ ພັນໂທ 5 ສະຫາຍ, ເລື່ອນຊັ້ນຮ້ອຍ ເອກ ຂຶ້ນ ພັນຕີ 7 ສະຫາຍ ຍິງ 1 ສະຫາຍ, ເລື່ອນຊັ້ນ ຮ້ອຍໂທ ຂຶ້ນ ຮ້ອຍເອກ 25 ສະຫາຍ ຍິງ 5 ສະຫາຍ ແລະ ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 19 ສະຫາຍ ຍິງ 3 ສະຫາຍ, ທັງນີ້ ກໍເພື່ອປະຕິບັດນະໂຍບາຍຂອງພັກ-ລັດທີ່ມີຕໍ່ນາຍຕຳຫຼວດຜູ້ທີ່ມີຜົນສຳເລັດໃນການປະຕິບັດໜ້າທີ່ວຽກງານ ແລະ ຄົບມາດຖານ-ເງື່ອນໄຂຂອງການເລື່ອນຊັ້ນທີ່ໄດ້ ກຳນົດໄວ້ໃນກົດໝາຍ ວ່າດ້ວຍກຳລັງປ້ອງກັນຄວາມສະຫງົບປະຊາຊົນ.
ໃນໂອກາດດັ່ງກ່າວ, ພົຈວ ໄຊສີ ແກ້ວສະຫງ່າ ໄດ້ສະແດງຄວາມຍ້ອງຍໍ ຊົມເຊີຍຕໍ່ນາຍຕຳຫຼວດຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້, ພ້ອມທັງຮຽກຮ້ອງໃຫ້ບັນດາສະ ຫາຍ ຈົ່ງພ້ອມກັນສຸມໃສ່ຈັດຕັ້ງປະຕິບັດໜ້າທີ່ຢ່າງຕັ້ງໜ້າຫ້າວຫັນ ເປັນຕົ້ນແມ່ນວຽກການປະຈຳການ, ປ້ອງກັນເວນຍາມບັນດາຈຸດທີ່ຕັ້ງຕ່າງໆຕາມການມອບໝາຍຂອງຂັ້ນເທິງ ຕະຫຼອດ 24 ຊົ່ວໂມງ ເພື່ອຮັບປະກັນໃຫ້ຈຸດທີ່ຕັ້ງມີຄວາມສະຫງົບ-ປອດໄພ.
