ໃນວັນທີ 18-19 ພຶດສະພາ 2023, ວິທະຍາຄານຕຳຫຼວດປະຊາຊົນ (ວຕປ) ແລະ ກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ໄດ້ຈັດພິທີປະ ກາດເລື່ອນຊັ້ນໃຫ້ນາຍ ແລະ ພົນຕໍາຫຼວດ, ເປັນປະທານ ແລະ ປະດັບຊັ້ນ ໂດຍ ພົຈວ ປອ ວົງເຊໂດນ ພັນທະແກ້ວ ຫົວໜ້າອໍານວຍການ ວຕປ ແລະ ພັອ ທອງພັດ ແສນສຸວັນ ຮອງຫົວໜ້າກອງບັນຊາການປ້ອງກັນເຄື່ອນທີ່, ມີຄະນະກົມ, ພະແນກ, ຫ້ອງ ການ, ຄູ-ອາຈານ ແລະ ພະນັກງານ-ນັກຮົບເຂົ້າຮ່ວມ.
ອີງຕາມຂໍ້ຕົກລົງວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດວິທະຍາຄານຕໍາຫຼວດປະຊາຊົນ. ໃນນີ້, ໄດ້ຮັບການ, ເລື່ອນຊັ້ນ ພັນຕີ ຂຶ້ນ ພັນໂທ ຈໍານວນ 1 ສະ ຫາຍ, ຮ້ອຍເອກ ຂຶ້ນ ພັນຕີ ຈໍານວນ 7 ສະຫາຍ, ຮ້ອຍໂທ ຂຶ້ນ ຮ້ອຍເອກ ຈໍານວນ 13 ສະຫາຍ ຍິງ 3 ສະຫາຍ, ຮ້ອຍຕີ ຂຶ້ນ ຮ້ອຍໂທ ຈໍານວນ 6 ສະຫາຍ ຍິງ 1 ສະຫາຍ, ວາທີຮ້ອຍຕີ ຂຶ້ນ ຮ້ອຍຕີ ຈໍານວນ 2 ສະຫາຍ, ສິບເອກ ຂຶ້ນ ວາທີ ຮ້ອຍຕີ ຈໍານວນ 6 ສະຫາຍ ຍິງ 3 ສະຫາຍ ແລະ ສິບໂທ ຂຶ້ນ ສິບເອກ ຈໍາ ນວນ 41 ສະຫາຍ ຍິງ 13 ສະຫາຍ.
ສໍາລັບນາຍ ແລະ ພົນຕໍາຫຼວດ ກອງບັນຊາການປ້ອງກັນເຄື່ອນທີ່ ທີ່ໄດ້ຮັບການເລື່ອນຊັ້ນມີ ຊັ້ນ ພັນຕີ ຂຶ້ນ ພັນໂທ 1 ສະຫາຍ, ຮ້ອຍເອກ ຂຶ້ນ ພັນຕີ 2 ສະຫາຍ, ຮ້ອຍໂທ ຂຶ້ນ ຮ້ອຍເອກ 4 ສະຫາຍ ຍິງ 3 ສະຫາຍ, ຮ້ອຍຕີ ຂຶ້ນ ຮ້ອຍໂທ 5 ສະຫາຍ ສິບເອກ ຂຶ້ນ ວາທີ ຮ້ອຍຕີ 44 ສະຫາຍ, ຍິງ 8 ສະຫາຍ, ສິບໂທ ຂຶ້ນ ສິບເອກ 5 ສະຫາຍ.
ໂອກາດນີ້, ພົຈວ ປອ ວົງເຊໂດນ ພັນທະແກ້ວ ແລະ ພັອ ທອງພັດ ແສນສຸວັນ ໄດ້ສະແດງຄວາມຍ້ອງຍໍຊົມເຊີຍຕໍ່ ບັນດານາຍ ແລະ ພົນຕຳ ຫຼວດ ທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້, ເຊິ່ງມັນເປັນການປະຕິບັດນະໂຍບາຍຕໍ່ຜູ້ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂຕາມລະ ບຽບຂອງກໍາລັງປ້ອງກັນຄວາມສະຫງົບ, ດັ່ງນັ້ນ, ເພື່ອສືບຕໍ່ຈັດຕັ້ງຜັນຂະຫຍາຍໜ້າທີ່ການເມືອງ ກໍຄືໜ້າທີ່ວິຊາສະເພາະທີ່ຕົນຮັບຜິດຊອບໃຫ້ນັບມື້ເຕີບໃຫຍ່ເຂັ້ມແຂງ ແລະ ໜັກແໜ້ນ ຮຽກຮ້ອງໃຫ້ນາຍ ແລະ ພົນຕຳຫຼວດທຸກສະຫາຍເອົາໃຈໃສ່ຢ່າງເຂັ້ມງວດໃນການກໍາແໜ້ນ-ເຊື່ອມຊຶມບັນດານິຕິກໍາ ແລະ ລະບຽບຂອງກໍາລັງ ກໍຄືຂອງພັກຂອງຊາດ, ຫ້າວຫັນໃນການປະຕິບັດໜ້າທີ່ວຽກງານ ເພື່ອພ້ອມກັນເຮັດສໍາເລັດທຸກໜ້າທີ່ທີ່ການຈັດຕັ້ງມອບໝາຍໃຫ້ຢ່າງມີປະສິດທິພາບ.
