ເນື່ອງໃນໂອກາດສົ່ງທ້າຍປີເກົ່າ ປີມະໂລງ ພ.ສ 2567 ຕ້ອນຮັບປີໃໝ່ ປີມະເສັງ ພ.ສ 2568 ທ່ານ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ໄດ້ສົ່ງຄວາມຢ້ຽມຢາມຖາມຂ່າວອັນອົບອຸ່ນ ແລະ ຄໍາອວຍພອນໄຊອັນປະເສີດມາຍັງ ພີ່ນ້ອງຊາວລາວໃນທົ່ວປະເທດຕະຫຼອດເຖິງ ພີ່ນ້ອງຄົນເຊື້ອ ສາຍລາວ ທີ່ອາໄສຢູ່ຕ່າງປະເທດ ກໍຄືຊາວຕ່າງປະເທດທີ່ດໍາລົງຊີວິດ ແລະ ປະຕິບັດໜ້າທີ່ຢູ່ລາວ ຈົ່ງມີສຸຂະພາບເຂັ້ມແຂງ, ມີຄວາມຢູ່ເຢັນເປັນສຸກ, ມີຜົນສໍາເລັດໃນໜ້າທີ່ວຽກງານ, ປັດສະຈາກໂລກໄພໄຂ້ ເຈັບ ແລະ ຈົ່ງພ້ອມກັນສະຫຼອງບຸນປີໃໝ່ລາວ ດ້ວຍຄວາມເບີກບານມ່ວນຊື່ນ, ມີໂຊກມີໄຊ ແລະ ສະຫງົບປອດໄພທຸກປະການ.