ຫ້ອງວ່າການ ກະຊວງປ້ອງກັນຄວາມສະຫງົບ ໄດ້ຈັດພິທີປະກາດແຕ່ງຕັ້ງນາຍຕຳຫຼວດທີ່ຂຶ້ນກັບ ໃນວັນທີ 11 ກຸມພາ 2025, ເປັນປະທານໂດຍ ພົຈວ ອານຸເດດ ຄູນຄຳ ຮອງຫົວ ໜ້າຫ້ອງວ່າການກະຊວງປ້ອງກັນຄວາມສະຫງົບ, ມີຄະນະພັກ-ຄະນະກົມ, ຫ້ອງ, ພະ ແນກ, ນາຍຕຳຫຼວດທີ່ໄດ້ຮັບການແຕ່ງຕັ້ງ ເຂົ້າຮ່ວມ.
ໃນພິທີ, ພັອ ສະໝານ ດວງປັນຍາ ຫົວໜ້າຫ້ອງການເມືອງ ໄດ້ຂຶ້ນຜ່ານຂໍ້ຕົກລົງຂອງກະ ຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງນາຍຕຳຫຼວດ ທີ່ຂຶ້ນກັບຫ້ອງວ່າການກະຊວງປ້ອງກັນຄວາມສະຫງົບ; ໃນນີ້, ໄດ້ແຕ່ງຕັ້ງ ພັທ ປອ ສຸກສຳລານ ວົງສາລະສິນ ແລະ ພັທ ແກ້ວດາວິນ ອິນທະມາລີ ເປັນຮອງຫົວໜ້າກົມພົວພັນຕ່າງປະເທດ ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ; ຜ່ານຂໍ້ຕົກລົງຂອງຫ້ອງວ່າການກະຊວງປ້ອງ ກັນຄວາມສະຫງົບ ວ່າດ້ວຍການແຕ່ງຕັ້ງນາຍຕຳຫຼວດ ຫ້ອງວ່າການກະຊວງປ້ອງກັນຄວາມສະຫງົບ ໃນນີ້ ໄດ້ແຕ່ງຕັ້ງ ສະຫາຍ ພັທ ພຸດທະສັກ ສິມມະວົງ ເປັນຮອງຫົວໜ້າກອງຜະ ລິດ ກົມບໍລິຫານ, ພັທ ນາງ ເກສອນ ວິໄລວົງ ເປັນຫົວໜ້າພະແນກພິທີການ ແລະ ສະ ຫາຍ ຮອ ສົມໄຊ ບຸດສະບາ ເປັນຮອງຫົວໜ້າພະແນກພິທີການ ກົມພົວພັນຕ່າງປະເທດ ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.
ພົຈວ ອານຸເດດ ຄູນຄຳ ໄດ້ໂອ້ລົມຕໍ່ຜູ້ທີ່ໄດ້ຮັບໜ້າທີ່ໃໝ່ ເຊິ່ງທ່ານໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນສໍາເລັດໃນການປະຕິບັດໜ້າທີ່ວຽກງານໃນໄລ ຍະຜ່ານມາ, ພ້ອມທັງເນັ້ນໃຫ້ຜູ້ທີ່ໄດ້ຮັບໜ້າທີ່ໃໝ່ຈົ່ງເອົາໃຈ ໃສ່ນໍາພາ-ຊີ້ນໍາການເມືອງ-ແນວຄິດໃຫ້ແກ່ພະນັກງານ, ຍົກສູງ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງ, ເອົາໃຈໃສ່ປັບປຸງແບບແຜນວິທີເຮັດວຽກແບບແຜນວິທີ ນໍາພາໃຫ້ໜັກແໜ້ນ ເຂັ້ມແຂງ, ເອົາໃຈໃສ່ເພີ່ມທະວີຄວາມສາມັກ ຄີພາຍໃນໃຫ້ແໜ້ນ ແຟ້ນ, ກຳແໜ້ນ ແລະ ປະຕິບັດຫຼັກການລວມສູນປະຊາທິປະໄຕ ເຮັດວຽກເປັນ ໝູ່ຄະນະ, ສືບຕໍ່ເຝິກຝົນຫຼໍ່ຫຼອມຕົນເອງ ແລະ ເອົາໃຈໃສ່ ປັບປຸງວຽກງານກໍ່ສ້າງພັກ-ກໍ່ສ້າງພະນັກງານໃຫ້ ມີຄວາມກ້າວໜ້າ ແລະ ບັນຫາ ອື່ນໆ ພ້ອມເຮັດສຳເລັດໜ້າທີ່ທີ່ການຈັດຕັ້ງຂັ້ນເທິງມອບໝາຍໃຫ້.
