ສູນຕ້ອນຮັບ ແລະ ຝຶກອົບຮົມວິຊາສະເພາະ ກົມໃຫຍ່ການເມືອງ ປກສ ໄດ້ຈັດພິທີເປີດຊຸດຮຽນກໍ່ສ້າງໃຫ້ນັກຮຽນນາຍສິບ ປກສ ຊັ້ນຕົ້ນ ຮຸ່ນທີ III ຂະແໜງວິຊາສະເພາະທົ່ວໄປ ປະຈໍາສົກປີ 2023-2024, ໃນວັນທີ 15 ມີນາ 2023, ໂດຍການເຂົ້າຮ່ວມຂອງ ພົຈວ ແອນ ອຸ່ນອານົງ ນຸດ ຮອງຫົວໜ້າກົມໃຫຍ່ການເມືອງ ປກສ, ມີຄະນະສູນ, ພ້ອມດ້ວຍພາກສ່ວນກ່ຽວຂ້ອງ, ຄູ-ອາຈານ ແລະ ນັກຮຽນ ເຂົ້າຮ່ວມ.
ພັທ ແສງດາວ ວິຜາສຸກ ຫົວໜ້າສູນຕ້ອນຮັບ ແລະ ຝຶກອົບຮົມວິຊາສະເພາະ ກ່າວວ່າ: ຈໍານວນພົນນັກຮຽນຄັ້ງນີ້ມີທັງໝົດ 220 ສະຫາຍ ຍິງ 98 ສະຫາຍ, ປະກອບມີ 3 ໝວດວິຊາຮຽນ ຄື: ໝວດວິຊາຄວາມຮູ້ທົ່ວໄປ ມີ 4 ວິຊາ, ຮຽນ 13 ວັນ, ມີ 91 ຊົ່ວ ໂມງ, ໝວດວິຊາພື້ນ ຖານວິຊາສະເພາະ ມີ 11 ວິຊາ, 65 ວັນ, 455 ຊົ່ວໂມງ, ໝວດວິຊາສະເພາະ ມີ 8 ວິຊາ, ຮຽນ 176 ວັນ, ມີ 1.232 ຊົ່ວໂມງ, ຝຶກຫັດພາຍນອກ 30 ວັນ, ມີ 210 ຊົ່ວໂມງ, ຄົ້ນຄວ້າ ແລະ ສອບເສັງຈົບຫຼັກສູດ 15 ວັນ, ມີ 105 ຊົ່ວໂມງ ລວມ 254 ວັນ, ມີ 1.778 ຊົ່ວໂມງ, ສິ້ນ ສຸດ ໂຄງການຫຼັກສູດບົດຮຽນ ແຕ່ລະສະຫາຍຕ້ອງໄດ້ທວນຄືນ ແລະ ສອບເສັງເອົາຄະແນນຈົບຊັ້ນໃນ ແຕ່ລະພາກແຕ່ລະວິຊາຮຽນຄື: ພາກວິຊາການເມືອງ, ພາກວິຊາກົດໝາຍ, ພາກວິຊາປ້ອງກັນຄວາມສະຫງົບ, ແຕ່ລະພາກວິຊາຕ້ອງໄດ້ຄະແນນ 6 ຂຶ້ນໄປ.
ການເປີດຮຽນໃນຊຸດນີ້, ແມ່ນບາດກ້າວໃໝ່ຂອງການປັບປຸງ – ກໍ່ສ້າງກໍາລັງປ້ອງກັນຄວາມສະຫງົບ ໃຫ້ມີຄວາມເຕີບໃຫຍ່, ເຂັ້ມແຂງຂຶ້ນເປັນກ້າວໆ ແລະ ທັງແມ່ນການຕັດສິນໃຈສູງຂອງຄະນະພັກ-ຄະນະນໍາກະຊວງປ້ອງກັນຄວາມສະຫງົບ ເພື່ອການພັດທະນາຊັບພະຍາກອນ, ເຮັດໃຫ້ໂຄງການລັກສູດການຮຽນ -ການສອນໄດ້ຮັບຜົນ ສໍາເລັດໂດຍສະເພາະແມ່ນບັນດານັກຮຽນທີ່ມາຮຽນຄັ້ງນີ້ຕ້ອງ ໄດ້ເຊື່ອມຊຶມກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຄວາມຮູ້ທາງດ້ານວິຊາສະເພາະ, ຕັ້ງໜ້າຝຶກຝົນຫຼ່ໍຫຼອມຄຸນສົມບັດສິນທໍາປະຕິວັດ, ຮໍ່າຮຽນໃຫ້ເກັ່ງ, ປະຕິບັດກົດລະບຽບຂອງສູນຕ້ອນຮັບ ແລະ ຝຶກອົບຮົມວິຊາສະເພາະໃຫ້ເຂັ້ມງວດ.
