ວັນທີ 18 ມັງກອນ 2025, ຄະນະນໍາກະຊວງປ້ອງ ກັນປະເທດ ນໍາໂດຍ ສະຫາຍ ພົນຕີ ວົງສອນ ອິນປານພິມ ຮອງລັດຖະມົນຕີກະ ຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ພ້ອມດ້ວຍຄະນະ ໄດ້ນຳເອົາກະ ຕ່າໝາກໄມ້ ແລະ ຄໍາອວຍພອນໄຊອັນປະເສີດ ໄປອວຍພອນອະດີດການນໍາຂັ້ນສູງອາວຸດໂສ ເນື່ອງໃນໂອກາດວັນສ້າງຕັ້ງ ກອງທັບປະຊາຊົນລາວ ຄົບຮອບ 76 ປີ (20 ມັງ ກອນ 1949 – 20 ມັງກອນ 2025).ໃນນັ້ນ, ໄດ້ເຂົ້າອວຍພອນ ສະຫາຍ ພົນເອກ ຄຳໄຕ ສີພັນດອນ ອະດີດເລຂາທິການ ໃຫຍ່, ຄະນະບໍລິຫານງານສູນ ກາງພັກສະໄໝທີ VI-VII, ອະ ດີດປະທານປະເທດ ແຫ່ງ ສປປ ລາວ ແລະ ສະຫາຍ ຈູມມະລີ ໄຊຍະສອນ ອະດີດເລ ຂາ ທິການໃຫຍ່, ຄະນະບໍລິຫານງານສູນກາງ ພັກ ສະໄໝທີ VIII-IX, ອະດີດປະທານປະ ເທດ ແຫ່ງ ສປປ ລາວ.
ໃນໂອກາດນີ້, ຄະນະນໍາກະຊວງປ້ອງກັນປະເທດ ໄດ້ຕາງໜ້າໃຫ້ນາຍ ແລະ ພົນທະ ຫານທົ່ວກອງທັບ ກ່າວຄຳອວຍພອນແດ່ທ່ານຜູ້ນຳ ຂັ້ນສູງອາວຸໂສແຕ່ລະທ່ານຈົ່ງມີ ສຸຂະພາບແຂງແຮງ, ມີອາຍຸຍືນ ຍາວ, ພ້ອມທັງສືບຕໍ່ໃຫ້ທິດຊີ້ ນຳລັດຖະບານ ກໍຄື ກອງທັບປະ ຊາຊົນລາວ ໃຫ້ມີການພັດທະນາ ແລະ ເຕີບໃຫຍ່ເຂັ້ມແຂງ ຂຶ້ນ ເລື້້ອຍໆ. ບັນດາການນໍາ ແລະ ອະດີດ ການນຳຂັ້ນສູງອາວຸໂສ ກໍໄດ້ກ່າວ ຄໍາຂອບໃຈ ຕໍ່ ຄະ ນະພັກກະຊວງປ້ອງກັນປະເທດທີ່ມາອວຍພອນໃນຄັ້ງນີ້, ໃຫ້ພ້ອມກັນສືບຕໍ່ປະຕິບັດໜ້າທີ່ວຽກງານຂອງຕົນໃຫ້ສຳເລັດຕາມ ທີ່ພັກ-ລັດ ແລະ ປະຊາຊົນມອບໝາຍໃຫ້.
