ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ປິດຊຸດບໍາລຸງວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ພະນັກງານນໍາພາ-ຄຸ້ມ ຄອງ ໄລຍະ 64 ວັນ ຊຸດທີ XX ສົກປີ 2022-2023 ຂຶ້ນຢ່າງເປັນທາງການ ໃນວັນທີ 17 ມັງກອນ 2023, ໂດຍການເປັນປະທານຂອງ ສະຫາຍ ພົທ ກົງທອງ ພົງວິຈິດ ກຳມະການສູນກາງພັກ, ຄະນະກຳມະການປ້ອງກັນຊາດ-ປ້ອງກັນຄວາມສະຫງົບສູນກາງ ຮອງລັດຖະມົນ ຕີກະຊວງປ້ອງກັນຄວາມສະຫງົບ, ມີສະຫາຍ ພົຕ ຄຳຫຼ້າ ພັນໄຊຍະສຸກ ກຳມະການ ຄະນະພັກກະຊວງປ້ອງກັນປະເທດ, ຫົວໜ້າການເມືອງ ວປກ, ມີຜູ້ຕາງໜ້າຫ້ອງວ່າການສູນ ກາງພັກ, ຄະນະຈັດຕັ້ງສູນການພັກ, ຫ້ອງວ່າການສໍານັກງານນາຍົກ, ຫ້ອງ ການ ປກຊ-ປກສ ສູນກາງ, ກະຊວງປ້ອງກັນຄວາມສະຫງົບ, ພ້ອມດ້ວຍບັນດາກົມໃຫຍ່, ຄະນະພັກ-ຄະນະອໍານວຍການ ວປກ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພົຈວ ປອ ສົງກາ ບຸນຄຸນ ຮອງຫົວໜ້າການທະຫານ ຫົວໜ້າກົມອົບຮົມ-ກໍ່ສ້າງ ວປກ ໄດ້ຜ່ານບົດລາຍງານ: ຜ່ານການຈັດຕັ້ງປະຕິ ບັດແຜນການບໍາລຸງວຽກງານ ປກຊ-ປກສ ໃຫ້ພະນັກງານນໍາພາ-ຄຸ້ມຄອງ ຊຸດທີ XX ແມ່ນໄດ້ເລີ່ມການຮຽນ-ການສອນ ແຕ່ວັນທີ 16 ພະ ຈິກ 2022, ມີຈຳນວນ 30 ສະຫາຍ ຍິງ 7 ສະຫາຍ ມາຈາກສູນກາງ 13 ສະຫາຍ ແລະ ມາ ຈາກທ້ອງຖິ່ນ ຈຳນວນ 17 ສະຫາຍ. ໃນຕະຫຼອດໄລຍະການອົບຮົມຄັ້ງນີ້, ສໍາ ມະນາກອນແມ່ນໄດ້ເອົາໃຈໃສ່ຄົ້ນຄວ້າຮໍ່າຮຽນ, ມີການສົນທະນາແລກປ່ຽນບົດ ຮຽນກັບຄູ-ອາຈານທີ່ມີບົດຮຽນ ແລະ ມີປະສົບການທັງພາຍໃນວິທະຍາ ຄານ ແລະ ວິທະຍາກອນມາຈາກຂະແໜງການທີ່ກ່ຽວຂ້ອງ ເຮັດໃຫ້ສໍາມະນາກອນສາມາດກຳໄດ້ຫຼັກການພື້ນຖານ, ທິດສະດີວິທະຍາສາດໃນວຽກ ງານປ້ອງກັນຊາດ-ປ້ອງກັນຄວາມສະຫງົບ, ສ້າງໄດ້ຄວາມຮັບຮູ້ອັນໃໝ່ໃນຂົງເຂດຍຸດທະສາດປ້ອງ ກັນຊາດ, ຍຸດທະສາດການທະຫານ ແລະ ບັນຫາລວມໃນການຊີ້ນຳ-ບັນຊາກຳລັງ ປກຊ-ປກສ ຢູ່ຂັ້ນຂອງຕົນ, ເພື່ອເສີມຂະຫຍາຍພາລະບົດ ບາດ, ໜ້າທີ່ໃນການເປັນເສນາທິການດ້ານວຽກງານ ປກຊ-ປກສ ໃຫ້ແກ່ພັກ-ລັດຖະບານ, ສູນກາງ, ກະຊວງ, ແຂວງ, ເມືອງໂດຍສະເພາະແມ່ນຕໍ່ແຜນການປັບປຸງ, ກໍ່ ສ້າງກຳລັງປະກອບອາວຸດປະຊາຊົນ, ການກໍ່ສ້າງບໍລິເວນປ້ອງກັນຂອງແຂວງ, ເມືອງໃຫ້ໜັກແໜ້ນເຂັ້ມແຂງ, ຄຽງຄູ່ກັບການຮໍ່າຮຽນທາງດ້ານທິດສະດີຫຼັກການແລ້ວ ຍັງໄດ້ລົງໄປ ທັດ ສະນະສຶກສາຢູ່ບັນດາກົມກອງກຳລັງຫຼວງ ແລະ ກຳລັງທ້ອງຖິ່ນຈໍານວນໜຶ່ງ.
ໃນໄລຍະອົບຮົມນີ້, ສໍາມະນາກອນຍັງໄດ້ປະກອບສ່ວນທາງດ້ານວັດຖຸປັດໄຈມອບເປັນທີ່ລະນຶກໃຫ້ແກ່ ວປກ ແລະ ບັນດາກົມກອງຮາກຖານ ທັງບຸກຄົນ ແລະ ລວມໝູ່, ມີເງິນສົດ ແລະ ອຸປະຖໍາວັດຖຸປະ ກອບມີ ອຸປະ ກອນຕ່າງໆ, ອຸປະກອນກິລາ, ເຄື່ອງກິລາ ແລະ ສິລະປະວັນນະຄະດີ ເປັນເງິນຈໍານວນ ທັງໝົດ 184.340.000 ກີບ, ເປັນເງິນ ຈຳນວນ 73.000.000 ກີບ. ໃນນັ້ນ, ຊ່ວຍ ວປກ ທັງເງິນ ແລະ ວັດຖຸອຸປະກອນ ລວມມູນ ຄ່າທັງໝົດ 81.411.000 ກີບ. ຊ່ວຍກົມກອງທີ່ລົງຢ້ຽມຢາມ ແລະ ທັດສະນະສຶກສາ ຢູ່ 4 ກົມກອງ ລວມມູນຄ່າທັງໝົດ 87. 879.000 ກີບ. ຈາກນັ້ນ, ສະຫາຍ ພົນຕີ ຄຳຫຼ້າ ພັນໄຊຍະສຸກ ກຳມະການ ຄະນະພັກກະຊວງປ້ອງກັນປະເທດ, ຫົວ ໜ້າການເມືອງ ວປກ ໄດ້ເປັນກຽດມອບໃບຢັ້ງຢືນໃຫ້ນັກສຶກສາພະນັກງານນໍາພາ-ຄຸ້ມຄອງ ຊຸດບໍາລຸງວຽກງານປ້ອງ ກັນຊາດ-ປ້ອງກັນຄວາມສະຫງົບ ຊຸດທີ XX ທີ່ສໍາເລັດບັ້ນອົບຮົມ ຄັ້ງນີ້ຢ່າງສົມກຽດ.
ໂອກາດນີ້, ສະຫາຍ ພົທ ກົງທອງ ພົງວິຈິດ ໄດ້ມີຄໍາເຫັນຕໍ່ພະນັກງານນໍາພາ-ຄຸ້ມຄອງ ທີ່ສໍາເລັດຊຸດບໍາລຸງຄັ້ງນີ້ ຈົ່ງພ້ອມກັນສືບຕໍ່ຜັນຂະ ຫຍາຍບົດຮຽນທີ່ໄດ້ຮຽນມານໍາໄປໝູນໃຊ້ເຂົ້າໃນວຽກງານຕົວຈິງໃຫ້ສອດຄ່ອງກັບສະພາບຈຸດພິເສດຂອງແຕ່ລະທ້ອງຖິ່ນ, ເອົາໃຈໃສ່ສະໜັບ ສະໜູນໃຫ້ການຊ່ວຍເຫຼືອ ແລະ ກໍ່ສ້າງກໍາລັງ ປກຊ-ປກສ ໃຫ້ກາຍເປັນກໍາລັງຫຼັກແຫຼ່ງມີຄວາມໜັກແໜ້ນ ເຂັ້ມ ແຂງ, ພ້ອມທັງໄດ້ເນັ້ນໜັກໃຫ້ຄະນະພັກ-ຄະນະອໍານວຍການ ວປກ ເອົາໃຈໃສ່ໃນການສຶກສາອົບຮົມການເມືອງ-ແນວຄິດໃຫ້ພະນັກງານ, ຄູ-ອາຈານເຊື່ອມຊຶມກຳແໜ້ນແນວທາງນະໂຍ ບາຍຂອງພັກ, ກົດໝາຍຂອງລັດ ແລະ ທາດແທ້ມູນເຊື້ອຂອງກອງທັບ, ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ພ້ອມກັນຄົ້ນຄວ້າ ຊອກຫາບົດຮຽນອັນໃໝ່ ເພື່ອຮັບປະກັນເຮັດໃຫ້ການສິດສອນມີຄຸນນະພາບ.
