ວັນທີ 13 ພະຈິກ 2024, ກະຊວງປ້ອງກັນຄວາມສະຫງົບ ໄດ້ມອບລົດຕູ້ ຍີ່ຫໍ້ GAC ຈໍານວນ 1 ຄັນ ໃຫ້ ກອງບັນຊາການປ້ອງກັນຄວາມສະຫງົບ ແຂວງຈໍາປາສັກ, ເປັນກຽດກ້າວມອບໂດຍ ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ, ລັດຖະມົນຕີກະຊວງ ປກສ ພ້ອມດ້ວຍຄະນະ, ກ້າວຮັບໂດຍ ທ່ານ ພົຈວ ສຸກພະຈັນ ສີລາເພັດ ຫົວໜ້າກອງບັນຊາການປ້ອງຄວາມສະຫງົບ ແຂວງຈໍາປາສັກ, ມີຄະພັກ-ຄະນະບັນຊາ, ຫ້ອງວ່າການກະຊວງ ປກສ ແລະ ພາກສ່ວນກ່ຽວຂ້ອງ ເຂົ້າຮ່ວມ, ທີ່ຫ້ອງການ ກອງບັນຊາການ ປກສ ແຂວງຈຳປາສັກ.
ການມອບ-ຮັບລົດຕູ້ ຍີ່ຫໍ້ GAC ໃນຄັ້ງນີ້ ກໍເພື່ອເປັນການປະກອບສ່ວນອັນສໍາຄັນໃຫ້ແກ່ ກອງບັນຊາການປ້ອງກັນຄວາມສະຫງົບ ແຂວງຈໍາປາສັກ ນໍາໃຊ້ເຂົ້າໃນວຽກງານລວມຂອງກອງບັນຊາການ ມີຄວາມສະດວກ, ວ່ອງໄວ ແລະ ຍັງເປັນການເຂັ້ມງວດຕໍ່ກັບການປະຕິບັດຕາມຂໍ້ຕົກລົງຂອງ ລັດຖະມົນຕີ ກະຊວງປ້ອງກັນຄວາມສະຫງົບ ເລກທີ 3177/ປກສ ວ່າດ້ວຍ ການປະກອບລົດຮັບໃຊ້ວຽກງານວິຊາສະເພາະລວມ ໃຫ້ ກອງບັນຊາການ ປກສ ແຂວງຈໍາປາສັກ ຕື່ມອີກ.
