ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ຄະນະພັກກົມໃຫຍ່ຕຳຫຼວດ ເປີດບັ້ນດຳເນີນຊີວິດການເມືອງ


ຄະນະພັກກົມໃຫຍ່ຕຳຫຼວດ  ກະຊວງ  ປກສ  ໄດ້ເປີດບັ້ນດຳເນີນຊີວິດການເມືອງ  ປະຈຳປີ  2018  ຂຶ້ນໃນວັນທີ  30  ຕຸລາ  2018  ເພື່ອປັບປຸງກໍ່ສ້າງການຈັດຕັ້ງພັກ,  ກົມກອງ,  ສະມາຊິກພັກ  ແລະ  ພະນັກງານ-ນັກຮົບ  ໃຫ້ໜັກແໜ້ນ-ເຂັ້ມ  ແຂງ-ປອດໃສ  ທັງເປັນການດຳເນີນການກວດກາຄັດເລືອກກົມກອງ  ເຂັ້ມແຂງ-ໜ່ວຍພັກຮູ້ນຳພາຮອບດ້ານ  ໃຫ້ຖືກຕ້ອງ  ຕາມເປົ້າໝາຍ;  ເປັນປະທານໂດຍ  ພົຈວ  ປອ  ທອງເຫຼັກ  ມັງໜໍ່ເມກ  ຄະນະພັກກະຊວງ  ເລຂາຄະນະພັກ  ຫົວໜ້າກົມ  ໃຫຍ່ຕຳຫຼວດ,  ມີຄະນະພັກກົມໃຫຍ່,  ເລຂາ-ຮອງເລຂາໜ່ວຍພັກ,  ບັນດາຫ້ອງ,  ກົມ,  ສູນອ້ອມຂ້າງກົມໃຫຍ່ຕຳຫຼວດເຂົ້າ  ຮ່ວມ.
ເອກະສານທີ່ນຳມາເຜີຍແຜ່  ໃນບັ້ນດຳເນີນຊີວິດການເມືອງຄັ້ງນີ້,  ປະກອບມີ:  ຄຳສັ່ງຂອງກົມການເມືອງສູນກາງພັກ  ສະບັບ  ເລກທີ  01/ກມສພ  ລົງວັນທີ  3  ມັງກອນ  2018  ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ,  ເຂັ້ມ  ແຂງ,  ໜັກແໜ້ນ,  ຄຳແນະນຳຂອງຄະນະຈັດຕັ້ງສູນກາງພັກ  ເລກທີ  291/ຄຈສພ  ລົງວັນທີ  26  ເມສາ  2018  ກ່ຽວກັບ  ການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ  ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ,  ເຂັ້ມແຂງ,  ໜັກແໜ້ນ  ແລະ  ເອກະສານຄຳແນະນຳຂອງຄະນະພັກກະຊວງ  ປກສ  ເລກທີ  464/ຄພ.  ປກສ  ລົງວັນທີ  31  ທັນວາ  2007  ວ່າດ້ວຍການເປີດບັ້ນດຳເນີນຊີວິດການເມືອງ,  ດຳເນີນການຄັດເລືອກກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ  ໃນກຳລັງປ້ອງກັນຄວາມສະຫງົບ  ປະຈຳແຕ່ລະປີ;  ເຜີຍແຜ່ໂດຍ  ພົຈວ  ປອ  ທອງເຫຼັກ  ມັງໜໍ່ເມກ.
ພາຍຫຼັງສຳເລັດການເຊື່ອມຊຶມຂັ້ນພະນັກງານນຳພາ-ບັນຊາ  ແລ້ວຈະມີການແບ່ງຈຸຮັບຜິດຊອບຊີ້ນຳ-ນຳພາ  ເພື່ອນຳເອົາ  ເນື້ອໃນຈິດໃຈ  ຂອງບັ້ນດຳເນີນຊີວິດການເມືອງເທື່ອນີ້  ໄປເຜີຍແຜ່ໃຫ້ບັນດາສະມາຊິກພັກ  ແລະ  ພະນັກງານ  -  ນັກຮົບ  ໃນຄວາມຮັບຜິດຊອບ  ຂອງຕົນຮັບຮູ້ຢ່າງທົ່ວເຖິງ  ດ້ວຍການເປີດບັ້ນດຳເນີນຊີວິດການເມືອງໃນແຕ່ລະໜ່ວຍພັກ,  ຈາກ  ນັ້ນ  ບັນດາສະຫາຍຈະໄດ້ມີການຂຽນໃບສຳຫຼວດຕີລາຄາຕົນເອງ  ແລະ  ເພື່ອນຮ່ວມງານ  ເພື່ອດຳ  ເນີນການສຳຫຼວດ  ກວດກາຕີລາຄາແບ່ງປະເພດ  ໃຫ້ຖືກຕ້ອງຕາມຄວາມເປັນຈິງ,  ເຊິ່ງບັ້ນດຳເນີນຊີວິດການເມືອງ  ທົ່ວກົມໃຫຍ່ຕຳຫຼວດ  ຄາດຈະສຳເລັດໃນວັນທີ  13  ພະຈິກ  2018.

ປະຊາສຳພັນ

  

ເຜີຍແຜ່: 31/10/2018, ອ່ານ: 0 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !