ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
 ບໍລິສັດບໍລິການຝຶກຊ້ອມກິລາຍິງປືນມອບງົບຝຶກອົບຮົມວຽກງານວິຊາສະເພາະໃຫ້ກະຊວງ ປກສ

ໃນວັນທີ  20  ຕຸລາ  2018  ທີ່ສະໜາມຝຶກຊ້ອມກິລາຍິງປືນ  5  ເມສາ,  ບໍລິສັດ  ບໍລິການຝຶກຊ້ອມກິລາຍິງປືນ  ຈໍາ  ກັດ  ໄດ້ລົງນາມເຊັນສັນຍາມອບເງິນຊຸກຍູ້  ແລະ  ເຮືອບິນບັງຄັບຂະໝາດນ້ອຍ  (  ໂດຣນ  )  ໃຫ້ກະຊວງ  ປກສ  ເພື່ອນໍາໄປ     ໝູນໃຊ້ເຂົ້າໃນການຝຶກອົບຮົມວຽກງານວິຊາສະເພາະ  ໃຫ້ກໍາລັງປ້ອງກັນຄວາມສະຫງົບໃນໄລຍະ  5  ປີ  ລວມມູນຄ່າທັງໝົດ  655.  000  ໂດລະສະຫະລັດ,  ເຊັນມອບໂດຍ  ທ່ານ  ປີຊາໄຊ  ແກ້ວໄຊຍະຈັກ  ປະທານບໍລິສັດ  ບໍລິການ  ຝຶກຊ້ອມກິລາຍິງ  ປືນ  ຈໍາກັດ;  ຕາງໜ້າເຊັນຮັບໂດຍ  ພົຈວ  ຄໍາໄຕ  ຄໍາແພງເພັດ  ຫົວໜ້າກົມໃຫຍ່ພະລາທິການ  ກະຊວງ  ປກສ,  ເຂົ້າຮ່ວມ  ໂດຍ  ພົຕ  ປອ  ສົມຫວັງ  ທໍາມະສິດ  ຮອງລັດຖະມົນຕີ  ກະຊວງ  ປກສ  ພ້ອມດ້ວຍຄະນະທັງສອງຝ່າຍ.
ປະທານ  ບໍລິສັດ  ບໍລິການຝຶກຊ້ອມກິລາຍິງປືນ  ຈໍາກັດ  ກ່າວວ່າ:   ເພື່ອເປັນການຊຸກຍູ້,  ສົ່ງເສີມ  ແລະ  ພັດທະນາກໍາລັງ  ປ້ອງກັນຄວາມສະຫງົບ  ໃຫ້ເຕີບໃຫຍ່ເຂັ້ມແຂງທັນສະໄໝເທື່ອລະກ້າວ  ໃນການປະຕິບັດໜ້າທີ່ວຽກງານວິຊາສະເພາະ  ຕົວຈິງ,  ບໍລິສັດ  ບໍລິການຝຶກຊ້ອມກິລາຍິງປືນ  ຈໍາກັດ  ຈຶ່ງໄດ້ປະກອບສ່ວນຊູກຍູ້ດ້ານເສດຖະກິດ,  ວິຊາການ,  ສະຖານທີ່  ແລະ  ສິ່ງອໍານວຍຄວາມສະດວກຕ່າງໆ  ໃຫ້ກໍາລັງປ້ອງກັນຄວາມສະຫງົບ  ເພື່ອຝຶກອົບຮົມວຽກງານວິຊາສະເພາະເຊິ່ງໃນ  ລະຍະ  5  ປີນີ້,  ບໍລິສັດ  ບໍລິການຝຶກຊ້ອມກິລາຍິງປືນ  ຈໍາກັດ  ຈະຊຸກຍູ້ເງິນຄ່າໃຊ້ຈ່າຍສິ້ນເປືອງ  ໃນການຝຶກອົບຮົມຈໍາ  ນວນ  100.000  ສະຫະລັດ  ຕໍ່ປີ,  ອັດຕາກິນ  ຈໍານວນ  20.000  ໂດລາສະຫະ  ລັດຕໍ່ປີ,  ລວມມູນຄ່າ  ທັງໝົດ  600.000  ໂດລາສະຫະລັດ  ແລະ  ມອບເຮືອນບິນບັງຄັບຂະໜາດນ້ອຍ  (ໂດຣນ)  ຈໍານວນ  5  ເຄື່ອງ  ລ່ວມມູນຄ່າ  55.000  ໂດລາສະ  ຫະລັດ  ຈາກນັ້ນ,  ກະຊວງ  ປກສ  ແມ່ນໄດ້ມອບ   (ໂດຣນ)  ໃຫ້  ປກສ  ນະຄອນຫຼວງວຽງຈັນ  ເປັນຜູ້ຄຸ້ມຄອງຕ່າງໜ້າຮັບ  ໂດຍ  ພຈົວ  ບຸບຜາສີ  ພົມມາ  ຫົວໜ້າກອງບັນຊາການ  ປກສ  ນະຄອນຫຼວງວຽງຈັນ.
ໂອກາດນີ້,  ພົຕ  ປອ  ສົມຫວັງ  ທໍາມະສິດ  ໄດ້ກ່າວສະແດງຄວາມຂອບໃຈຕໍ່  ບໍລິສັດ  ບໍລິການຝຶກຊ້ອມກິລາຍິງປືນ  ຈໍາກັດ  ທີ່ເຫັນໄດ້ຄວາມໝາຍ  ແລະ  ຄວາມສໍາຄັນຕໍ່ວຽກງານວິຊາສະເພາະຂອງ  ກະຊວງ  ປກສ  ເຊິ່ງງົບປະມານດັ່ງ  ກ່າວກະຊວງ  ປກສ  ແມ່ນຈະນໍາໄປໃຊ້ຈ່າຍເຂົ້າໃນການເປີດຊຸດຝຶກອົບຮົມວຽກງານວິຊາສະເພາະໃຫ້ກໍາລັງປ້ອງກັນ  ຄວາມສະຫງົບໃນໄຊຍະ  5  ປີ  ເພື່ອເປັນການສົ່ງເສີມ  ແລະ  ພັດທະນາກໍາລັງປ້ອງກັນຄວາມສະຫງົບໃຫ້ເຕີບໃຫຍ່ເຂັ້ມ  ແຂງທັນສະໄໝຂຶ້ນເທື່ອລະກ້າວ.

ປະຊາສຳພັນ

  

ເຜີຍແຜ່: 23/10/2018, ອ່ານ: 0 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !