ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
 ແຂວງວຽງຈັນ ທຳລາຍຢາເສບຕິດ ສະຫຼອງວັນແຫ່ງຊາດ ຕ້ານຢາເສບຕິດ ຄົບຮອບ 17 ປີ


ແຂວງວຽງຈັນ  ໄດ້ຈັດພິທີຈູດທຳລາຍຢາເສບຕິດ  ເນື່ອງໃນໂອກາດສະຫຼອງວັນແຫ່ງຊາດ  ຕ້ານຢາເສບຕິດ  ຄົບຮອບ  17  ປີ,  ໃນວັນທີ  18  ຕຸລາ  2018  ໂດຍພາຍໃຕ້ການເປັນປະທານຂອງ  ທ່ານ  ວິດົງ  ໄຊຍະສອນ  ເຈົ້າແຂວງໆ  ວຽງຈັນ  ມີບັນດາ  ຄະນະກຳມະການກວດກາ  ແລະ  ຄວບຄຸມຢາເສບຕິດແຂວງວຽງຈັນ,  ກຳມະການພັກແຂວງ,  ຕາງໜ້າພະແນກການ,  ອົງ  ການ,  ກົມກອງ,  ເຈົ້າເມືອງ,  ຕາງໜ້າອໍານາດການປົກຄອງບ້ານອ້ອມຂ້າງ  ພ້ອມດ້ວຍນັກຮຽນ,  ນັກສຶກສາເຂົ້າຮວ່ມຢ່າງ  ຫຼວງຫຼາຍ.
ພັອ  ປອ  ທອງເຄນ  ບຸນໝັ້ນ   ຫົວໜ້າກອງບັນຊາການ  ປກສ  ແຂວງວຽງຈັນ  ຂຶ້ນຜ່ານບົດລາຍງານວ່າ:  ໃນໄລຍະປີ  2016,  2017  ແລະ  2018  ຜ່ານມາ  ຢາເສບຕິດປະເພດຕ່າງໆ  ແລະ  ການລັກລອບຄ້າຂາຍຢາເສບຕິດທີ່ຜິດກົດໝາຍ,  ໄດ້  ທຳລາຍຊີວິດ  ແລະ  ຊຸມຊົນເປັນອຸປະສັກຕໍ່ການພັດທະນາຊັບພະຍາກອນມະນຸດ,   ຢາເສບຕິດແມ່ນໄດ້ສົ່ງຜົນກະທົບ  ໃຫ້ແກ່ທຸກພາກສ່ວນຂອງສັງຄົມໃນແຕ່ລະປະເທດ  ໂດຍສະເພາະຕໍ່ເສລີພາບ  ແລະ  ການພັດທະນາຊາວໜຸ່ມເຍົາວະຊົນ  ເປັນສິ່ງທ້າທາຍ  ແລະ  ໜ້າເປັນຫ່ວງ,  ສະນັ້ນ;  ພັກ  -  ລັດຖະບານ  ພວກເຮົາກໍໄດ້ນຳໃຊ້ກາລະໂອກາດທີ່ດີວາງແນວທາງ  ແກ້ໄຂບັນຫາຢາເສບຕິດ  ໂດຍສະເພາະຄະນະພັກອຳນາດການປົກຄອງ  ແຕ່ລະຂັ້ນພາຍໃນ  ແຂວງ  ວຽງຈັນ.
ເຊິ່ງໃນປີຜ່ານມາ,  ພາກສ່ວນຕ່າງໆ  ໄດ້ເຄື່ອນໄຫວວຽກງານແຕ່ລະດ້ານ,  ໃນນີ້  ໄດ້ສ້າງ  ແລະ  ປະກາດບ້ານເປັນບ້ານ  ປອດຢາເສບຕິດ  274  ບ້ານທົ່ວແຂວງວຽງຈັນ,  ມີ  1  ມະຫາວິທະຍາໄລສ້າງຄູບ້ານເກີນ  ແລະ  ມີໂຮງຮຽນມັດທະຍົມ  ຕອນຕົ້ນ,  ຕອນປາຍ  75  ແຫ່ງ,  ເຂົ້າຮວ່ມຕັດສິນຄະດີໄດ້  84  ຄັ້ງ,  ກວດນ້ຳປັດສະວະ  16  ຄັ້ງ  ມີຜູ້ເຂົ້າກວດ  3.022  ຄົນ,  ເປັນຍິງ  1.247  ຄົນ,  ພົບສານເສບຕິດ  181  ຄົນ  ເປັນຍິງ  42  ຄົນ,  ໄດ້ລົງໂຄສະນາເຜີຍແຜ່ຜົນຮ້າຍຢາເສບຕິດຢູ່  ບັນດາບ້ານ,  ໂຮງຮຽນ  11  ເມືອງ  ທັງໜົດມີ  42  ຄັ້ງ  ມີຜູ້ເຂົ້າຮ່ວມທັງໜົດ  17.642  ຄົນ  ຍິງ  7.289  ຄົນ  ແລະອື່ນໆ  ນອກ  ຈາກນັ້ນກໍສາມາດເກັບກຳຂໍ້ມູນຜູ້ເສບ  ແລະ  ຜູ້ຄ້າຂາຍ  ຢູ່  11  ເມືອງ  ລວມມີທັງໜົດ  6.713  ຄົນ  ຍິງ  365  ຄົນ,  ຜູ້ເສບ  ຢາບ້າ  5.040  ຄົນ  ຍິງ  48  ຄົນ,  ຜູ້ສູບຝິ່ນ  262  ຄົນ  ຍິງ  91  ຄົນ,  ຜູ້ຂາຍຢາບ້າ  881  ຄົນ  ຍິງ  214  ຄົນ,  ຜູ້ຂາຍຝິ່ນ  16  ຄົນ  ຍິງ  2  ຄົນ;   3  ປີຜ່ານມາເຈົ້າໜ້າທີ່ພະແນກຕຳຫຼວດສະກັດກັ້ນ  ແລະ  ຕ້ານຢາເສບຕິດ  ປກສ  ແຂວງວຽງ  ຈັນ  ໂດຍສົມທົບກັບກອງບັນຊາການ  ປກສ  ເມືອງ  ແລະ  ເຈົ້າໜ້າທີ່ໆກ່ຽວຂ້ອງ  ໄດ້ສຸມໃສ່ຢ່າງຕັ້ງໜ້າເພື່ອສະກັດກັ້ນ  ແລະ  ຕ້ານຢາເສບຕິດໂດຍສະເພາະການຊື້  -  ຂາຍ,  ການເຄື່ອນຍ້າຍຂົນສົ່ງ.
ໃນໄລຍະ  3  ປີ  ຜ່ານມາ  ສາມາດມ້າງຄະດີໄດ້ທັງໝົດ  459  ເລື່ອງ  ມີຜູ້ຖືກຫາ  605  ຄົນ,  ຢຶດຂອງກາງຢາບ້າໄດ້  203.741  ເມັດ,  ຢາໄອສ໌  394  ກິໂລກຼາມ,  ຢາຝິ່ນ  0,48  ກິໂລກຼາມ,  ກັນຊາແຫ້ງ  1,835  ກິໂລກຼາມ,  ແປ້ງ  ຝຸ່ນສີ  ຂາວ  18  ກິໂລກຼາມ,  ລົດຈັກ  82  ຄັນ  ລົດໃຫຍ່  7  ຄັນ,  ເງິນກີບທະນາຄານ  51  ລ້ານກວ່າກີບ,  ເງິນບາດໄທ  155.802  ບາດ,  ເງິນໂດລາ  2.112  ໂດລາ  ແລະ  ຂອງກາງອື່ນໆອີກຈຳນວນໜຶ່ງ,  ຄະດີສົ່ງສານຕັດສິນ  ມີ  291  ເລື່ອງ,  ມີຜູ້ຖືກຫາ  381  ຄົນ  ຂອງກາງຢາບ້າ  154.438  ເມັດ,  ຢາໄອສ໌  394  ກິໂລກຼາມ,  ລົກຈັກ  56  ຄັນ,  ລົດໃຫຍ່  3  ຄັນ  ແລະ  ມີ  ຂອງກາງອື່ນໆອີກຈຳນວນໜຶ່ງ,  ຄະດີພວມດຳເນີນການສຶບສວນ  -  ສອບສວນມີ  168  ເລື່ອງ,  ມີຜູ້ຖືກຫາ  224  ຄົນ,  ຂອງກາງຢາບ້າ  49.303  ເມັດ,  ຢາຝິ່ນ  0,48  ກິ  ໂລກຼາມ,  ກັນຊາແຫ້ງ  1.835  ກິ  ໂລກຼາມ,  ແປ້ງຝຸ່ນຂາວ  18  ກິໂລ  ກຼາມ,  ລົດຈັກ  26  ຄັນ,  ລົດໃຫຍ່  4  ຄັນ,  ຂອງກາງປະເພດຢາບ້າທີ່ສານຕັດສິນແລ້ວຕັ້ງແຕ່ປີ  2016  ຫາ  ປີ  2018  ມາຈູດທຳລາຍຖີ້ມ  ມີຈຳນວນທັງໜົດ  135.881  ເມັດ.

ປະຊາສຳພັນ

  

ເຜີຍແຜ່: 22/10/2018, ອ່ານ: 0 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !