ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ປກສ ແຂວງ ບໍລິຄຳໄຊ ຈູດທຳລາຍຢາເສບຕິດ


   ໃນອາທິດແລ້ວນີ້,  ກອງບັນຊາການ  ປກສ  ແຂວງ  ບໍລິຄໍາໄຊ  ໄດ້ຈັດພິທີຈູດເຜົາທໍາລາຍຢາເສບຕິດຂຶ້ນຢູ່ທີ່  ເດີ່ນໂຮງຮຽນ  ປກສ  ຊັ້ນຕົ້ນເລກ  4,  ເມືອງ  ປາກຊັນ,  ແຂວງ  ບໍລິຄໍາໄຊ  ເນື່ອງໃນໂອກາດວັນແຫ່ງຊາດຕ້ານຢາເສບຕິດ  ຄົບຮອບ  17  ປີ  (  12  ຕຸລາ  2001  –  12  ຕຸລາ  2018  ).  ເປັນປະທານໂດຍ  ທ່ານ  ບຸນມາ  ບຸຈະເລີນ  ຮອງເຈົ້າແຂວງ  ບໍລິຄໍາໄຊ  ປະທານຄະນະກໍາມາການຄວບຄຸມ  ແລະ  ຕ້ານຢາເສບຕິດແຂວງ;  ມີ  ທ່ານ  ປອ  ກອງແກ້ວ  ໄຊສົງຄາມ  ເຈົ້າ  ແຂວງ  ບໍລິຄໍາໄຊ,  ມີຄະນະປະຈໍາພັກແຂວງ,  ອໍານາດການປົກຄອງບ້ານ  ແລະ  ພະແນກການ,  ອົງການທີ່ກ່ຽວຂ້ອງເຂົ້າ  ຮ່ວມ.
               ຢາເສບຕິດທີ່ນໍາມາຈູດທໍາລາຍ  ໃນຄັ້ງນີ້ມີ  4  ປະເພດ  ທີ່ໄດ້ຜ່ານການແກ້ໄຂດໍາເນີນຄະດີສໍາເລັດແລ້ວມີຢາບ້າ  131.376  ເມັດ,  ຄັນຊາແຫ້ງ  2.365  ກິໂລກຼາມ,  ເຮໂຣອິນ  ຈໍານວນ  18  ກິໂລກຼາມ  ກັບ  3  ຫຼອດນ້ອຍ,  ຢາໄອສ໌  1  ຫຼອດນ້ອຍ,  ຈາກນັ້ນທ່ານປະທານພ້ອມຄະນະ  ແລະ  ຜູ້ເຂົ້າຮ່ວມພິທີກໍ່ໄດ້ພ້ອມກັນວາງເພີງ  ເພື່ອຈູດເຜົາທໍາລາຍຢາເສບ  ຕິດຈໍານວນດັ່ງກ່າວເປັນທີ່ຮຽບຮ້ອຍ.
               ໃນພິທີ,  ພັອ  ທອງໃບ  ລໍວັນໄຊ  ຫົວໜ້າກອງບັນຊາການ  ປກສ  ແຂວງ  ທັງເປັນຮອງປະທານຄະນະກໍາມະການ  ຄວບຄຸມ  ແລະ  ຕ້ານຢາເສບຕິດແຂວງ  ກໍ່ໄດ້ຂຶ້ນຜ່ານບົດລາຍງານຫຍໍ້ຜົນການຈັດຕັ້ງປະຕິບັດວຽກງານ  ກວດກາ,  ຄວບຄຸມສະກັດກັ້ນ  ແລະ  ຕ້ານຢາເສບຕິດ  ໃນໄລຍະ  01  ປີຜ່ານມາ  ມີຄະດີທີ່ພົວພັນກັບຢາເສບຕິດເກີດຂຶ້ນທັງໝົດ  280  ເລື່ອງ,  ຜູ້ຖືກຫາ  381  ຄົນ,  ຍິງ  48  ຄົນ,  ຕ່າງປະເທດ  10  ຄົນ,  ໃນນີ້ມີຄະດີຢາບ້າ  250  ເລື່ອງ,  ຜູ້ຖືກຫາ  350  ຄົນ,  ຍິງ  32  ຄົນ,  ຂອງກາງທີ່ຢຶດມາໄດ້ປະເພດຢາບ້າ  725.903  ເມັດ,  ຄັນຊາ  3.697  ກິໂລກຼາມ,  ເຮໂຣອິນ  43  ແທ່ງ,  ຢາໄອສ໌  50  ກິໂລກຼາມ,  ສະເກັດນໍ້າແຂງ  1  ຫຼອດນ້ອຍ,  ປືນສັ້ນ  3  ກະບອກ,  ປືນແກັບ  20  ກະບອກ,  ປືນດັດ  ແປງ  8  ກະບອກ,  ລູກປືນ  95  ລູກ,  ລະເບີດ  4  ໜ່ວຍ,  ແກັບໄຟຟ້າ  60  ດອກ,  ລົດໃຫຍ່  4  ຄັນ,  ຈາກຄະດີດັ່ງກ່າວ  ທາງເຈົ້າໜ້າທີ່  ໄດ້ສົ່ງສໍານວນຄະດີໃຫ້ໄອຍາການແຂວງຕັດສິນ  168  ເລື່ອງ,  ຜູ້ຖືກຫາ  266  ຄົນ
ໃນຕໍ່ໜ້າ,  ພະແນກສະກັດກັ້ນ  ແລະ  ຕ້ານຢາເສບຕິດ  ປກສ   ແຂວງ  ບໍລິຄໍາໄຊ  ຈະສຸມໃສ່ວຽກງານໂຄສະນາ  -ອົບຮົມເຜີຍແຜ່ຜົນຮ້າຍ  ແລະ  ໄພອັນຕະລາຍຂອງຢາເສບຕິດໃຫ້ກັບພໍ່ແມ່,  ປະຊາຊົນບັນດາເຜົ່າ,  ຊາວໜຸ່ມ  -  ໄວໜຸ່ມ,  ນັກຮຽນ  -  ນັກສຶກສາ,  ຫັນເອົາວຽກງານດັ່ງກ່າວຕິດພັນກັບວຽກງານກໍ່ສ້າງຮາກຖານການເມືອງ  ພັດທະນາຊົນນະບົດ  ຮອບດ້ານ  ເພື່ອໃຫ້ທຸກພາກສ່ວນມີຄວາມຮັບຜິດຮ່ວມກັນໃນການແກ້ໄຂ,  ປະຕິບັດມາດຕະການລົງໂທດເດັດຂາດຕໍ່ຜູ້  ລະເມີດປູກຝິ່ນ,  ປູກຄັນຊາ,  ຜູ້ລົງທຶນ,  ຜູ້ຜະລິດ,  ຂົນສົ່ງ  -  ຮັບຊື້  ແລະ  ມີໄວ້ໃນຄອບຄອງ.

ປະຊາສຳພັນ

  

ເຜີຍແຜ່: 17/10/2018, ອ່ານ: 1 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !