ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ກອງປະຊຸມແລກປ່ຽນວຽກງານສັນຕິບານ 7 ແຂວງ ເຂດຈຸດສຸມໃຈກາງ ຄັ້ງ II


ໃນອາທິດຜ່ານມາ,  ຫ້ອງວ່າການປົກຄອງ  ແຂວງ  ບໍລິຄຳໄຊ  ໄດ້ຈັດກອງປະຊຸມແລກປ່ຽນ  ວຽກງານສັນຕິບານ  7  ແຂວງ  ເຂດຈຸດສຸມໃຈກາງ  ຄັ້ງທີ  II  ຄື:  ແຂວງ  ບໍລິຄໍາໄຊ,  ຊຽງຂວາງ,  ໄຊສົມບຸນ,​​  ວຽງຈັນ,​  ຫຼວງພະບາງ,​  ຫົວພັນ  ແລະ  ນະຄອນຫຼວງວຽງຈັນ;  ເປັນປະທານໂດຍ  ພັອ  ທອງໃບ  ລໍວັນໄຊ  ຫົວໜ້າກອງບັນຊາການ  ປກສ  ແຂວງບໍລິຄຳໄຊ,  ເຂົ້າຮ່ວມໂດຍ  ທ່ານ  ສຸວັນນີ  ໄຊຊະນະ  ຮອງເຈົ້້າແຂວງ  ບໍລິຄໍາໄຊ  ແລະ  ພົຈວ  ບຸນມີ   ແສງຄຳຢອງ   ຫົວໜ້າກົມໃຫ່ຍ  ສັນຕິບານ  ກະຊວງ  ປກສ,  ມີບັນດາຄະນະພັກກອງບັນຊາການ  ປກສ  ແຂວງພາກສ່ວນກ່ຽວຂ້ອງເຂົ້າຮ່ວມ.
               ພັທ  ເຄນວອນ  ລໍວັນໄຊ  ຫົວໜ້າຫ້ອງສັນຕິບານ  ປກສ  ແຂວງບໍລິຄຳໄຊ  ໄດ້ລາຍງານຕໍ່ກອງປະຊຸມແລກປ່ຽນ  ສະພາບວຽກງານສັນຕິບານ  7  ແຂວງ  ຈຸດສຸມເຂດໃຈກາງເຊີງໄດ້ທ່ານຍົກໃຫ້ເຫັນຫຼາຍບັນຫາເຊັ່ນ:  ລົງເກັບກຳການ  ແຕ່ງງານ  ຂອງພົນລະເມືອງລາວກັບຊາວຕ່າງປະເທດ  ມີ  559  ຄູ່  ຍິງ  21  ຄູ່,  ມີ  27  ສັນຊາດ.  ໃນນີ້,  ແຕ່ງງານຖືກຕ້ອງ  14  ຄູ່  ຍິງ  7  ຄູ່,  ມີ  17  ສັດຊາດ,  ແຕ່ງງານບໍ່ຖືກຕ້ອງມີ  411  ຄູ່  ຍິງ  14  ຄູ່,  ມີ  10  ສັນຊາດ,  ສະເພາະສັນຊາດໄທ  33  5  ຄູ່  ຍິງ  8  ຄູ່,  ລົງເກັບກຳຄົນຕ່າງປະເທດ  ທີ່ເຂົ້າມາພັກເຊົາ  ແລະ  ດຳເນີນທຸລະກິດ  4.126  ຄົນ  ຍິງ  447  ຄົນ,  ມີ  25  ສັນຊາດ,  ຖືກຕ້ອງຕາມລະບຽບກົດໝາຍ  2.316  ຄົນ,  ຍິງ  115  ຄົນ,  ບໍ່ຖືກຕ້ອງຕາມລະບຽບກົດໝາຍ  1.810  ຄົນ  ຍິງ  362  ຄົນ,  ຂຶ້ນບັນຊີເປົ້າໝາຍຄຸ້ມຄອງວິຊາສະເພາະ  ຈຳນວນ  190  ຄົນ  ​ຍິງ  7  ຄົນ,​  ຂຶ້ນເປົ້າໝາຍຕິດຕາມວິຊາສ  ະເພາະຈໍຳນວນ  194  ຄົນ  ຍິງ  9  ຄົນ,  ລົງເກັບກູ້ອາວຸດເສີກໄດ້  194  ກະບອກ,  ລູກປືນ  123  ລູກ,  ລະເບີດ  2  ໜ່ວຍ,  ອາວຸດລ່າເນື້ອເກັບກູ້ໄດ້  1.419  ກະບອກ,  ຢືດປືນ  AK  ທ້າຍພັບໄດ້  2  ກະບອກ,  ພ້ອມດ້ວຍລູກປືນ  60  ລູກ,​  ປືນສັ້ນ  4  ກະບອກ  ພ້ອມດ້ວຍລູກປືນ  34  ລູກ,  ທາດລະເບີດ  1,5  ກິໂລກະລາມ,  ສາມາດມ້າງຄະດີ  ໄດ້ທັງໝົດ  851  ເລື່ອງ,  ເມືອງດຳເນີນ  651  ເລື່ອງ,  ແຂວງ  200  ເລືອງ,  ມີຕ້ອງຫາ  297  ຄົນ  ຍິງ  42  ຄົນ,  ຈັບເປົ້າໝາຍຄະດີຊີງຊັບໄດ້   4  ຄົນ,  ຈັບເປົ້າໝາຍຄາດຕະກຳຄົນຫວຽດຂາຍເຄືອງໄດ້  1  ເປົ້າໝາຍ,  ຢຶດຂອງກາງປະເພດຢາບ້າໄດ້  566.668  ເມັດ,  ຢຶດກັນ  ຊາ  4.587  ກິໂລກະລາມ,  ຢາຝີ່ນ  7,3  ກິໂລກະລາມ,  ເຮໂລອິດ  43  ແທ່ງ  ແລະ  ຢາໄອ  49  ກິໂລກະລາມ.  ຈາກນັ້ນ,  ບັນດາຜູ້ແທນເຂົ້າຮ່ວມກອງປະຊຸມ  ກໍໄດ້ຜັດປ່ຽນກັນລາຍງານສະພາບ  ພົນເດັ່ນຂອງແຂວງຕົນຮັບຜິດຊອບຢ່າງກົງໄປ-ກົງມາ  ເພື່ອແລກປ່ຽນບົດຮຽນ  ແລະ  ມີຄວາມເປັນເອກະພາບກັນນຳໄປຈັດຕັ້ງປະຕິບັດໃຫ້ໄດ້ຮັບົຜົນດີ.
               ໃນໂອກາດນີ້,  ທ່ານ  ສຸວັນນີ  ໄຊຊະນະ  ໄດ້ເນັ້ນໃຫ້ຄະນະພັກ  -  ຄະນະບັນຊາທຸກຂັ້ນ  ຈົ່ງເພີ່ມທະວີວຽກງານ  ສຶກສາອົບຮົມ,  ນຳພາແນວຄິດໃຫ້ແກ່ສຳມະຊິກພັກ,  ພະນັກງານ  -  ຫຼັກແຫຼງໃຫ້ມີແນວຄິດອຸ່ນອຽງທົນທ່ຽງ  ເຊື່ອໝັ້ນຕໍ່  ການນຳພາຂອງພັກ,  ມີຄຸນສົມບັດສິນທຳປະຕິວັດ,  ໜັກແໜ້ນທາງດ້ານການເມືອງ,  ຄວາມເຂັ້ມແຂງທາງດ້ານການຈັດ  ຕັ້ງ,  ມີລະບຽບວິໄນເຂັ້ມງວດ  ແລະ  ມີຄວາມຊຳນິ  -  ຊຳນານທາງດ້ານວິຊາສະເພາະທີ່ທັນສະໄໝ,  ຕີຖອຍທຸກກົນອຸບາຍ  ຫັນປ່ຽນຂອງພວກສັດຕູ  ແລະ  ກຸ່ມຄົນບໍ່ດີ,  ຕັ້ງໜ້າສະກັດກັ້ນ  ແລະ  ແກ້ໄຂປະກົດການຫຍໍ້ທໍ້ຕ່າງໆ  ໃນສັງຄົມໃຫ້ຫຼຸດ  ໜ້ອຍຖອຍລົງ  ເພື່ອເຮັດໃຫ້ບັດດາແຂວງມີຄວາມສະຫງົບ,  ມີສະຖຽນລະພາບທາງດ້ານການເມືອງ,  ສັງຄົມມີຄວາມ  ເປັນລະບຽບຮຽບຮ້ອຍ  ແລະ  ຍູດຕິທຳດີ.

ປະຊາສຳພັນ

  

ເຜີຍແຜ່: 25/09/2018, ອ່ານ: 0 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !