3 ທາດແທ້ 4 ມູນເຊື້ອ ຂອງກຳລັງສື່ສານ ກະຊວງປ້ອງກັນຄວາມສະຫງົບ. 3 ທາດແທ້: ຈົ່ງຮັກພັກດີຕໍ່ພັກ ແລະ ຕໍ່ປະເທດຊາດ; ຮັບໃຊ້ຊາດຮັບໃຊ້ປະຊາຊົນ ຢ່າງສຸດອົກສຸດໃຈ; ມິດສັດຕູຈະແຈ້ງ. 4 ມູນເຊື້ອ: ມີນ້ຳໃຈບຸກບຶນ, ສູ້ຊົນ, ອົດທົນ, ໜຽວແໜ້ນ, ຄຽງບ່າຄຽງໄລ່ກັບເລົ່າຮົບວິຊາສະເພາະອື່ນໆ ທັງສູ້ລົບຕີສັດຕູ ທັງເຮັດໜ້າທີ່ວິຊາສະເພາະ ປະຈຳການຕະຫຼອດ 24 ຊົ່ວໂມງ; ມູນເຊື້ອໃນການປັບປຸງກໍ່ສ້າງກຳລັງວິຊາສະເພາະ ໃຫ້ເຕີບໃຫຍ່ເຂັ້ມແຂງ ແລະ ທັນສະໄໝເທື່ອລະກ້າວ; ມູນເຊື້ອດຸໝັ່ນອອກແຮງງານ ແລະ ປະຫຍັດມັດທະຢັດ; ມູນເຊື້ອໃນການຮ່ວມມືກັບຕ່າງປະເທດ ໂດຍສະເພາະແມ່ນເພື່ອນມິດຍຸດທະສາດ, ຮູ້ການຍາດແຍ່ງເອົາບົດຮຽນ ແລະ ການຊ່ວຍເຫຼືອ ເພື່ອພັດທະນາຕົນເອງ.
ວິທະຍຸ ປກສ (101.5 MHz): 
ຫ້ອງ​ເສນາ​ທິການ ປຕ ສະຫຼຸບວຽກງານວິຊາສະເພາະ ​ປະຈຳ​ປີ 2017

ກອງປະຊຸມພົບປະແລກປ່ຽນບົດຮຽນວຽກງານປ້ອງກັນຊາດ-ປ້ອງກັນຄວາມສະຫງົບ  ລະຫວ່າງ  ກອງບັນ  ຊາການ  ປກສ  ແຂວງບໍລິຄໍາໄຊ  ສປປ  ລາວ  ແລະ  ອົງການຜູ້ຕາງໜ້າກະຊວງຕໍາຫຼວດ  ສສ  ຫວຽດນາມ  ປະຈໍາ  ສປປ  ລາວ  ໄດ້ຈັດຂຶ້ນໃນທ້າຍອາທິດທີ່ຜ່ານມາ,  ທີ່ກອງບັນຊາການ  ປກສ  ແຂວງບໍລິຄໍາໄຊ  ຝ່າຍລາວ  ນໍາໂດຍ  ພັອ  ທອງໃບ  ລໍວັນໄຊ  ຫົວໜ້າກອງບັນຊາການ  ປກສ  ແຂວງ  ບໍລິຄໍາໄຊ  ແລະ  ຝ່າຍ  ສສ  ຫວຽດນາມ  ນໍາໂດຍ  ພົຈວ  ຮວ່າງ  ກວາງເຫືອງ  ຫົວໜ້າອົງການຜູ້ຕາງໜ້າ  ກະຊວງຕໍາຫຼວດ  ສສ  ຫວຽດນາມ  ພ້ອມດ້ວຍຄະນະຜູ້ແທນທັງສອງຝ່າຍ  ເຂົ້າຮ່ວມ.

               ກອງປະຊຸມປະຊຸມ  ທັງສອງຝ່າຍໄດ້ຕ່າງໜ້າຂຶ້ນລາຍງານສະພາບທີ່ຕັ້ງຈຸດພິເສດ  ແລະ  ການເຄື່ອນໄຫວວຽກ  ງານດ້ານຕ່າງໆ  ໃຫ້ກັນຮັບຮູ້  ເປັນຕົ້ນແມ່ນສະພາບການເຄື່ອນໄຫວຂອງກຸ່ມຄົນບໍ່ດີທີ່ຫວັງມ້າງເພທໍາລາຍຄວາມສະ  ຫງົບຂອງສອງປະເທດ  ກໍຄືສອງກໍາລັງ.  ເຊິ່ງວຽກງານພົວພັນຮ່ວມມື  ປ້ອງກັນຄວາມສະຫງົບ  ແລະ  ຄວາມເປັນລະບຽບ  ຮຽບຮ້ອຍໃນສັງຄົມ  ໃນໄລຍະຜ່ານມາ  ທັງສອງກໍາລັງ  ປກສ  ລາວ-ຫວຽດນາມ  ໄດ້ປະສານສົມທົບກັນຮ່ວມມືແກ້ໄຂ  ສະພາບການຕ່າງໆ  ເປັນຕົ້ນ  ບັນຫາການໂຍກຍ້າຍຕັ້ງພູມລໍາເນົ່າທີ່ບໍ່ຖືກຕ້ອງຂອງປະຊາຊົນ,  ການລັກລອບເຂົ້າ-ອອກ  ເມືອງຜິດກົດໝາຍ,  ການແຕ່ງດອງຂອງປະຊາຊົນທັງສອງປະເທດທີ່ບໍ່ຖືກຕ້ອງ  ແລະ  ສະພາບປະກົດການຫຍໍ້ທໍ້ຕ່າງໆ  ທີ່ເກີດຂຶ້ນເຊັ່ນ:  ການກໍ່ອາຊະຍາກໍາ,  ຄ້າ-ຂາຍຢາເສບຕິດ,  ຄ້າ-ຂາຍສິນຄ້າເຖື່ອນ,  ການຄ້າມະນຸດ  ແລະອື່ນໆ  ໃນໄລຍະ  1  ປີຜ່ານມາ,   ປກສ  ແຂວງບໍລິຄໍາໄຊ  ໄດ້ສົມທົບກັບເຈົ້າໜ້າທີ່ທະຫານຊາຍແດນ  ແຂວງຮ່າຕິ່ງ  ສສ  ຫວຽດນາມ   ມ້າງລາຍຄະດີຄ້າ-ຂາຍຢາເສບຕິດລາຍໃຫຍ່ໄດ້  2  ເລື່ອງ,  ຢຶດຂອງກາງກັນຊາ  ໄດ້  1.028  ກິໂລກຼາມ,  ຢາບ້າ  ຈໍານວນ  60  ມັດ  ເທົ່າກັບ  120.000  ເມັດ,  ເຮໂຣອິນ  40  ແທ່ງ,  ຈັບຜູ້ຖືກຫາ  ໄດ້  7  ຄົນ,  ປະສານສົມທົບຮ່ວມກັບພາກສ່ວນທີ່ກ່ຽວຂ້ອງມອບ-ສົ່ງປະຊາຊົນເຜົ່າມົ້ງຫວຽດນາມກັບຄືນປະເທດ  ມີ  1  ຄອບຄົວ  ຈໍານວນ  6  ຄົນ  ຍິງ  2  ຄົນ.

    ໃນກອງປະຊຸມພົບປະແລກປ່ຽນບົດຮຽນ  ຄັ້ງນີ້,  ຈະໄດ້ສືບຕໍ່ແລກປ່ຽນຖອດຖອນບົດຮຽນຮ່ວມກັນກ່ຽວກັບ  ວຽກງານຮັກສາຄວາມສະຫງົບ  ແລະ  ຄວາມເປັນລະບຽບຮຽບຮ້ອຍຕາມຊາຍແດນ  ແລະ  ຄວາມສະຫງົບໃນສັງຄົມ  ຂອງສອງປະເທດ,  ເພີ່ມທະວີສາຍພົວພັນຮ່ວມມືກັນໃຫ້ແໜ້ນແຟ້ນຂຶ້ນກວ່າເກົ່າ,  ປະສານສົມທົບໃຫ້ການຊ່ວຍເຫຼືອ  ເຊິ່ງ  ແລະ  ກັນຢ່າງເປັນປົກກະຕິ  ເພື່ອເຮັດວຽກງານປ້ອງກັນຊາດ-ປ້ອງກັນຄວາມສະຫງົບ,  ວຽກງານເສດຖະກິດ-ສັງຄົມ  ແລະ  ວັດທະນະທໍາຂອງທັງສອງປະເທດ  ໄດ້ຮັບການພັດທະນາກ້າວຂຶ້ນໄປເລື້ອຍໆ.

ປະຊາສຳພັນ

  

ເຜີຍແຜ່: 25/07/2018, ອ່ານ: 0 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ກົມສື່ສານ / ພະແນກຄຸ້ມຄອງຄອມພິວເຕີ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !