|
|
ວັນທີ 22 ກັນຍາ 2017 ຄະນະບໍລິຫານງານຊາວໜຸ່ກະຊວງ ປກສ ຈັດກອງປະຊຸມສ່ອງແສງປະຈຳ ໄຕມາດ lll ແລະ ວາງທິດທາງແຜນການໄຕມາດ lV ທີ່ຫ້ອງປະຊຸມຊັນ 4 ຕຶກກະຊວງຫລັງເກົ່າ ໂດຍການເປັນປະທານຂອງທ່ານ ພັທ ພິມມະສອນ ທຳມະວົງ ເລຂາຊາວໜຸ່ມກະຊວງ ປກສ, ເປັນກຽດເຂົ້າຮ່ວມ ທ່ານ ພັອ ຄຳກິ່ງ ຜຸຍຫລ້າມະນີວົງ ຮອງກົມໃຫຍ່ການເມືອງ ປກສ, ພ້ອມດ້ວຍຄະນະບໍລິຫານງານຊາວໜຸ່ມກະຊວງ ປກສ ເຂົ້າຮ່ວມ.
ທ່ານ ພັທ ບຸນຈັນ ອິນພົມມາ ຮອງເລຂາຊາວໜຸ່ມກະຊວງ ປກສ ໄດ້ຜ່ານບົດສະຫລຸບຕີລາຄາ ຈຸດດີ ແລະ ຂໍ້ຄົງຄ້າງໃນການເຄື່ອນໄຫວປະຕິບັດໜ້າທີ່ວຽກງານທີ່ຜ່ານມາເປັນຕົ້ນແມ່ນ ວຽກງານດ້ານການເມືອງນຳພາ-ແນວຄິດ, ວຽກ ງານປັບປຸງການຈັດຕັ້ງຂອງຄະນະຊາວໜຸ່ມແຕ່ ລະຂັ້ນ, ວຽກງານປະຕິບັດນະໂຍບາຍ ແລະ ແກ້ ໄຂຊີວິດການເປັນຢູ່, ວຽກງານຮັກສາຄວາມສະຫງົບ ແລະ ວາງທິດທາງແຜນການປະຈຳໄຕມາດ lV.
ໃນກອງປະຊຸມຍັງໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບອານຸກຳມະການ ຜະລິດ, ຈຳໜ່າຍເສື້ອທີ່ລະນຶກ " ອ້າຍ-ເອື້ອຍຊ່ວຍເຫລືອນ້ອງ " ເພື່ອປຸກລະດົມທຶນສົມທົບປະກອບສ່ວນຊ່ວຍປຸກສ້າງ ຫໍສະໜຸດຢູ່ໂຮງຮຽນວັດທະນະທຳຊົນເຜົ່າເດັກກຳພ້າ ຫລັກ 67 ເພື່ອອຳນວຍຄວາມສະດວກໃຫ້ແກ່ນ້ອງນ້ອຍເຍົາວະ ຊົນໄດ້ເຂົ້າເຖິງຂໍ້ມູນຂ່າວສານມາໝູນໃຊ້ເຂົ້າໃນການຄົ້ນຄ້ວາຮ່ຳຮຽນ. ຕອນທ້າຍ ທ່ານ ພັອ ຄຳກິ່ງ ຜຸຍຫລ້າມະນີວົງ ຮອງກົມໃຫຍ່ການເມືອງ ປກສ ຍັງໄດ້ເນັ້ນໜັກໃຫ້ອານຸກຳມະການແຕ່ລະພາກສ່ວນໃຫ້ເອົາໃຈໃສ່ດ້ວຍຄວາມຮັບຜິດຊອບສູງ.
ປະຊາສຳພັນ
ເຜີຍແຜ່: 22/09/2017, ອ່ານ: 0 ຄັ້ງ
ໜ້າຫຼັກ
|
ເບິ່ງຂ່າວທັງໝົດ
| ສົ່ງເຂົ້າ Facebook
ອົງການຈັດຕັ້ງຊາວໜຸ່ມ (ກົມໃຫຍ່ການເມືອງ / ຄະນະບໍລິຫານງານຊາວຫນຸ່ມ) |
|
|