4 ບຸກ ປີ 2015: 1. ບຸກດ້ານແນວຄິດ; 2. ບຸກດ້ານຝຶກຝົນຫຼໍ່ຫຼອມ, ຮໍ່າຮຽນ; 3. ບຸກດ້ານວຽກງານການຈັດຕັ້ງ; 4. ບຸກດ້ານວິຊາຊີບ-ສ້າງວຽກເຮັດງານທຳ.
ວິທະຍຸ ປກສ (101.5 MHz): 
ຄະນະບໍລິຫານງານຊາວໜຸ່ມກະຊວງ ປກສ ຢ້ຽມຊົມຮູບພາບສອງວັນປະຫວັດສາດລາວ-ຫວຽດນາມ


    ໃນຕອນແລງຂອງວັນທີ  8  ກັນຍາ  2017  ເວລາ  15:30  ໂມງ  ທີ່ຫໍພິພິຕະພັນ  ປກສ 
ຄະນະບໍລິຫານງານຊາວໜຸ່ມກະຊວງ  ປກສ  ເຂົ້າຢ້ຽມຊົມການຈັດວາງສະແດງຮູບພາບ  ມູນເຊື້ອສອງວັນປະຫວັດສາດລາວ-ຫວຽດ  ນາມ  ເພື່ອໃຫ້ຊາວໜຸ່ມໃນກຳລັງ  ປກສ  ຮູ້ໄດ້ເຖິງຄວາມໝາຍຄວາມສຳຄັນຂອງສາຍພົວພັນພິເສດສອງຊາດລາວ-ຫວຽດນາມ  ໃນໄລຍະຜ່ານມາ.
   ການຈັດວາງສະແດງຮູບພາບມູນເຊື້ອ  ສອງວັນປະຫວັດສາດນີ້ແມ່ນເພື່ອຂຳ່ນັບຮັບຕ້ອນສອງວັນປະຫວັດສາດ.  ວັນເຊັນສົນທິສັນຍາມິດຕະພາບຮ່ວມມືຮອບດ້ານຄົບຮອບ  40  ປີ  (  18  ກໍລະກົດ  1977-18  ກໍລະກົດ  2017  )  ແລະ  ວັນສ້າງຕັ້ງສາຍ  ພົວພັນການທູດລາວ-ຫວຽດນາມ  ຄົບຮອບ  55  ປີ  (  5  ກັນຍາ  1962-  5  ກັນຍາ  2017  )  ແລະ  ການພົວພັນຮ່ວມມືໃນຂົງເຂດວຽກງານປ້ອງກັນສະກັດກັ້ນ  ແລະ  ຕ້ານອາຊະຍາກຳລະຫວ່າງກຳລັງປ້ອງກັນຄວາມສະຫງົບລາວ  ແລະ  ກຳລັງຕຳຫລວດປະຊາຊົນ  ສສ  ຫວຽດນາມ  ທີ່ມີຜົນງານອັນພົ້ນເດັ່ນຫລາຍດ້ານ  ສາມາດມ້າງລາຍຄະດີໃຫຍ່  ຫລາຍຄະດີ  ເປັນຕົ້ນແມ່ນ  ຄະດີລັກລອບ  ລຳລຽງຂົນສົ່ງຢາເສບຕິດ  ແລະ  ວັດຖຸຜິດກົດໝາຍຂ້າມຜ່ານຊາຍແດນລາວ  -ຫວຽດນາມ.  ເຊິ່ງໃນ  ຮູບພາບທີ່ນຳມາວາງສະແດງໃນຄັ້ງນີ້ໄດ້ສະແດງເຖິງການຮ່ວມມືຂອງສອງກຳລັງໃນການປ້ອງກັນສະກັດກັ້ນທຸກໆການເຄື່ອນໄຫວຂອງກຸ່ມຄົນບໍ່ດີທີ່ສ້າງຄວາມບໍ່ສະຫງົບຢູ່ຕາມຊາຍແດນ,  ນັບແຕ່ມື້ເຊັນສັນຍາຈົນເຖິງປະຈຸບັນ.

ປະຊາສຳພັນ

  

ເຜີຍແຜ່: 11/09/2017, ອ່ານ: 264 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ອົງການຈັດຕັ້ງຊາວໜຸ່ມ (ກົມໃຫຍ່ການເມືອງ / ຄະນະບໍລິຫານງານຊາວຫນຸ່ມ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !