ເພິ່ງຕົນເອງ ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ ພັດທະນາເສດຖະກິດ ຕິດພັນກັບການຮັກສາສຸຂະພາບ ເປັນແຮງດັນໃຫ້ກຳລັງເຕີບໃຫຍ່ຂະຫຍາຍຕົວ ຢ່າງບໍ່ຢຸດຢັ້ງ
ວິທະຍຸ ປກສ (101.5 MHz): 
ກຳລັງ ປກສ ແຂວງ ຊຽງຂວາງ ສຸມໃສ່ເຮັດວຽກງານວິຊາສະເພາະຕິດພັນກັບການປັບປຸງກົມກອງ ແລະ ສ້າງພະລາທິການກັບທີ່

 ແຂວງ  ຊຽງຂວາງ  ຕັ້ງຢູ່ທາງທິດຕາເວັນອອກສ່ຽງເໜືອຂອງປະເທດລາວ  ມີຊາຍແດນຕິດຈອດກັບຫຼາຍແຂວງ  ແລະ  ສສ  ຫວຽດນາມ.   ແຂວງຊຽງຂວາງ  ເປັນແຂວງທີ່ຕັ້ງຍຸດທະສາດທີ່ສຳຄັນທາງດ້ານການເມືອງ  ສະນັ້ນຄະນະພັກ-ຄະນະບັນຊາ  ອຳນາດການປົກຄອງແຕ່ລະຂັ້ນ  ຕະຫຼອດຮອດພໍ່ແມ່ປະຊາຊົນບັນດາເຜົ່າ  ໄດ້ເສີມຂະຫຍາຍມູນເຊື້ອວິລະຊົນຂອງຕົນ  ເພື່ອພ້ອມ  ກັນຕັ້ງໜ້າຜັນຂະຫຍາຍ  ສອງໜ້າທີ່ຍຸດທະສາດ  ຂອງພັກຄື:  ປົກປັກຮັກສາ  ແລະ  ສ້າງສາພັດທະນາປະ  ເທດຊາດ  ເຂົ້າໃນສະພາບຄວາມເປັນຈີງຂອງແຂວງ  ເຮັດໃຫ້ມີສະເຖຍລະພາບທາງດ້ານການເມືອງ  ແລະ  ຄວາມເປັນລະບຽບຮຽບຮ້ອຍທາງດ້ານສັງຄົມ  ໃນທົ່ວແຂວງ.

ກອງບັນຊາການ  ປກສ  ແຂວງ  ຊຽງຂວາງ  ແມ່ນກົງຈັກການຈັດຕັ້ງໜຶ່ງ  ຂື້ນກັບກະຊວງປ້ອງກັນ  ຄວາມສະຫງົບ.  ມີລະບົບກົງຈັກການຈັດຈັດຕັ້ງຄື:  ມີ  07  ຫ້ອງການຄື:  ຫ້ອງການກອງບັນຊາການ,  ຫ້ອງການເມືອງ,  ຫ້ອງພະລາທິການ,  ຫ້ອງຕຳຫຼວດ,  ຫ້ອງສັນຕິບານ,  ຫ້ອງຄູ້ມຄອງສຳມະໂນຄົວ  ແລະ  ກໍ່ສ້າງຮາກຖານ,  ຫ້ອງ  504,  01  ກອງພັນປ້ອງກັນເຄື່ອນທີ່,  01  ໂຮງຮຽນ,  01  ຄ້າຍຄຸມຂັງ-ດັດສ້າງ  ແລະ  ມີກອງບັນຊາການ  ປກສ  ເມືອງ  07  ເມືອງຄື:  ກອງບັນຊາການ  ປກສ  ເມືອງ  ແປກ,  ກອງບັນຊາການ  ປກສ  ເມືອງຄູນ,  ກອງບັນຊາການ  ປກສ  ເມືອງ  ຄຳ,  ກອງບັນຊາການ  ປກສ  ເມືອງ  ໜອງແຮດ,  ກອງບັນຊາການ  ປກສ  ເມືອງ  ໜອກ,  ກງບັນຊາການ  ປກສ  ເມືອງ  ຜາໄຊ.  ທີ່ຂື້ນກັບກອງບັນຊາການ  ປກສ  ແຂວງ.  ມີ  2  ໜ່ວພັກຮາກຖານ  ມີ  17  ໜ່ວຍພັກຂື້ນກັບ,  ມີ  01  ໜ່ວຍຊາວໜຸ່ມ,  ມີ01  ໜ່ວຍ  ສະຫະພັນແມ່ຍິງ.  ຕະຫຼອດໄລຍະທີ່ຜ່ານມາ  ຄະນະພັກ-ຄະນະກອງບັນຊາໄດ້ເອົາໃຈໃສ່ລົງຕິດແທດ  ກັບບັນດາຫ້ອງ  ແລະ  07  ປກສ  ເມືອງໄດ້  ສຶກສາອົບຮົມການເມືອງນຳພາແນວຄິດ  ຕໍ່ກັບກຳລັງດ້ວຍຫຼາຍເນື້ອໃນ  ດ້ວຍຫຼາຍວິທີເຊັ່ນ:  ໄດ້ຈັດຕັ້ງເຊື່ອມຊຶມມະຕິ  ຄຳສັ່ງ  ເອກສານສຳຄັນ  ເລົ່າມູນເຊື້ອ  ແລະ  ອື່ນໆ  ເຮັດໃຫ້ສະພາບທາງດ້ານການເມືອງ  ຂອງພະນັກງານນັກຮົບໃນກຳລັງ  ສ່ວນຫຼາຍແມ່ນມີຄວາມອຸ່ນອ່ຽງທຸ່ນທ່ຽງ  ຫ້າວຫັນໃນການປະຕິບັດວຽກງານວິຊາສະເພາະ  ໃນປີຜ່ານມາໄດ້ເຄື່ອນໄຫວໂຄສະນາ  ເຜີຍແຜ່ເຊື່ອມຊຶມເອກະສານຕ່າງໆ  ປະຖະກະຖາມູນເຊື້ອຂອງພັກຂອງຊາດ  ແລະ  ຂອງກຳລັງປ້ອງກັນຄວາມສະຫງົບ.  09  ຄັ້ງ  ມີຈຳນວນພົນເຂົ້າຮ່ວມ  1.844  ສະຫາຍ.  ເອົາໃຈໃສ່ໃນການກໍ່ສ້າງປັບປຸງ  ບັນ  ດາກົມກອງເລົ່າລົບວິຊາສະເພາະ  ໃຫ້ມີຄວາມເຂັ້ມແຂງຮອດດ້ານ  ໂດຍເລັ່ງໃສ່ການປັບປຸງກົນຈັກການ  ຈັດຕັ້ງໃຫ້ມີຄວາມສອດຄອງ  ແລະ  ເປັນລະບົບຄົບຊຸດກວ່າເກົ່າ  ເຮັດວຽກງານແບບລວມສູນປະຊາທິ  ປະໄຕ  ເພື່ອເຮັດໃຫ້ພະນັກງານແຕ່ລະເລົ່າລົບວິຊາສະເພາະໃຫ້ມີຄວາມວອງໃວ  ໂປ່ງໃສ  ແລະ  ມີຄວາມຮັບຜິດຊອບສູງ  ປັບປຸງ​ລະບອບ-ລະບຽບການ  ທີ່​ເປັນ​ການ​ກົດໜ່ວງທ່ວງດຶງ  ​ໃຫ້​ສອດ​ຄອງ​ກັບ​ແນວ​  ທາງ​ໃນ​ໄລຍະ​ໄໜ່​ເປັນ​ຕົ້ນ:  ວຽກງານ​ບໍລິການ​ເອກະສານ​ຜ່ານ​ປະຕູ​ດຽວ  ມາ​ເຖີງປະຈຸ​ບັນ​ໄດ້​ຫັນ​ເຂົ້າ​ສູ່  ລະບຽບລັກ​ການ​ເທື່ອ​ລະ​ກ້າວ  ​ເຮັດ​ໃຫ້​ຂອດ​ການ​ບໍລິການ​ມີ​ຄວາມ​ໂປ​ງ​ໃສ  ​ເປີດ​ເຜີຍ​ສາມາດ​ກວດ​ສອບ  ​ໄດ້  ຮັກສາ​ຜົນ​ປະ​ໂຫຍ​ດສ່ວນ​ລວມ  ຮັກສາ​ຄວາມ​ສາມັກຄີ  ​ແລະ  ຮັບປະກັນ.  ​ເປັນ​ເສນາ​ທິການ​ໃຫ້​ແກ່  ຄະນະ​ພັກ-ຄະນະກອງ​ບັນຊາກາ​ນ  ຄົ້ນ​ຄ້ວາ​ມະຕິ​ຄຳ​ສັ່ງ​ຕ່າງໆ  ຂອງ​ຂັ້ນ​ເທີ​ງວາງ​ອອກ  ​ເພື່ອນໍາ​ໄປ​ຈັດ​ຕັ້ງ  ຜັນ​ຂະຫຍາຍ  ​ເຖີງຂະ​ແໜ່ງວິຊາ​ສະ​ເພາະ​ຕ່າງໆ  ​ໄດ້​ຕາມ​ກຳນົດ​ເວລາ  ພ້ອມ​ກັນ​ນັ້ນ​ກໍ່​ໄດ້​ເຮັດລ້ອນໜ້າທີ່  ປັບປຸງ​ຄຸນ​ນະພາ​ບຂງວຽກງານ​ຄຸ້ມ​ຄອງ​ສຳມະ​ໂນ​ຄົວ  ​ໃຫ້​ເຂົ້າ​ສູ່​ລະບຽບຫຼັກການ  ຢ່າງ​ຫັດ​ກຸມ​ໂດຍ​ສະ​ເພາະ​ກຳລັງປກສ​ກຸ່ມ​ບ້ານ​ໄດ້ສຸມໃສ່ວຽກງານໃນ​ການ​ຂື້ນ​ທະບຽນສຳມະ​ໂນ​ຄົວ​ໄໜ່  ​ແລະ  ປັບປຸງ​ສຳມະ​ໂນ​ຄົວ​  ​ໃໜ່​ໄດ້  1.681  ຫົວ.  ເກັບກຳສະຖິຕິນັກທ່ອງທ່ຽວ  ແຂວງ  ຊຽງຂວາງ  ມີທັງໜົດ  2.141  ຄົນ.  ອອກໃບ  ອະຍຸຍາດພັກເຊົາໃຫ້ແຂກມາທ່ອງທ່ຽວໄດ້  142  ຄັ້ງ  ມີ  140  ຄະນະ  ພ້ອມທັງສຶກສາອົບຮົມນັກທ່ອງທ່ຽວທີ່ລະເມີດລະບຽບການທ່ອງທ່ຽວ  01  ຄັ້ງ.  ວຽກງານປ້ອງກັນ  ແລະ  ສະກັດກັ້ນຕ້ານອາດສະຍາກຳ  ໄດ້ດຳເນີນຄະດີອາຍາເປັນຕົ້ນ  ຄາດຕະກຳ,  ປຸ້ນຊັບ,ຊີງຊັບ,  ລັກຊັບພົນລະເມືອງ  ແລະ  ອື່ນໆ  ທີ່ເກີດຂື້ນໃນທົ່ວແຂວງ  ຊຽຂວາງ  ຈຳນວນ  112  ລາຍ.  ກັກຕົວູ້ຖືກຫາ  53  ຄົນ,  ຍິງ  05  ຄົນ,  ດຳເນີນຄະດີຢາເສບຕິດ  25  ລາຍ  ກັກຕົວຜູ້ຕ້ອງຫາ  26  ຄົນ.  ແກ້ໄຂອຸປະຕິເຫດທີ່ເກີດຂື້ນ  45  ລາຍຜົນເສຍຫາຍ  ພາຫະນະເປເພ  99  ຄັນ.  ນອກຈາກນັ້ນທາງຄະນະພັກ-ຄະນະບັນຊາ  ຍັງໄດ້ເອົາໃຈໃສ່ກ່ຽວກັບວຽກງານພະລາທິການ  ຂັ້ນແຂວງຂັ້ນເມືອງປະຕິບັດໜ້າທີ່ດ້ວຍຄວາມສັດຊື່ມີຄວາມຮັບຜິດຊອບສູງເປັນຕົ້ນການຄຸ້ມຄອງລາຍຮັບ-ລາຍຈ່າຍງົບປະມານຂອງລັດທີ່ກະຊວງ  ປກສ  ອະນຸມັດ  ເພື່ອນຳໃຊ້ໃນວຽກງານຕ່າງໆ  ໃຫ້ຖືກຕ້ອງຕາມລະບຽບຫຼັກການ.  ຊີ້ນຳຢ່າງໄກ້ສິດຕໍ່ບັນດາໂຄງການກໍ່  ສ້າງຕ່າງໆ  ເປັນຕົ້ນໂຄງການກໍ່ສ້າງລະບົບຫ້ອງການ  ປກສ  ເມືອງຄຳ,  ປກສ  ເມືອງ  ພູກູດ  ແລະ  ກັນເຈື່ອນ  ປກສ  ເມືອງ  ພູກູດ  ໃຫ້ຖືກຕ້ອງຕາມມາດຕະຖານເຕັກນິກ  ແລະ  ບັນລຸໄດ້ຕາມລະດັບຄາດ     ໜາຍທີ່ວາງໃວ້  ຮັບປະກັນການເບີກຈ່າຍເງິນເດືອນ,  ເງິນນະໂຍບາຍ,  ເງິນບໍລິຫານ,  ເງິນວິຊາສະເພາະ  ຮ່ວງຕ່າງໆໃຫ້ທັນເວລາ  ປົກປັກຮັກສາຄຸ້ມຄອງວັດຖຸເງິນຄຳ  ຂອງລັດ-ຂອງພັກບໍ່ໃຫ້ຕົກເຮຍເສຍຫາຍ  ນອກຈາກນັ້ນຍັງໄດ້ເອົາໃຈໃສ່  ຊຸກຍູ້ການຜະລິດ-ທຸຸລະກິດ  ຕາມທິດເພີ່ງຕົນເອງ,  ກຸ້ມຕົນເອງ,  ແລະ  ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ  ປະຈຸບັນ  ກອງບັນຊາການ  ປກສ  ແຂວງ  ມີດິນລວມ  ສອງຕອນ  ໄດ້ປູກຫຍ້າໃຫ້ງົວ  02  ເຮັກຕ້າ,  ມີງົວ  45  ໂຕ,  ມີໜອງປາ  3  ໜອງ  ປ່ອຍປາແລ້ວ  6000  ພັນກວ່າໂຕ  ເຊີງສ້າງລາຍໄດ້ຈຳນວນໜຶ່ງໃຫ້ແກ່ກອງບັນຊາການ  ປກສ  ແຂວງ.ລາຍລະອຽດບາງຕອນ  ແມ່ນທ່ານ  ພັອ  ບຸນລົດ  ຄຳແພງພັນ  ຄະນະປະຈຳພັກແຂວງ  ຫົວໜ້າກອງບັນຊາການ  ປກສ  ແຂວງ  ຊຽງຂວາງ  ຍັງໄດ້ໃຫ້ຮູ້ຕື່ມວ່າ:  ການສ້າງພະລາທິການ  ແລະ  ການກໍ່ສ້າງພື້ນຖານໂຄງລ່າງ  ຂອງກອງບັນຊາການ  ປກສ  ແຂວງ  ຊຽງຂວາງ  ໃນໄລ່ຍະຜ່ານມາຄະນະພັກ-ຄະນະກອງບັນຊາການ  ໄດ້ມີການຊີ້ນຳໆພາ  ລາຍຮັບ-ລາຍຈ່າຍຢ່າງລວມສູນເຊັ່ນ:  ໄດ້ຈັດຕັ້ງການບໍລິການຜ່ານປະຕູດດຽວ  ຢູ່ທຸກກົມກອງເຮັດໃຫ້ການເກັບລາຍຮັບ-ລາຍຈ່າຍ  ເຂົ້າລວມສູນບໍ່ໃຫ້ຕົກເຮ່ຍເສຍຫາຍ  ພ້ອມກັນນີ້ການຄຸ້ມຄອງນຳໃຊ້ຊັບສົມບັດລວມໜູ່ເປັນຕົ້ນ  ດ້ານງົບປະມານເງິນເດືອນ  ເງິນບໍລິຫານ  ເງິນວິຊາສະເພາະຕ່າງໆ  ແລະ  ເຄື່ອງອຸປພກອນຮັບໃຊ້  ພາຫະນະ,ອາວຸດ,  ລູກກະສູນ,  ທີ່ກະຊວງ  ປກສ  ປະກອບໃຫ້  ໄດ້ປະຕິບັດຕາມຫຼັກການນຳໃຊ້ເຕັກນິກ  ຂອງກົມໃຫຍ່ພະລາທິການຂອງກະຊວງ  ປກສ  ກໍ່ຄືກອງບັນຊາການ  ປກສ  ແຂວງ  ຊຽງຂວາງ  ໄດ້ວາງອອກ  ເຄື່ອອຸປະກອນຕ່າງໆທີ່ໄດ້ປະກອບໃຫ້  ພາກສ່ວນວິຊາສະເພາະຂອງເລົ່າລົບ  ໄດ້ນຳໃຊ້  ຖືກຕ້ອງຕາມຫຼັກການ  ມີຄວາມຮັບປະກັນຕໍ່ໜ້າທີ່ວຽກງານວິຊາສະເພາະ  ການນຳໃຊ້ຊັບສົມບັດລວມໜູ່ຖືກຕ້ອງຕາມຫຼັກການ  ແລະ  ມີຄວາມປອດໄພ  100%  ຕໍ່ກັບ  ວຽກງານກໍ່ສ້າງພື້ນຖານໂຄງລ່າງ  ໄລຍະທີ່ຜ່ານມາຄະນະພັກ-ຄະນະບັນຊາ  ໄດ້ເອົາໃຈໃສ່ກວດກາຕິດຕາມ  ໂຄງການກໍ່ສ້າງລະບົບຫ້ອງການຕ່າງໆທີ່ຂັ້ນເທີງອະນຸມັດ  ໃຫ້ຖືກຕ້ອງຕາມລະບຽບຫຼັກການ  ແລະ  ພື້ນທີ່ການນໃຊ້ຕົວຈິງ  ການຄຸ້ມຄອງຊັບສີນທີ່ດິນລວມຂອງກອງບັນຊາການ  ຜ່ານມາໄດ້ຂື້ນບັນຊີ  ຊັບສົມບັດຄົງທີ່ຕ່າງໆ  ມີດິນລວມທັງໜົດ  34  ຕອນ  ດິນປຸກສ້າງມີ  11  ຕອນ  ແລະ  ດິນສະຫວງນ  2  ຕອນ  ໄດ້ຮັບທືນກໍ່ສ້າງ  ປກສ  ມີ  4  ໂຄງການ  ແຕ່ລະໂຄງການມີຄື:  ໂຄງການກໍ່ສ້າງຄ້າຍຄຸມຂັງ-ດັດສ້າງ  ແລະ  ກັນເຈື່ອນຂອງຄ້າຍ,  ໂຄງກໍ່ສ້າງ  ປກສ  ເມືອງຜາໄຊ  ແລະ  ຖົມດິນ,  ໂຄງກໍ່ສ້າງ  ປກສ  ເມືອງພູກູດ  ແລະ  ກັນເຈື່ອນຂອງເມືອງ,  ໂຄງການກໍ່ສ້າງ  ປກສ  ເມືອງຄຳ  ແລະ  ອື່ນໆ.

ເພື່ອເຮັດໃຫ້ໜ້າທີ່ວຽກງານດັ່ງນັ້ນໄດ້ຮັບປະສິດທິຜົນດີກວ່າເກົ່າຄະນະພັກ-ຄະນະກອງບັນຊາການ  ປກສ  ແຂວງ  ຊຽງຂວາງ  ໃນຕໍ່ໜ້າແມ່ນຈະໄດ້ສືບຕໍ່ສຶກ  ສາອົບຮົ່ມການເມືອງແນວຄິດ  ໃຫ້ພະນັກ  ງານ-ນັກຮົບ  ແຕ່ລະສະຫາຍ  ໃຫ້ມີຄວາມອຸ່ນອ່ຽງທຸ່ນທ່ຽງ  ເພີ່ມທະວີວຽກງານກໍ່ສ້າງພັກພະນັກງານ  ແລະ  ປັບປຸງບູລະນະການຈັດຕັ້ງ  ສືບຕໍ່ປັບປຸງກົງຈັກກການຈັດຕັ້ງ  ບ່ອນໃດທີ່ຍັງບໍ່ໄດ້ຮັບປະກັນຄຸນນະພາບ  ແລະ  ບໍ່ທັນພຽງພໍກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໄໜ່  ຕິດພັນກັບການປັບປຸງລະບອບແຜນການນຳພາ-ບັນຊາ  ແລະ  ກົນໄກວິທີ່ເຮັດວຽກໃຫ້ຫັນສູ່ແບບແຜນທີ່ທັນສະໄໝ່  ສືບຕໍ່ຈັດຕັ້ງປະຕິບັດວຽກງານກວດກາຄຸ້ມຄອງ  ແລະ  ປ້ອງກັນກກຳລັງ  ສືບຕໍ່ແກ້ໄຂຫາງສຽງການວິພາກວິຈານຕໍ່ກຳລັງ  ປກສ  ແລະ  ຊັນລະສູດຂໍ້ມູນຕາມການຮ້ອງຟ້ອງ.  ສືບຕໍ່ປັບປຸງແກ່ໄຂບັນດາປະກົດການຫໍ້ຍທໍ້ທີ່ເກີດຂື້ນໃນກຳລັງໃຫ້ຂາດຕົວ.  ປັບປຸງວຽກງານພະລາທິການ  ໃຫ້ສາມາດເພີ່ງຕົນເອງ  ກຸ້ມຕົນເອງ  ສ້າງຄວາມເຂັ້ມແຂງດ້ວຍຕົນເອງໃຫ້ດີຂື້ນເທື່ອລະກ້າວ  ສູ້ຊົນແກ້ໄຂຄວາມທຸກຍາກຢ່າງຂາດຕົວ  ເອົາໃຈໃສ່ຄຸຸ້ມຄອງນຳໃຊ້ຊັບສົມບັດລວມໜູ່ຂອງກອງບັນຊາການ  ປກສ  ແຂວງ  ໃຫ້ຖືກເປົ້າ  ໜາຍມີຜົນປະໂຫຍດສູງສຸດ  ແລະ  ນຳໃຊ້ໄດ້ຍາວນານ

 

ໂດຍ  ຮອ  ນາງ  ທິດາວັນ  ໄຊຍະວົງ  ກົມໃຫຍ່ພະລາທິການ  ໂທ  020​  2828-8181



ປະຊາສຳພັນ

  

ເຜີຍແຜ່: 11/09/2017, ອ່ານ: 217 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ວຽກງານພະລາທິການ (ກົມໃຫຍ່ພະລາທິການ / ລ້ຽງດູກໍາລັງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !