ເພິ່ງຕົນເອງ ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ ພັດທະນາເສດຖະກິດ ຕິດພັນກັບການຮັກສາສຸຂະພາບ ເປັນແຮງດັນໃຫ້ກຳລັງເຕີບໃຫຍ່ຂະຫຍາຍຕົວ ຢ່າງບໍ່ຢຸດຢັ້ງ
ວິທະຍຸ ປກສ (101.5 MHz): 
ກອງປະຊຸມເປີດກວ້າງຄະນະບໍລິຫານງານພັກ ກົມໃຫຍ່ພະລາທິການປ້ອງກັນຄວາມສະຫງົບ ຄັ້ງທີ 6 ສະໄໝທີ V


          ກອງປະຊຸມໄດ້ເປີດຂຶ້ນໃນຕອນເຊົ້າຂອງວັນທີ  31ສິງຫາ  2017  ທີ່ສະໂມສອນກົມໃຫຍ່ພະລາທິການ  ປ້ອງກັນຄວາມສະຫງົບ  ໂດຍການເປັນປະທານຂອງສະຫາຍ  ພົຈວຄຳໄຕ  ຄຳແພງເພັດ  ຄະນະປະຈຳພັກກະຊວງ  ເລຂາຄະນະພັກ  ຫົວໜ້າກົມໃຫຍ່ພະລາທິການ  ປ້ອງກັນຄວາມສະຫງົບ  ມີບັນດາສະຫາຍຄະນະບໍລິຫານງານພັກກົມໃຫຍ່,  ຄະນະພັກຮາກຖານ,ໜ່ວຍພັກຮາກຖານເຂົ້າຮ່ວມຢ່າງພ້ອມພຽງ.

         ກອງປະຊຸມໄດ້ຮັບຟັງຕີລາຄາການນຳພາຂອງຄະນະບໍລິຫານງານພັກກົມໃຫຍ່ພະລາທິການປະຈຳ  6  ເດືອນຕົ້ນປີ  ແລະ  ທິດທາງຈຸດສຸມ  6  ເດືອນທ້າຍປີ  2017,ຈາກສະຫາຍ  ພັອ  ໜູດີ  ມີໄຊຍະລາດ  ຮອງເລຂາຄະນະພັກ  ຮອງຫົວໜ້າກົມໃຫຍ່ພະລາທິການ  ປກສ,  ທ່ານຍົກໃຫ້ເຫັນເຖິງບັນດາຜົນງານ  ແລະ  ຜົນສຳເລັດທີ່ຄະນະບໍລິຫານງານພັກກົມໃຫຍ່ພະລາທິການຍາດມາໄດ້ຕະຫຼອດໄລຍະ  6  ເດືອນຜ່ານມາເປັນຕົ້ນໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ສະມາຊິກພັກ,  ພະນັກງານ-ນັກຮົບເປັນປົກກະຕິຮັກສາລະບອບຮ່ວມຊີວິດການເມືອງຂອງຄະນະພັກ-ຄະນະບັນຊາແຕ່ລະຂັ້ນເປັນປົກກະຕິ,  ເອົາໃຈໃສ່ປັບປຸງກໍ່ສ້າງພັກ-ກໍ່ສ້າງກຳລັງທາງດ້ານການເມືອງ-ແນວຄິດ,ການຈັດຕັ້ງ,ແບບແຜນວິທີນຳພາຂອງຄະນະພັກແຕ່ລະຂັ້ນ,ເປັນເຈົ້າການຈັດຕັ້ງເຊື່ອມຊຶມບັນດາເອກະສານສຳຄັນຂອງພັກ-ຂອງຊາດ  ຕິດພັນກັບບັ້ນດຳເນີນຊີວິດການເມືອງປັບປຸງປົວແປງພັກ,  ກໍ່ສ້າງກົມກອງເຂັ້ສແຂງໜ່ວຍພັກຮູ້ນຳພາຮອບດ້ານ  ໄດ້ທັງໝົດ6  ຄັ້ງ  ມີຜູ່ເຂົ້າຮ່ວມ  2,108  ເທື່ອຄົນ,  ຍິງ  1,178  ເທື່ອຄົນ,  ນໍາພາເຄື່ອນໄຫວວຽກງານຮັບປະກັນພະລາທິການຮອບດ້ານ  ແລະ  ການເພີ່ມພູນຜະລິດຜົນປູກຝັງ-ລ້ຽງສັດ,  ການຜະລິດ-ທຸລະກິດເພື່ອເພິ່ງຕົນເອງ,  ກຸ້ມຕົນເອງ  ແລະ  ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວຂອງກຳລັງໃຫ້ນັບມື້ກວ້າງຂວາງອອກເລື້ອຍໆ,  ເປັນເຈົ້າການປັງປຸງກໍ່ສ້າງພັກໃຫ້ເຂັ້ມແຂງ,  ໜັກແໜ້ນທາງດ້ານການເມືອງແນວຄິດ,  ການຈັດຕັ້ງ  ແລະ  ແບບແຜນນຳພາ  ສະແດງອອກປີ  2017ສະເໜີຄະນະພັກຂັ້ນເທິງຮອງຮັບເອົາກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານໄດ້  9  ໜ່ວຍ,  ແຂງ  6  ໜ່ວຍ,  ກາງ  1  ໜ່ວຍ,  ໄດ້ຈັດຕັ້ງຮຽນຮຽນສະໜັບສະໜູນພັກໃຫ້ມະຫາຊົນຜູ່ທີ່ກ້າວໜ້າ  09  ສະຫາຍ,  ຮຽນລະບຽບພັກ  12  ສະຫາຍ,ເຂົ້າພັກສຳຮອງ  19  ສະຫາຍ,  ເລື່ອນຂຶ້ນສົມບູນ  25  ສະຫາຍ,  ສະມາຊິກພັກໄດ້ຮັບອະນຸມັດແຕ່ງຕັ້ງໜ້າທີ່  ຂັ້ນຫ້ອງ,  ກົມ  ແລະ  ທຽບເທົ່າ  18  ສະຫາຍ,  ຂັ້ນພະແນກ  65  ສະຫາຍ,  ສົ່ງໄປຍົກລະດັບທາງດ້ານວິຊາສະເພາະທັງພາຍໃນ  ແລະ  ຕ່າງປະເທດ  82  ສະຫາຍ,  ໄດ້ນຳພາແກ້ໄຂປະ  ກົດການຫຍໍ້ທໍ້ທີ່ເກີດຂຶ້ນ  3  ກໍລະນີ້,  ແກ້ໄຂສຳເລັດ  1  ກໍລະນີ,  ສືບຕໍ່ແກ້ໄຂ  2  ກໍລະນີ,ຜ່ານມາສະມາຊິກພັກໄດ້ຮັບຫຼຽນໄຊແຮງງານຊັ້ນII  8  ສະຫາຍ,  ຫຼຽນໄຊແຮງງານຊັ້ນIII24  ສະຫາຍ,  ຫຼຽນກາແຮງງານ  35  ສະຫາຍ,  ໃບຍ້ອງຍໍລັດຖະບານ  23  ສະຫາຍ,  ໄດ້ຮັບອະນຸມັດເລື່ອນຊັ້ນ  66  ສະຫາຍ,  ເຂົ້າພັກຜ່ອນຮັບເບ້ຍບຳນານ  13  ສະຫາຍ;  ພັກປິ່ນປົວຍາວນານ  3  ສະຫາຍ;  ນອກນັ້ນ,  ຍັງໄດ້ປະຕິບັດການເບີກຈ່າຍເງິນເດືອນ,  ເງິນບໍລິຫານ,  ເຄື່ອງອຸປະໂພກ-ບໍລິໂພກ,  ພາຫະນະ-ເຕັກນິກ,  ວັດຖຸອຸປະກອນ,  ນ້ຳມັນເຊື້ອໄຟ,  ຢາປິ່ນປົວພະຍາດ  ແລະ  ວຽກງານອື່ນໆໄດ້ຮັບຜົນສຳເລັດຕາມລະດັບຄາດໝາຍ;ໃນນັ້ນ,  ວຽກງານຊຸກຍູ້-ນຳພາແກ້ໄຂຊີວິດການເປັນຢູ່ຂອງກໍາລັງ  ປກສ  ເຊິ່ງໄດ້ປັບປຸງຫົວໜ່ວຍການຜະລິດ-ທຸລະກິດທີ່ມີແລ້ວ  ໃຫ້ຖືກຕ້ອງຕາມລະບຽບກົດໝາຍ  ແລະ  ມີປະສິດທິຜົນ  ເຊິ່ງໄດ້ເປີດບໍລິການ  ໂຮງແຮມ  5  ດາວ  (ຄຮາວພລາຊາວຽງຈັນ),  ສະໜາມຝຶກຊ້ອມຍິງປືນ  5  ເມສາ  ແລະໄດ້ເຊັນສັນຍາສ້າງຕັ້ງໃໝ່  4  ໂຄງການຄື:  ໂຮງງານຜະລິດເກີບ,  ໂຮງ  ແຮມ  5  ດາວໂບສົດ  ຢູ່ແຂວງຫຼວງພະບາງ  ແລະ   ໂຮງພີມທັນສະໄໝ  ຜ່ານການດຳເນີນກິດຈະກຳຜ່ານມາ  ສາມາດສ້າງລາຍຮັບໄດ້   3000  ກວ່າລ້ານກີບ,  ມອບເຂົ້າພັນທະ  200ກວ່າລ້ານ  ແລະ  ມອບເຂົ້າກະຊວງ  300  ກວ່າລ້ານ,  ພ້ອມກັນນັ້ນໃນຕໍ່ໜ້າຍັງຈະໄດ້ພ້ອມກັນຮັກສາມູນເຊື້ອຜົນງານດ້ານຕ່າງໆຂອງຄະນະບໍລິຫານງານພັກກົມໃຫຍ່ພະລາທິການທີ່ຍາດມາໄດ້  ພ້ອມທັງປະກອບສ່ວນຊຸກຍູ້ສົ່ງເສີມວຽກງານດ້ານຕ່າງໆໃຫ້ມີການພັດທະນາ  ແລະ  ທັນສະໄໝຂຶ້ນເທື່ອລະກ້າວ;ຈາກນັ້ນຕາງໜ້າໃຫ້  ຄະນະພັກຮາກຖານ,  ໜ່ວຍພັກຮາກຖານ  ກໍ່ໄດ້ຜັດປ່ຽນກັນຂຶ້ນປະກອບຄຳຄິດເຫັນເພື່ອເຮັດໃຫ້ຮ່າງບົດສະຫຼຸບມີເນື້ອໃນໜັກແໜ້ນ  ແລະ  ຊັດເຈນຂຶ້ນຕື່ມໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກສະຫາຍປະທານກອງປະຊຸມ  ເຊິ່ງສະຫາຍໄດ້ເນັ້ນໜັກໃຫ້ຄະນະພັກ  ແລະ  ໜ່ວຍພັກແຕ່ລະໜ່ວຍພ້ອມກັນສຸມໃສ່ປະຕິບັດໜ້າທີ່ວຽກງານສາຍຕັ້ງວິຊາສະເພາະຂອງຕົນ,  ພ້ອມກັນສູ້ຊົນເອົາໃຈໃສ່ໃນການກວດກາ,ຕິດຕາມການປະຕິບັດໜ້າທີ່ວຽກງານບັນດາຫົວໜ່ວຍທຸລະກິດທີ່ຢູ່ໃນຄວາມຮັບຜິດຊອບ,  ສືບຕໍ່ຮັກສາມູນເຊື້ອຜົນງານທີ່ຍາດມາໄດ້  ແລະພ້ອມກັນເຮັດສຳເລັດໜ້າທີ່ການເມືອງໃຫ້ມີບາດກ້າວຂະຫຍາຍຕົວຂຶ້ນຢ່າງບໍ່ຢຸດຢັ້ງ.


ປະຊາສຳພັນ

  

ເຜີຍແຜ່: 31/08/2017, ອ່ານ: 24 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ກົມໃຫຍ່ພະລາທິການ / ຫ້ອງການກົມ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !