ເພິ່ງຕົນເອງ ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ ພັດທະນາເສດຖະກິດ ຕິດພັນກັບການຮັກສາສຸຂະພາບ ເປັນແຮງດັນໃຫ້ກຳລັງເຕີບໃຫຍ່ຂະຫຍາຍຕົວ ຢ່າງບໍ່ຢຸດຢັ້ງ
ວິທະຍຸ ປກສ (101.5 MHz): 
ກົມໃຫຍ່ພະລາທິການ ປກສ ເຊຶ່ອມຊຶມເອກະສານ 2 ວັນປະຫັວດສາດ



ໃນຕອນເຊົ້າຂອງວັນທີ  24  ສິງຫາ  2017  ນີ້  ກົມໃຫຍ່ພະລາທິການ  ປກສໄດ້ຈັດພິທີລະນຶກ  2  ວັນປະຫວັດສາດຄື:  ວັນປະກາດໃຊ້  ລັດຖະທໍາມະນູນແຫ່ງສປປລາວຄົບຮອບ26ປີ(15  ສິງຫາ  1991  ຫາ  15ສິງຫາ2017),  ວັນຍຶດອໍານາດທົ່ວປະເທດຄົບຮອບ  42  ປີ(23  ສິງ  ຫາ  1975  ຫາ  23  ສິງຫາ  2017)ໃຫ້ຄະນະພັກ-ຄະນະບັນຊາແລະພະນັກງານຫຼັກແຫຼ່ງໃນກົມໃຫຍ່ພະລາທິການ  ຮັບຮູ້,  ເຂົ້າໃຈ  ແລະ  ເຊື່ອມຊຶມມູນເຊື້ອພິລະອາດຫານ,ປະຫວັດຄວາມເປັນມາ,  ຄວາມໝາຍ-ຄວາມສໍາຄັນຂອງ  2  ວັນດັ່ງກ່າວໃຫ້ເລິກເຊິ່ງເຖິງຖອງ  ພ້ອມທັງເຜີຍແຜ່ຄຳສັ່ງຂອງຄະນະເລຂາທິການສູນກາງພັກ  ປະຊາຊົນປະຕິວັດລາວຕື່ມອີກ.

ໃຫ້ກຽດປາຖະກະຖາໂດຍ ພັອ  ຄຳແພງ  ລາວລີ  ຄະນະພັກປະຈຳພັກກົມໃຫຍ່  ຮອງຫົວໜ້າກົມໃຫຍ່ພະລາທິການ  ປກສ;  ທ່ານໄດ້ຍົກໃຫ້ເຫັນວ່າ:ໂດຍອີງຕາມຄວາມຮຽກຮ້ອງຕ້ອງການແຫ່ງການປ່ຽນແປງໃໝ່ທາງດ້ານເສດຖະກິດ  ຫັນຈາກການຄຸ້ມຄອງລວມສູນບໍລິຫານແບບເກື້ອກູນໄປສູ່ການຄຸ້ມຄອງຕາມກົນໄກຕະຫຼາດ  ທີ່ມີການໄລ່ລຽງເສດຖະກິດທີ່ຈຳເປັນຕ້ອງຫັນໄປສູ່ການຄຸ້ມຄອງລັດດ້ວຍລັດຖະທຳມະນູນແລະກົດໝາຍຢ່າງເປັນເອກະພາບ;  ດ້ວຍເຫດນັ້ນ,  ກອງປະຊຸມເທື່ອທີ6ຂອງສະພາປະຊາຊົນສູງສຸດຊຸດທີ  II  ປີ 1991  ຈຶ່ງໄດ້ພິຈາລະນາຮັບຮອງເອົາລັດຖະທຳມະນູນສະບັບທຳອິດຂອງສປປລາວ;  ເຊິ່ງໄດ້ປະກາດໃຊ້ໃນວັນທີ  15  ສິງຫາ  1991  ຢ່າງເປັນທາງການ;  ລັດຖະທໍາມະນູນແມ່ນກົດໝາຍພື້ນຖານຂອງຊາດ,  ທັງເປັນການຫັນປ່ຽນໃໝ່ຢ່າງຮອບດ້ານທີ່ມີຫຼັກການຂອງພັກປະຊາຊົນປະ  ຕິວັດລາວ  ແລະການປະກາດໃຊ້ລັດຖະທໍາມະນູນເປັນເຫດການໜຶ່ງທີ່ສໍາຄັນຂອງຊາດເພື່ອສ້າງສະຕິຊາດ,  ເອກະພາບອັນໜຶ່ງດຽວພາຍໃຕ້ການນໍາພາຂອງພັກ,  ທັງເປັນພາຫະນະສໍາຄັນໃນການສຶກສາອົບຮົມປະຊາຊົນຍົກສູງນໍ້າໃຈຮັກຊາດເປັນເຈົ້າການປົກປັກຮັກສາແລະສ້າງສາພັດທະນາປະເທດຊາດຕາມຈຸດໝາຍທີ່ພັກ-ລັດ  ກໍານົດໄວ້;  ວັນຢຶດອໍານາດ  ແມ່ນໄດ້ແບ່ງອອກເປັນ  IIໄລຍະຄື:  ໄລຍະທີ  I ວັນທີ  23  ສິງຫາ 1945 ແມ່ນວັນສໍາຄັນຂອງຊາດລາວໃນການປະກາດເອກະລາດ,  ເຕົ້າໂຮມແຜ່ນດິນລາວເປັນເອກະພາບທັງເປັນວັນທີ່ປະກາດໃຊ້ເພງຊາດ,  ທຸງຊາດສາມສີແລະປະກາດແຕ່ງຕັ້ງຄະນະລັດຖະບານຊົ່ວ  ຄາວ(ລັດຖະບານລາວອິດສະຫຼະ);  ໄລຍະທີ  II  ທີ  23  ສິງຫາ  1975  ເປັນວັນໄຊຊະນະແຫ່ງການຕໍ່ສູ້ປະຕິວັດອັນຍືດເຍື້ອຍາວນານຂອງປະຊາຊົນລາວບັນດາເຜົ່າ  ພາຍໃຕ້ການນໍາພາຂອງພັກປະຊາຊົນປະຕິ  ວັດລາວທັງແມ່ນໝາກຜົນທີ່ເກີດຈາກຄວາມກ້າຫານປະດິດສ້າງແຫ່ງການນໍາໃຊ້3ບາດຄ້ອນຍຸດທະສາດເພື່ອຢຶດອໍານາດການປົກຄອງໃນທົ່ວປະເທດແບບ “ບົວບໍ່ຊ້ຳນໍ້າບໍ່ຂຸ່ນ”  ທັງເປັນໄຊຊະນະຂອງຄວາມສາມັກ  ຄີຂອງ3ຊາດລາວ,ຫວຽດນາມ  ແລະ ກໍາປູເຈຍ;  ຜ່ານການເຜີຍແຜ່ບັນດາເອກະສານຕ່າງໆ  ທ່ານໄດ້ເນັ້ນໝັກໃຫ້ນໍາເອົາເນື້ອໃນຈິດໃຈຂອງ  2  ວັນປະຫວັດສາດໄປໝູນໃຊ້ເຂົ້າໃນການຊີ້ນໍາ-ນໍາພາສະມາຊິກພັກ,ພະນັກງານ-ນັກຮົບໃຫ້ຈັດຕັ້ງປະຕິບັດວຽກງານວິຊາສະເພາະໃນກົມກອງຂອງຕົນ  ໃຫ້ມີຄວາມເຂັ້ມແຂງແລະຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ


ໂດຍ:  ຮທ  ລັດຖະກອນ  ອ່ອນໄຊວຽງ  ກົມໃຫຍ່ພະລາທິການ  ປກສ  ໂທ:  0205669000


ປະຊາສຳພັນ

  

ເຜີຍແຜ່: 25/08/2017, ອ່ານ: 107 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ກົມໃຫຍ່ພະລາທິການ / ຫ້ອງການກົມ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !