ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ກອງທັບຝຶກຊ້ອມ ກຽມພ້ອມຮັບມືກັບໄພພິບັດ

ໃນວັນທີ  14  ສິງຫາ  2017   ຄະນະຮັບຜິດຊອບຄວບຄຸມ  ແລະ  ຕ້ານໄພພິບັດທາງທຳມະຊາດ  ກະ  ຊວງປ້ອງກັນປະເທດ  ໄດ້ຈັດຕັ້ງ  ຝຶກຊ້ອມຫັດແອບເທິງແຜນທີ່-  ແຜນຮ່າງ  ແລະ  ພາກສະໜາມຢູ່  ທີ່ສະໂມສອນປົກຄອງເມືອງໄຊ  ບູລີ  ແຂວງສະຫວັນນະເຂດ  ເພື່ອ  ກຽມພ້ອມຮັບມືກັບໄພພິບັດກໍ  ລະນີເກີດຂຶ້ນ  ໂດຍການເປັນປະ  ທານຂອງ  ພົຈວ  ສິງສະຫວັດ  ພົມ  ມະສັກ  ຮອງຫົວໜ້າກົມໃຫຍ່  ເສນາທິການກອງທັບ  ມີບັນດາຄະ  ນະຊີ້ນໍາການຝຶກຊ້ອມ,  ມີການນຳ  ແຂວງສະຫັວນນະເຂດ  ແລະ  ພາກສ່ວນທີ່ກ່ຽວຂ້ອງເຂົ້າຮ່ວມ.

ການຫັດແອບເທິງແຜນທີ່-ແຜນຮ່າງໃນຄັ້ງນີ້  ແມ່ນມີຫົວບົດ  ວ່າ:  ກົມໃຫຍ່ເສນາທິການກອງ  ທັບສົມທົບກັບຄະນະກໍາມະການ  ປ້ອງກັນ  ແລະ  ຄວບຄຸມໄພພິບັດ  ແຫ່ງຊາດ  ຊີ້ນໍາກໍາລັງກອບກູ້,  ແກ້  ໄຂໄພພິບັດນໍ້າຖ້ວມ  ຢູ່ແຂວງສະ  ຫວັນນະເຂດ  ແລະ  ປະກອບ  6  ພາກສ່ວນເຂົ້າຮ່ວມ.  ໃນນັ້ນມີ:  ກອງເລຂາ,  ກະຊວງປ້ອງກັນປະ  ເທດ,  ອົງການປົກຄອງແຂວງສະ  ຫວັນນະເຂດ,  ກອງບັນຊາການ  ທະຫານແຂວງສະຫວັນນະເຂດ,  ກອງພົນທີ  4  ແລະ  ກອງບັນຊາ  ການ  ປກສ  ແຂວງສະຫວັນນະ  ເຂດ,  ຈຸດປະສົງ  ແລະ  ຄາດໝາຍ  ໃນການຫັດແອບເທິງແຜນທີ່-ແຜນ  ຮ່າງລວມມີ  3  ບັນຫາຄື:  ຄົ້ນຄວ້າ  ຕີລາຄາສະພາບດິນຟ້າອາກາດ  ແລະ  ກໍານົດບັນດາວຽກທີ່ຈະຕ້ອງ  ສຸມໃສ່ອົງການ  ແລະ  ກົມກອງ,  ສ້າງແຜນການນໍາໃຊ້ກໍາລັງກອບ  ກູ້  ແກ້ໄຂໄພພິບັດນໍ້າຖ້ວມ,  ລາຍງານແຜນການນໍາໃຊ້ກໍາລັງກອບກູ້ແກ້ໄຂໄພພິບັດຕໍ່ຂັ້ນເທິງ.

ສ່ວນການຫັດແອບພາກສະ  ໜາມແມ່ນຄາດໝາຍລວມມີ  7  ບັນຫາຄື:  ກອບກູ້,  ເຄື່ອນຍ້າຍ  ປະຊາຊົນດ້ວຍຂົວບັກ,  ຊອກຄົ້ນ  ຊ່ວຍເຫຼືອຜູ້ຖືກເຄາະຮ້າຍດ້ວຍ  ຍົນຂຶ້ນຊື່,   ຊອກຄົ້ນຜູ້ຖືກເຄາະ  ຮ້າຍຈົມນ້ຳດ້ວຍນັກດຳນ້ຳ,  ສ້າງຄູ  ກັ້ນນ້ຳຖ້ວມດ້ວຍກະຊອບຊາຍ,  ຊ່ວຍເຫຼືອປະຊາຊົນທີ່ຂີ່ກົງເບັງໄຫຼນ້ຳມາດ້ວຍເຮືອ,  ຊ່ວຍເຫຼືອປະ  ຊາຊົນທີ່ຄ້າງຢູ່ຕາມຕົ້ນໄມ້  (  ເຫງົ້າ  ໄມ້  )  ດ້ວຍເຮືອ,   ຈັດສັນທີ່ພັກ  ເຊົາຊົ່ວຄາວ,  ຈັດຕັ້ງພະຍາບານ  ແລະ  ບັນເທົາທຸກໃຫ້ແກ່ປະຊາຊົນ  ຜູ້ຖືກເຄາະຮ້າຍ  ຜ່ານການຝຶກ  ຊ້ອມ-ຫັດແອບການປ້ອງກັນ  ແລະ   ຄວບຄຸມໄພພິບັດຄັ້ງນີ້  ໄດ້ສ້າງ   ຄວາມຮູ້-ຄວາມສາມາດ  ແລະ  ຄວາມເຂົ້າໃຈຫຼາຍຢ່າງໃຫ້ແກ່ຜູ້  ເຂົ້າຝຶກຊ້ອມ-ຫັດແອບ  ເຊິ່ງສະ  ແດງອອກໃນການສ້າງແຜນ  ແລະ  ຈັດວາງກຳລັງເຂົ້າໃນການກອບກູ້  ຜູ້ທີ່ຖືກໄພນ້ຳຖ້ວມໄດ້ບັນລຸໄປ  ຕາມເປົ້າໝາຍທີ່ວາງໄວ້.


ປະຊາສຳພັນ

  

ເຜີຍແຜ່: 17/08/2017, ອ່ານ: 213 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ຂ່າວທົ່ວໄປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !