ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ສຳເລັດການຝຶກອົບຮົມວຽກງານສື່ມວນຊົນຄັງທີ I ທົ່ວກຳລັງ ປກສ ແຂວງບໍລິຄຳໄຊ

  ພະແນກໂຄສະນາອົບຮົມ-ຂ່າວສານຫ້ອງການເມືອງ  ປກສ  ແຂວງ  ບໍລິຄໍາໄຊ  ໄດ້ຈັດພິທີປິດຝຶກອົບຮົມ  ວຽກງານສື່ມວນຊົນຄັ້ງທີ  I  ທົ່ວກໍາລັງປກສແຂວງບໍລິຄໍາໄຊຂຶ້ນໃນວັນທີ  6  ມີນາ  2015  ເປັນກຽດເຂົ້າຮ່ວມ  ຂອງ  ພັທ  ບົວເຄືອ  ລັດຕະນະວົງສາ  ຮອງຫົວໜ້າກອງບັນຊາການ  ປກສ  ແຂວງ,  ພັທ  ພອນສະຫວັນ  ອຸດົມເພັດ  ຮອງຫົວໜ້າຄະນະບັນນາທິການຂ່າວສານປກສ,  ມີບັນດາພະນັກງານ-ນັກຮົບພ້ອມດ້ວຍນັກສາ  ມະນາກອນ  10  ສະຫາຍທີ່ມາຈາກຫ້ອງ,  ເມືອງອ້ອມຂ້າງກອງບັນຊາການປກສແຂວງເຂົ້າຮ່ວມ.

ຮອ  ພອນວິໄລ  ມະນີວັນ  ຫົວໜ້າພະແນກໂຄສະນາອົບຮົມ-ຂ່າວສານຫ້ອງການເມືອງປກສແຂວງກ່າວວ່າ:  ການຈັດຊຸດຝຶກອົບຮົມ  ວຽກງານສື່ມວນຄັ້ງທີ  I  ແມ່ນບາດກ້າວໜຶ່ງຂອງການພັດທະນານັກຂ່າວ  ປກສ  ແຂວງ  ຂອງພວກເຮົາ,  ທັງເປັນການຍົກລະດັບທາງດ້ານທິດສະດີແລະພຶດຕິກໍາຕົວຈິງ;  ການຝຶກອົບຮົມແມ່ນ  ເລີ່ມຝຶກ  ມາແຕ່ວັນທີ  2-6  ມີນາ  2015  ໂດຍມີນັກສໍາມະນາກອນທີ່ມາຈາກບັນດາຫ້ອງ,  ປກສເມືອງອ້ອມຂ້າງ  ກອງ  ບັນຊາການ  ປກສ  ແຂວງທັງໜົດ  10  ສະຫາຍ,  ຍິງ  2  ສະຫາຍ;  ຫຼັກສູດທີ່ນໍາໃຊ້ເຂົ້າໃນການຝຶກອົບຮົມ  ໃນຄັ້ງນີ້ລວມມີ  9  ວິຊາຮຽນຄື:  ກົດໝາຍສື່ມວນຊົນ,  ຫຼັກການພື້ນຖານຂອງສື່ມວນຊົນປະຕິວັດ,  ຫຼັກການຂຽນ  ບົດໃນສື່ມວນຊົນ,  ຫຼັກການຂຽນບົດຂ່າວສານ,  ຫຼັກການຂຽນບົດວຽກດີຄົນເດັ່ນ,  ຫຼັກການຂຽນຂ່າວ,  ວິທີເກັບ  ກໍາຂໍ້ມູນ  ແລະ  ສໍາພາດຂ່າວ,  ຫຼັກການພື້ນຖານ  ແລະ  ເຕັກນິກໃນການຖ່າຍກ້ອງ,  ຫຼັກການພື້ນຖານ  ແລະ  ເຕັກນິກໃນ  ການຖ່າຍວີດີໂອ;  ຜ່ານການຝຶກອົບຮົມເຫັນວ່າ  ນັກສໍາມະນາກອນ  ສາມາດຕີລາຄາໄດ້  70%.

ພັທ  ພອນສະຫວັນ  ອຸດົມເພັດ  ກ່າວວ່າ:  ການຝຶກອົບຮົມໃນຄັ້ງນີ້ແມ່ນຂີດໝາຍໜຶ່ງທີ່ສໍາຄັນ  ໃນການ  ຍົກລະດັບຄວາມຮູ້,  ຄວາມສາມາດຕໍ່ສື່ມວນຊົນຂອງກໍາລັງ  ປກສ  ແຂວງ  ບໍລິຄໍາໄຊ,  ການຝຶກອົບຮົມຄັ້ງນີ້,  ເຖິງວ່າຈະເປັນໄລຍະສັ້ນໆກໍຕາມແຕ່ບັນດາສະຫາຍກໍສາມາດກໍາໄດ້ເນື້ອໃນຈິດໃຈຂອງວຽກງານສື່ມວນຊົນໄດ້,  ແຕ່ໃນຕໍ່ໜ້ານີ້,  ບັນດາສະຫາຍຈະຕ້ອງເອົາໃຈໃສ່ໃນການຄົ້ນຄວ້າ,  ຮໍ່າຮຽນນໍາບັນດາເອກະສານຕ່າງໆຕື່ມອີກ  ໂດຍສະເພາະແມ່ນ:  ນໍາໜັງສືພິມ,  ວາລະສານ,  ຕິດຕາມຂ່າວສານຕ່າງໆນໍາບັນດາສື່ອີເລັກໂຕນິກ  ເພື່ອນໍາ  ໄປໝູນໃຊ້ເຂົ້າໃນວຽກງານວິຊາສະເພາະເວົ້າລວມ,  ເວົ້າສະເພາະກໍແມ່ນຫຼັກການຂຽນບົດ-ຂຽນຂ່າວຂອງ  ພວກສະຫາຍໃຫ້ມີຄວາມແຫຼມຄົມ,  ສາມາດເປັນກະບອກສຽງທີ່ສໍາຄັນຂອງພັກ-ລັດໄດ້ດີຂຶ້ນເປັນກ້າວໆ.

ໂອກາດດຽວກັນນີ້,  ພັທ  ບົວເຄືອ  ລັດຕະນະວົງສາ  ໄດ້ມອບໃບຢັ້ງຢືນໃຫ້ແກ່ນັກສໍາມະນາກອນຄັ້ງນີ້;  ທ່ານ  ຍັງໄດ້ກ່າວສະແດງຄວາມຍ້ອງຍໍຊົມເຊີຍຕໍ່ນັກສໍາມະນາກອນທີ່ສາມາດມາດເຮັດສໍາເລັດໜ້າທີ່ຂອງຕົນ  ໃນການ  ຝຶກແອບຮໍ່າຮຽນ,  ການຝຶກອົບຮົມໃນຄັ້ງນີ້  ເຊື່ອວ່າຈະເປັນປະໂຫຍດຫຼາຍຕໍ່ກອງບັນຊາການ  ປກສ  ແຂວງ  ຂອງພວກເຮົາ  ເພາະສື່ມວນຊົນ  ປກສ  ແຂວງ  ແມ່ນເປັນກະບອກສຽງໜຶ່ງໃຫ້ແກ່ກອງບັນຊາການຂອງ  ພວກເຮົາ  ໃນການສົ່ງຂໍ້ມູນຂ່າວສານໃຫ້ແກ່ກະຊວງປກສ  ໃນການອອກຂ່າວຢູ່ໜ້າໜັງສືພິມ,ວາລະສານ,  ໂທລະພາບ  ແລະ  ວິທະຍຸ;  ຂ້າພະເຈົ້າຫວັງຢ່າງຍິ່ງວ່າຜູ້ທີ່ໄດ້ຜ່ານການຝຶກອົບຮົມນີ້ຈະນໍາເອົາຄວາມຮູ້ທີ່ຕົນເອງໄດ້ຮຽນມາໄປໝູນ  ໃຊ້ເຂົ້າໃນໜ້າທີ່ວຽກງານ  ວິຊາສະເພາະຂອງຕົນໃຫ້ເກີດດອກອອກຜົນ,  ສາມາດເຮັດສໍາເລັດໜ້າທີ່ທີ່ພັກ-ລັດມອບ  ໝາຍໃຫ້ໂດຍສະເພາະແມ່ນການເສີມຂະຫຍາຍແນວທາງການນໍາພາອັນສະຫຼາດສ່ອງໃສໂດຍ  ຜ່ານການຂີດ-ການຂຽນ.

ປະຊາສຳພັນ

  

ເຜີຍແຜ່: 23/03/2017, ອ່ານ: 64 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ການສຶກສາ ວຕປ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !