ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ເປີດສາກກິລາອ້ອມຂ້າງກະຊວງ ປກສ ຕ້ອນຮັບວັນທີ 5 ເມສາ ຄົບຮອບ 54 ປີ ຢ່າງຍິ່ງໃຫຍ່

  ການແຂ່ງຂັນກິລາອ້ອມຂ້າງກະຊວງປກສເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ  IV  ຂອງ  ອົງຄະນະ  ພັກ  ກະຊວງປກສແລະກະກຽມສະເຫຼີມສະຫຼອງວັນສ້າງຕັ້ງກຳລັງ  ປ້ອງກັນຄວາມສະຫງົບຄົບ  ຮອບ  54  ປີ  ເປີດສາກຂຶ້ນຢ່າງເປັນທາງການຢ່າງຍິ່ງໃຫຍ່ໃນວັນທີ  20  ມີນາ  2015  ນີ້,  ທີ່ສະໜາມກິລາ  ກົມໃຫຍ່ການເມືອງ  ປກສ  (  ສະໜາມມ້າ  )  ກະຊວງປ້ອງກັນຄວາມສະຫງົບໂດຍໃຫ້ກຽດເປັນປະທານພິທີເປີດຂອງ  ພົຈວ  ກົງທອງ  ພົງວິຈິດ  ລັດຖະມົນຊ່ວຍວ່າການ  ກະຊວງປກສມີບັນດາຄະນະພັກກະຊວງ,  ຫົວໜ້າກົມໃຫຍ່,  ຮອງກົມ,  ຄະນະພັກ-ຄະນະບັນຊາຈາກກົມກອງອ້ອມຂ້າງກະຊວງພ້ອມດ້ວຍຄະນະນັກກິລາຈຳນວນ  1.490​  ກວ່າຄົນ  ເຂົ້າຮ່ວມ.

ການແຂ່ງຂັນກິລາສະເຫຼີມສະຫຼອງວັງສ້າງຕັ້ງກຳລັງປກສຄົບຮອບ    54  ປີ,  ທາງຄະນະຮັບຜິດຊອບຫຼັກ  ກໍຄືກົມກິລາກົມໃຫຍ່ການເມືອງປກສໄດ້ບັນຈຸ  4  ຊະນິດກິລາເຂົ້າຮ່ວມແຂ່ງຂັນເຊັ່ນ:  ກິລາບານເຕະຊາວໜຸ່ມ  ຊາຍມີທັງໝົດ  11  ທີມ,  ບານເຕະຮຸ່ນອາວຸໂສມີທັງໝົດ  8  ທີມ,  ເປຕັງຊາຍ  55  ທີມ,  ເປຕັງຍິງ  35  ທີມ,  ກະຕໍ້ຊາຍ  10  ທີມ,  ບານສົ່ງຍິງ  4  ທີມ,  ບານສົ່ງຊາຍ  7  ທີມ,  ນອກນັ້ນຍັງມີການແຂ່ງຂັນນຸ່ງເຄື່ອງໄວ  38  ທີມແລະດຶງເຊືອກໂດຍນັກກິລາແລະຄະນະນັກກິລາທີ່ເປັນຕົວແທນໃຫ້ແກ່  19  ກົມກອງອ້ອມຂ້າງກະຊວງ  ປກສ  ນັກກິລາເຂົ້າຮ່ວມແຂ່ງຂັນ.

ສຳລັບກິລາບານເຕະຮຸ່ນອາວຸໂສທົ່ວໄປ,  ຊາວໜຸ່ມທົ່ວໄປໄດ້ແຂ່ງຂັນຕັ້ງແຕ່ວັນທີ  6  ມີນາເຊິ່ງປັດຈຸບັນ  ບານເຕະຮຸ່ນອາວຸໂສທົ່ວໄປໄດ້  4  ທີມຜ່ານເຂົ້າຮອບຮອງຊະນະເລີດແລ້ວ,  ສ່ວນບານເຕະຊາວໜຸ່ມທົ່ວໄປ  ຍັງດຳເນີນການແຂ່ງຂັນໃນຮອບຄັດເລືອກຢູ່,  ຂະນະທີ່ກິລາບານສົ່ງຊາຍ-ຍິງ,  ກະຕໍ້ຊາຍ.  ປັດຈຸບັນຍັງດຳເນີນ  ການແຂ່ງຂັນໃນຮອບຄັດເລືອກເຊັ່ນດຽວກັນ,  ໂດຍການແຂ່ງຂັນທັງ  4  ປະເພດຈະສຳເລັດໃນວັນທີ  1  ເມສາ  2015  ນີ້.

ທ່ານພົຈວກົງທອງພົງວິຈິດກ່າວວ່າ:  ການຈັດງານກິລາໃນຄັ້ງນີ້,  ແມ່ນເພື່ອເປັນການສ້າງຂະບວນການຂ່ຳນັບ
ຮັບຕ້ອນກອງປະຊຸມໃຫຍ່  ຄັ້ງທີ  IV  ຂອງອົງຄະນະພັກກະຊວງ  ປກສ  ທີ່ຈະໄຂຂຶ້ນໃນໄວໆນີ້,  ວັນສ້າງຕັ້ງກຳລັງ  ປ້ອງກັນຄວາມສະຫງົບຄົບຮອບ  54  ປີ  (  5/4/1961-5/  4/2015  )  ເຊິ່ງໄດ້ຫ້າງຫາກະກຽມໃນແຕ່ລະດ້ານເຫັນວ່າ  ມີຄວາມພ້ອມ.  ດັ່ງນັ້ນ,  ໃນມື້ນີ້ຈຶ່ງໄດ້ເປີດຂຶ້ນຢ່າງເປັນທາງການ,  ເຊິ່ງຢູ່ໃນທ່າມກາງບັນຍາກາດທີ່ທົ່ວພັກ,  ທົ່ວກຳລັງ  ປະກອບອາວຸດແລະທົ່ວປວງຊົນລາວບັນດາເຜົ່າພ້ອມກັນອອກແຮງງານແຂ່ງຂັນສ້າງຜົນງານ  ຂ່ຳນັບຮັບ  ຕ້ອນ  ວັນສ້າງຕັ້ງພັກປະຊາຊົນປະຕິວັດລາວຄົບຮອບ  60  ປີ  (  22/3/1955-22/3/2015  )  ໃຫ້ມີບັນຍາກາດຟົດຟື້ນ  ແລະ  ມີຄວາມໝາຍຄວາມສຳຄັນຢ່າງເລິກເຊິ່ງ,  ພ້ອມດຽວກັນນັ້ນທ່ານຍັງກ່າວຕື່ມວ່າ:    ເພື່ອເຮັດໃຫ້ການແຂ່ງຂັນ  ໃນຄັ້ງນີ້ບັນລຸຕາມຈຸດສົງ  ແລະ  ຄາດໝາຍທີ່ວາງອອກນັ້ນຂໍຮຽກຮ້ອງມາຍັງຄະນະພັກ-ຄະນະບັນຊາ,  ອານຸ  ກຳມະການທຸກພາກສ່ວນ,  ຄະນະຮັບຜິດຊອບກິລາ,  ຄູຝຶກນັກກິລາທຸກໆກົມກອງຈົ່ງພ້ອມກັນຍົກສູງຄວາມຮັບ  ຜິດຊອບ  ແລະ  ເອົາໃຈໃສ່ປະຕິບັດຕາມ  ກົດລະບຽບກະຕິກາ  ຂອງການແຂ່ງຂັນທຸກປະການ,  ພ້ອມທັງ  ຮັກສາ  ຄຸນສົມບັດ,  ມາລະຍາດຂອງນັກກິລາເພື່ອເຮັດໃຫ້ການແຂ່ງຂັນໃນຄັ້ງນີ້ມີບັນຍາກາດທີ່ດີພ້ອມກັນຫຼິ້ນກິລາດ້ວຍ  ຄວາມເບິກບານ  ມ່ວນຊື່ນແລະເຕັມໄປດ້ວຍໄມຕີຈິດມິດຕະພາບ.

ປະຊາສຳພັນ

  

ເຜີຍແຜ່: 23/03/2017, ອ່ານ: 72 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ກິລາ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !