ກຳລັງປ້ອງກັນຄວາມສະຫງົບປະຊາຊົນ: ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ
ວິທະຍຸ ປກສ (101.5 MHz): 
ປິດຊຸດຮຽນທິດສະດີການເມືອງ ລະບົບເລັ່ງລັດ ຮຸ່ນທີ IV

  ຊຸດຮຽນທິດສະດີການເມືອງຊັ້ນສູງ  ປກສ  ລະບົບເລັ່ງລັດ  5  ເດືອນຮຸ່ນທີ  IV  ທີ່ເລີ່ມເປີດຮຽນມາແຕ່ວັນທີ  5  ຕຸລາ  2014  ຂອງໂຮງຮຽນທິດສະດີການເມືອງກົມໃຫຍ່ການເມືອງກະຊວງປກສໄດ້ປິດລົງໃນວັນທີ  6  ມີນາ  2015,  ພ້ອມທັງ  ມອບ-ຮັບ  ໃບປະກາສະນີຍະບັດ  ໃຫ້ນັກສຶກສາຮຸ່ນດັ່ງກ່າວ  50  ສະຫາຍ,  ໂດຍການໃຫ້ກຽດ  ມອບຂອງ  ພົຈວ  ສົມແກ້ວ  ສີລາວົງ  ຮັກສາການລັດຖະມົນຕີວ່າການກະຊວງ  ປກສ,  ມີຫົວໜ້າກົມໃຫຍ່  ການເມືອງ,  ຫົວໜ້າ  ຄະນະອໍານວຍການ,  ແຂກຖືກເຊີນພ້ອມດ້ວຍນັກສຶກສາເຂົ້າຮ່ວມ.

ພັທ  ທອງສະໄໝ  ເກດມາລາ  ຄະນະອໍານວຍການໂຮງຮຽນທິດສະດີການເມືອງ  ປກສ  ກ່າວວ່າ:  ຊຸດຮຽນທິດສະດີ  ການເມືອງຊັ້ນສູງ  ປກສ  ລະບົບເລັ່ງລັດ  5  ເດືອນຮຸ່ນທີ  IV  ນີ້,  ໄດ້ໃຊ້ເວລາຮຽນທັງໝົດ  5  ເດືອນ  (  21  ອາທິດ  ),  ມີ  735  ຊົ່ວໂມງ,  ລວມມີ  5  ວິຊາຮຽນ,  ມີ  78  ບົດຄື:  ວິຊາປັດສະຍາມີ  12  ບົດ,  108  ຊົ່ວໂມງ;  ວິຊາເສດຖະສາດການເມືອງ  14  ບົດ,  144  ຊົ່ວໂມງ;  ວິຊາສັງຄົມນິຍົມວິທະຍາສາດ  14  ບົດ,  137  ຊົ່ວໂມງ;  ວິຊາວຽກງານພັກວຽກງານການເມືອງ  24  ບົດ,  163  ຊົ່ວໂມງ;  ວິຊາກົດໝາຍ  ແລະ  ການປົກ  ຄອງ  14  ບົດ,  ມີ  116  ຊົ່ວໂມງ.  ໃນນັ້ນ,  ຂຶ້ນຫ້ອງຕົວຈິງ  411  ຊົ່ວໂມງ,  ລາຍງານເພີ່ມ  28  ຊົ່ວໂມງ,  ກຽມສໍາມະນາ  36  ຊົ່ວ  ໂມງ,  ສໍາມະນາ  40  ຊົ່ວໂມງ,  ໄປທັດສະນະ  35  ຊົ່ວໂມງ,  ທວນເສັງ  30  ຊົ່ວໂມງ,  ແກ້ຂໍ້ຂ້ອງໃຈ  18  ຊົ່ວ  ໂມງ,  ສອບເສັງ  24  ຊົ່ວໂມງ,  ຂຽນບົດເກັບກ່ຽວ  14  ຊົ່ວໂມງ,  ຂຽນບົດຈົບຊັ້ນ  35  ຊົ່ວໂມງ,  ເວລາສໍາຮອງ  39  ຊົ່ວໂມງ.

ນັກສຶກສາຮຸ່ນດັ່ງກ່າວ,  ສ່ວນຫຼາຍແມ່ນພະນັກງານ-ນັກຮົບທີ່ມີຖານະຕໍາແໜ່ງຂັ້ນຮອງກົມ  ຫຼື  ທຽບເທົ່າ  ກົມທີ່ຂຶ້ນກັບບັນດາກົມໃຫຍ່,  ບັນດາ  ປກສ  ແຂວງ,  ຫົວໜ້າ-ຮອງກອງບັນຊາການ  ປກສ  ເມືອງ  ທີ່ມີອາຍຸ  ກະສຽນ  ແຕ່  39-59  ປີ,  ຊັ້ນ  ພັທ  ມີ  34  ສະຫາຍ,  ຍິງ  1  ສະຫາຍ,  ພັຕ  16  ສະຫາຍ,  ຍິງ  1  ສະຫາຍ,  ມາຈາກກົມ-ກອງ  ອ້ອມຂ້າງກະຊວງ  24  ສະຫາຍ,  ປກສແຂວງ,  ນະຄອນຫຼວງ  26  ສະຫາຍ.

  ຜ່ານການຮຽນຂອງນັກສຶກສາ  ໃນຮຸ່ນນີ້,  ແມ່ນເຫັນວ່າມີຄວາມເອົາໃຈໃສ່ຕໍ່ການຮໍ່າຮຽນເປັນຢ່າງດີ,  ສາມາດຖ່າຍທອດເອົາຄວາມຮູ້ຈາກ  ອາຈານໄດ້ຕາມລະດັບຄາດໝາຍຂອງໂຮງຮຽນກໍານົດໄວ້,  ອີກຢ່າງ  ຄູອາຈານ  ຂຶ້ນຫ້ອງສິດສອນນັກສຶກສາຮຸ່ນນີ້  ສ່ວນຫຼາຍແມ່ນອາຈານທີ່ມີປະສົບການ,ມີຄວາມຮູ້-ຄວາມສາມາດ  ເຊັ່ນ:  ອາຈານຈາກສະຖາບັນການເມືອງ  -ການປົກຄອງແຫ່ງຊາດ  5  ທ່ານ,  ວິທະຍາຄານໄກສອນພົມວິຫານ  3  ທ່ານ,  ກະຊວງແຜນການ  ແລະ  ການ  ລົງທຶນ  1  ທ່ານ,  ອາຈານຈາກກົມກອງອ້ອມຂ້າງກະຊວງປກສ  2  ທ່ານແລະອາຈານພາຍໃນໂຮງຮຽນ  13  ທ່ານ.  ຜ່ານການສະເລ່ຍຄະແນນ  ແລະ  ຜົນການປ້ອງກັນບົດ  ເຫັນວ່ານັກສຶກສາທຸກສະຫາຍສາມາດໄດ້ຄະແນນ  A  100%.

ໂອກາດນີ້,  ພົຈວ  ສົມແກ້ວ  ສີລາວົງ  ຮັກສາການລັດຖະມົນຕີວ່າການກະຊວງ  ປກສ  ໄດ້ໃຫ້ທິດຊີ້ນໍາຕໍ່  ນັກສຶກສາວ່າ:  ນັກສຶກສາທຸກສະຫາຍທີ່ສໍາເລັດການສຶກສາໃນຄັ້ງນີ້ຕ້ອງນໍາເອົາຄວາມຮູ້-  ຄວາມສາມາດ  ທີ່ຕົນເອງໄດ້ຮຽນ  ມາໄປຜັນຂະຫຍາຍຢູ່ໃນບັນດາກົມ-ກອງ,  ບັນດາໜ້າວຽກຂອງຕົນທີ່ໄດ້ຮັບມອບໝາຍ  ຈາກຂັ້ນເທິງ  ຢ່າງສຸດ  ຄວາມສາມາດ,  ມີການຊີ້ນໍາ-ນໍາພາອ້າຍ-ນ້ອງໃນການປະຕິບັດໜ້າທີ່ຢ່າງຊື່ຕົງ  ແລະ  ທ່ຽງທໍາໂດຍໃຊ້ທິດສະດີ,  ວິຊາສະເພາະທີ່ຮຽນມາເປັນພື້ນຖານໃນການຊີ້ນໍາ-ນໍາພາໃຫ້ເກີດຜົນສູງສຸດ  ຕະຫຼອດໄປ.

ປະຊາສຳພັນ

  

ເຜີຍແຜ່: 22/03/2017, ອ່ານ: 73 ຄັ້ງ
ໜ້າຫຼັກ  |  ເບິ່ງຂ່າວທັງໝົດ  | ສົ່ງເຂົ້າ Facebook
ການສຶກສາ ວປສ (ຫ້ອງວ່າການກະຊວງ ປກສ / ຫ້ອງການກະຊວງ)
ຂ່າວອື່ນໆທີ່ໜ້າສົນໃຈ
ຂ່າວຈາກສູນຂໍ້ມູນ ICT
ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !