ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 

Username 

Password 

LOG IN

 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 

 

ງານຊາປະນະກິດສົບຂອງສະຫາຍພົນຕີ ຊຽງສົມ ກຸນລະວົງ ຈັດຂຶ້ນຢ່າງສົມກຽດ

ງານຊາປະນະກິດສົບຂອງສະຫາຍພົນຕີ ຊຽງສົມ ກຸນລະວົງ ວິລະຊົນແຫ່ງຊາດ, ອະດີດກຳມະການສູນກາງພັກ ອະດີດລັດຖະ ມົນຕີຊ່ວຍວ່າ ການກະຊວງປ້ອງກັນຄວາມ ສະຫງົບ, ພະນັກງານບຳນານ ຢູ່ກະຊວງ ປກສ ໄດ້ຈັດຂຶ້ນ ໃນວັນທີ 21 ມີຖຸນານີ້ ທີ່ວັດ ເທບນິມິດ (ທາດຝຸ່ນ), ເປັນ ກຽດເຂົ້າຮ່ວມໃນງານຊາປະ ນະກິດສົບໃນຄັ້ງນີ້ມີ ສະຫາຍ ຈູມມາລີ ໄຊຍະສອນ ເລຂາທິ ການໃຫຍ່ ຄະນະບໍລິຫານງານ ສູນກາງພັກ ປະຊາຊົນ ປະຕິວັດ ລາວ ປະທານປະເທດແຫ່ງ ສປປ ລາວ; ສະຫາຍ ບຸນຍັງ ວໍລະຈິດ ຜູ້ປະຈຳ ການຄະນະ ເລຂາທິການສູນກາງພັກ, ຮອງ ປະທານປະເທດ, ສະຫາຍ ທອງສິງ ທຳມະວົງ ກຳມະການ ກົມການເມືອງ ສູນກາງພັກ, ນາ ຍົກລັດຖະມົນຕີ ແຫ່ງ ສປປ ລາວ, ມີບັນດາກຳມະການກົມ ການເມືອງສູນກາງພັກ, ກຳມະການສູນກາງພັກ, ບັນ ດາການນຳພັກ-ລັດ, ນາຍ ແລະ ພົນຕຳຫຼວດ, ນາຍ ແລະ ພົນທະຫານ, ຄອບຄົວ ແລະ ຍາດພີ່ນ້ອງເຂົ້າຮ່ວມ.

   ສະຫາຍ ພົນຕີ ຊຽງສົມ ກຸນລະວົງ ເກີດເມື່ອວັນທີ 19/ 11/1932 ທີ່ບ້ານສອງເໜືອງໃຕ້ ເມືອງໜອງບົກ ແຂວງຄຳມ່ວນ ແລະ ໄດ້ເສຍຊີວິດໃນວັນທີ 18/6/2014. ດ້ວຍຜົນງານ ແລະ ຄຸນງາມຄວາມດີທີ່ສະ ແດງອອກເຖິງຄຸນສົມບັດສິນ ທຳປະຕິວັດອັນຜ່ອງໃສ ແລະ ຄວາມຮັກເຊື້ອແພງຊາດສະ ຫາຍຈຶ່ງໄດ້ຮັບຄວາມໄວ້ເນື້ອ ເຊື່ອໃຈ ແລະ ຄວາມເຄົາລົບຮັກ ຈາກພະນັກງານ-ສະມາຊິກ ພັກນັກ ຮົບ ແລະ ປະຊາຊົນ ບັນດາເຜົ່າ, ພັກ ແລະ ລັດຖະ ບານ ຈຶ່ງໄດ້ຍ້ອງຍໍສັນລະເສີນ ດ້ວຍການປະດັບຫຼຽນໄຊ, ຫຼຽນ ກາບາງປະເພດ ໃຫ້ແກ່ສະຫາຍ ຄື: ໄດ້ຮັບຫຼຽນນາມມະຍົດວິ ລະຊົນແຫ່ງຊາດ 1 ໜ່ວຍ, ຫຼຽນໄຊອິດສະລະຊັ້ນ I 2 ໜ່ວຍ, ຫຼຽນໄຊອິດສະລະຊັ້ນ II 3 ໜ່ວຍ, ຫຼຽນໄຊຊະນະ ເລີດ ຮຸ່ນ II 1 ໜ່ວຍ, ຫຼຽນໄຊ ແຮງງານຊັ້ນ II 2 ໜ່ວຍ, ຫຼຽນ ໄຊແຮງງານຊັ້ນ III 4 ໜ່ວຍ, ຫຼຽນກາ​ຕ້ານຝຣັ່ງ 1 ໜ່ວຍ, ຫຼຽນກາ​ຕ້ານອາ​ເມຣິກາ 1 ໜ່ວຍ, ຫຼຽນກາລະ​ນຶກ 50 ປີ 1 ໜ່ວຍ, ຫຼຽນກາລະ​ນຶກ 5 ປີ 1 ໜ່ວຍ, ຫຼຽນໄຊຄຳ​ກູ​ບາ 1 ໜ່ວຍ, ຫຼຽນໄຊຄຳ ​ເຢຍ ຣະມັນ 1 ໜ່ວຍ, ຫຼຽນໄຊພິ ລາດອາດຫານ ສ.ສ ຫວຽດ ນາມ 1 ໜ່ວຍ, ຫຼຽນກາລະ​ນຶກ ຄົບຮອບ 50 ປີ​ຂອງພັກ 1 ໜ່ວຍ, ຫຼຽນກາ​ຄົບຮອບ 50 ປີ ປກສ 1 ໜ່ວຍ, ຫຼຽນກາລະ​ນຶກ 50 ປີກອງພັນທີ 2 1 ໜ່ວຍ, ຫຼຽນກາລະ​ນຶກຄົບຮອບ 60 ປີ ຂອງແນວລາວສ້າງຊາດ 1 ໜ່ວຍ, ຫຼຽນກາລະ​ນຶກ 70 ປີ ສ້າງຕັ້ງສະຫະພາບໂຊວຽດ. ນອກຈາກນີ້ຍັງໄດ້​ຮັບໃບຍ້ອງ ຍໍ​ຕ່າງໆ​ອີກຈຳນວນໜຶ່ງ.

   ການຈາກໄປໂດຍບໍ່​ມີ​ວັນ ກັບຄືນມາຂອງ ສະຫາຍ ຊຽງສົມກຸ​ນລະ​ວົງ ແມ່ນ​ເປັນການສູນ ເສຍ​ສະມາຊິກພັກ-ພະນັກງານອີກ ຜູ້​ໜຶ່ງ. ດັ່ງນັ້ນ ພັກ-ລັດ ແລະ ປະຊາຊົນລາວບັນດາ​ ​ເຜົ່າ​ຂໍຈົດຈຳ​ຄຸນງາມຄວາມດີ ​ແລະ ຜົນງານຂອງສະຫາຍໄວ້ ຢ່າງບໍ່​ມີ​ວັນຫຼົງລືມ, ຊື່​ສຽງ ແລະ ຜົນງານຂອງສະຫາຍ ແມ່ນ​ຕິດພັນກັບໜ້າ​ປະຫວັດ ສາດຂອງການປະຕິວັດຊາດ ປະ​ຊາ​ທິປະ​ໄຕ​ກໍ​ຄື​ການປະຕິ ວັດປົກປັກຮັກສາ ​ແລະ ສ້າງ ສາ​ພັດທະນາ​ປະ​ເທດຊາດ ຊຶ່ງຈະ​ຢູ່​ໃນ​ຄວາມຊົງຈຳ​ຂອງ ພວກ​ເຮົາ​ຕະຫຼອດໄປ.

*ຄັດຈາກ: ໜັງສືພິມປະຊາຊົນ, ສະບັບວັນທີ: 23-6-14 (ຂ່າວ:ສ.ສິມ​ມາລາ​ວົງ), ເວັບໄຊທ໌

 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ