Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ແຮງງານເຂດເສດຖະກິດພິເສດ 55 ພັນກວ່າຄົນ ໃນທົ່ວປະເທດຈະໄດ້ຮັບການກວດສຸຂະພາບ

ນັບແຕ່ປີ 2020 ເປັນຕົ້ນໄປ, ແຮງງານເຂດເສດຖະກິດພິເສດ (ຂສພ) ຈໍານວນ 55 ພັນກວ່າຄົນ ໃນ ຂອບເຂດທົ່ວປະເທດ ຈະໄດ້ຮັບການກວດສຸຂະພາບໃນແຕ່ລະປີ  ເພື່ອຮັບປະກັນຄວາມປອດໄພ ແລະ ການມີສຸຂະ ພາບທີ່ດີຂອງຜູ້ອອກແຮງງານ ໂດຍສະເພາະແມ່ນບັນດາແຮງງານໃນເຂດເສດຖະກິດພິເສດ.

ພິທີເຊັນບົດບັນທຶກຮ່ວມມືກ່ຽວກັບການຈັດຕັ້ງປະຕິບັດວຽກງານການກວດສຸຂະພາບປະຈໍາປີ ໃຫ້ແຮງງານ ຢູ່ ຂສພ ໃນຂອບເຂດທົ່ວປະເທດ ລະຫວ່າງ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ກະຊວງແຜນ ການ ແລະ ການລົງທຶນ ກັບສູນກວດສຸຂະພາບແຮງງານພາຍໃນ ແລະ ຕ່າງປະເທດ ໂຮງໝໍມິດຕະພາບ ກະຊວງສາ ທາລະນະສຸກ ມີຂຶ້ນໃນວັນທີ 12 ມິຖຸນາ 2020, ເຂົ້າຮ່ວມໂດຍ ທ່ານ ຄຳຈັນ ວົງແສນບູນ ຮອງລັດຖະມົນຕີ ກະ ຊວງແຜນການ ແລະ ການລົງທຶນ, ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງແຮງງານ ແລະ ສະຫວັດດີ ການສັງຄົມ, ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຈໍາປາ ຄໍາສຸກໃສ ຫົວໜ້າ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ກ່າວວ່າ: ປະຈຸບັນ ສປປ ລາວ ປະກອບມີເຂດເສດຖະກິດພິເສດທັງໝົດ 12 ເຂດ ແຈກຢາຍຢູ່ 6 ແຂວງ ແລະ 1 ນະຄອນຫຼວງ; ໃນນີ້, ມີຈໍານວນຜູ້ລົງທຶນ ແລະ ຈົດທະບຽນແລ້ວ ຈໍານວນ 845 ບໍລິສັດ ເປັນການລົງທຶນຂອງຕ່າງປະເທດ 712 ບໍລິສັດ, ພາຍໃນ 92 ບໍລິສັດ, ພາຍໃນຮ່ວມກັບຕ່າງປະເທດ 41 ບໍລິສັດ, ມີແຮງງານທັງໝົດ 55.771 ຄົນ; ໃນ ນີ້, ເປັນແຮງງານຕ່າງປະເທດ 43.175 ຄົນ ແລະ ແຮງງານລາວ 12.596 ຄົນ.

ທ່ານ ນາງ ມະນີລັກ ຈັນທະບູລີ ປະທານສູນກວດສຸຂະພາບແຮງງານພາຍໃນ ແລະ ຕ່າງປະເທດ ໂຮງໝໍມິດ ຕະພາບ ໃຫ້ຮູ້ວ່າ: ສູນກວດສຸຂະພາບແຮງງານພາຍໃນ ແລະ ຕ່າງປະເທດ ເປັນໃຈກາງຮັບຜິດຊອບໃນການບໍລິການ ກວດສຸຂະພາບແຮງງານລາວທັງພາຍໃນ ແລະ ຕ່າງປະເທດ ພ້ອມນີ້ຍັງສ້າງຖານຂໍ້ມູນເພື່ອຕິດຕາມແຮງງານ ແລະ ອາການຂອງພະຍາດຕ່າງໆ ອາດຈະແຜ່ລະບາດ ຫຼື ມີໄພຕໍ່ແຮງງານ ກໍ່ຄືປະຊາຊົນ ແລະ ລູກຫຼານໃນອະນາຄົດ; ເຊິ່ງ ການກວດສຸຂະພາບຂອງຜູ້ອອກແຮງງານ ເປັນການກວດຮ່າງກາຍຕາມຫຼັກການແພດ ເພື່ອໃຫ້ຮັບຮູ້ເຖິງຄວາມສົມ ບູນຂອງຮ່າງກາຍ ແລະ ຜົນກະທົບຕໍ່ສຸຂະພາບຂອງຜູ້ອອກແຮງງານ; ດັ່ງນັ້ນ, ການກວດສຸຂະພາບຂອງເຂົາເຈົ້າເປັນ ການປ້ອງກັນ ແລະ ເຝົ້າລະວັງປັດໄຈຄວາມສ່ຽງ ທີ່ອາດຈະເກີດຂຶ້ນຈາກພະຍາດອາຊີບໃນສະພາບແວດລ້ອມຂອງສະ ຖານທີ່ເຮັດວຽກຕ່າງໆຂອງຜູ້ອອກແຮງງານ; ທັງນີ້, ການກວດສຸຂະພາບແຮງງານ ຕ້ອງອີງໃສ່ປັດໃຈຄວາມສ່ຽງ ທີ່ ອາດຈະເກີດຈາກຜົນກະທົບທີ່ຜູ້ອອກແຮງງານ ໄດ້ສໍາຜັດບໍ່ວ່າຈະເປັນສານເຄມີ, ຝຸ່ນລະອອງ, ສະຖານທີ່ສຽງດັງ ແລະ ອື່ນໆ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ