Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຮອງລັດຖະມົນຕີ ຊີ້ນຳໃຫ້ກຳລັງວິຊາສະເພາະບໍລິການຮັບໃຊ້ສັງຄົມ ປະຕິບັດຕາມແນວທາງນະໂຍບາຍພັກລັດ

ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ໄດ້ໃຫ້ທິດຊີ້ນຳກ່ຽວກັບວຽກງານສັນຕິບານ ໂດຍເນັ້ນ ໃຫ້ຄະນະພັກ - ຄະນະບັນຊາກົມໃຫຍ່ 502, ຫ້ອງ - ກົມອ້ອມຂ້າງກົມໃຫຍ່, ຫ້ອງສັນຕິບານ ປກສ ນວ ແລະ ປກສ ແຂວງທີ່ເຂົ້າຮ່ວມກອງປະຊຸມຈົ່ງເອົາໃຈໃສ່ຊີ້ນຳ - ບັນຊາກົມກອງ ກໍຄືກຳລັງວິຊາສະເພາະທີ່ເຮັດໜ້າທີ່ບໍລິການຮັບໃຊ້ ສັງຄົມ ເປັນຕົ້ນແມ່ນກຳລັງກົມຕຳຫຼວດກວດຄົນເຂົ້າ - ອອກເມືອງ, ຕຳຫຼວດຄຸ້ມຄອງນັກທ່ອງທ່ຽວ, ຕຳຫຼວດຄຸ້ມຄອງ ຄົນຕ່າງປະເທດ ເປັນເຈົ້າການປະຕິບັດຕາມແນວທາງນະໂຍບາຍຂອງພັກ - ລັດ ໃນການດຶງດູດນັກທ່ອງທ່ຽວ ແລະ ນັກ ລົງທຶນຊາວຕ່າງປະເທດໃຫ້ເຂົ້າມາ ສປປ ລາວໃຫ້ຫຼາຍຂຶ້ນ.

ທິດຊີ້ນຳດັ່ງກ່າວມີຂຶ້ນໃນໂອກາດທີ່ທ່ານຮອງລັດຖະມົນຕີກະຊວງ ປກສ ເຂົ້າຮ່ວມໃນກອງປະຊຸມສະຫຼຸບວຽກ ງານສັນຕິບານ ປະຈຳປີ 2018 ແລະ ທິດທາງປີ 2019 ທີ່ຈັດຂຶ້ນວັນທີ 24 ມັງກອນ 2019 ເປັນປະທານໂດຍ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ 502 ກະຊວງ ປກສ; ເຊິ່ງໃນກອງປະຊຸມ ພົຕ ກົງທອງ ພົງວິຈິດ ໄດ້ມີທິດຊີ້ນຳ ໃຫ້ຄະນະພັກ - ຄະນະບັນຊາທີ່ຊີ້ນຳ - ບັນຊາວຽກງານສັນຕິບານ ຈົ່ງສືບຕໍ່ຊີ້ນຳກົມກອງກໍຄືກຳລັງວິຊາສະເພາະທີ່ເຮັດ ໜ້າທີ່ບໍລິການຮັບໃຊ້ສັງຄົມ ຈົ່ງເປັນເຈົ້າການປະຕິບັດຕາມແນວທາງນະໂຍບາຍຂອງພັກ - ລັດ ກໍຄືໃນປີ 2019 ສປປ ລາວ ຈະເປີດປີທ່ອງທ່ຽວລາວ - ຈີນ, ກຳລັງວິຊາສະເພາະຄວນມີການວາງແຜນການດ້ານຕ່າງໆທີ່ຕິດພັນກັບວຽກວິຊາ ສະເພາະໃຫ້ຖືກຕ້ອງສອດຄ່ອງຕາມແນວທາງນະໂຍບາຍພັກ - ລັດ ເພື່ອຮັບປະກັນການປະຕິບັດໜ້າທີ່ຮັກສາຄວາມ ສະຫງົບ, ການອຳນວຍຄວາມສະດວກໃຫ້ຄົນເຂົ້າ-ອອກເມືອງຕາມດ່ານ, ຄຸ້ມຄອງຄົນຕ່າງປະເທດທີ່ມາອາໄສດຳລົງຊີ ວິດຢູ່ ສປປ ລາວໃຫ້ມີຄວາມສະຫງົບປອດໄພ ແນໃສ່ເພື່ອດຶງດູດນັກທ່ອງທ່ຽວ - ນັກລົງທຶນຊາວຕ່າງປະເທດ, ໂດຍສະ ເພາະຊາວຈີນໃຫ້ເຂົ້າມາທ່ອງທ່ຽວ ແລະ ມາລົງທຶນຢູ່ ສປປ ລາວໃຫ້ຫຼາຍຍິ່ງຂຶ້ນ. ພ້ອມດຽວກັນນີ້ກໍໃຫ້ຕິດຕາມບັນດາ ພະນັກງານທີ່ປະຈຳຢູ່ດ່ານ ຖ້າຫາກວ່າຄວາມຮູ້ຄວາມສາມາດຍັງບໍ່ທັນສອດຄ່ອງ ກໍໃຫ້ມີການປັບປຸງຄຸ້ມຄອງໃຫ້ມີ ຄວາມສາມາດ - ມີຄວາມພຽບພ້ອມ ເນື່ອງຈາກວ່າເປັນປະຕູເຂົ້າເປັນພາບ ພົດບົດບາດຂອງກຳລັງປ້ງກັນຄວາມສະ ຫງົບ.

ໃນກອງປະຊຸມ, ພັອ ໄພວັນ ແມນວິໄລ ຫົວໜ້າຫ້ອງການ ກົມໃຫຍ່ 502 ກະຊວງ ປກສ ໄດ້ຂຶ້ນຜ່ານບົດສະ ຫຼຸບວຽກງານສັນຕິບານ ປະຈຳປີ 2018 ອັນພົ້ນເດັ່ນແມ່ນການປະຕິບັດວຽກງານກວດຄົນເຂົ້າ-ອອກເມືອງ ມີຄວາມສະ ດວກວ່ອງໄວ, ຮັບປະກັນຖຶກຕ້ອງຕາມແນວທາງຂອງພັກ ແລະ ຫຼັກການວິຊາສະເພາະ, ສາມາດກວດກາຄົນເຂົ້າເມືອງ ຢູ່ບັນດາດ່ານໃນຂອບເຂດທົ່ວປະເທດໄດ້ທັງໝົດ 6.341.333 ຄົນ ຍິງ 2.446.564 ຄົນ, ຂາອອກ 6.578.290 ຄົນ ຍິງ 2.815.979 ຄົນ, ກວດພົບ ແລະ ປະຕິເສດການຂໍ້ເຂົ້າເມືອງຕໍ່ຜູ້ບໍ່ຄົບເງຶ່ອນໄຂເຂົ້າ ສປປ ລາວ ມີ 29 ຄົນ, 12 ສັນຊາດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ