ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ພະນັກງານ​ບໍານານເສຍ​ອົງຄະ​ທີ່​ທຸກ​ຍາກ​ຂາດ​ບ່ອນ​ຢູ່​ອາ​ໄສຈະ​ໄດ້​ຮັບ​ເຮືອນນໍ້າໃຈ

       ພະແນກແຮງງານ ແລະ ສະຫວັດດີການສັງຄົມໄດ້ຈັດເຜີຍແຜ່ນິຕິກຳປຸກສ້າງເຮືອນ ນໍ້າໃຈໃຫ້ ​ພະນັກງານ​ບໍານານ, ​ເສຍ​ອົງຄະ​ທີ່​ທຸກ​ຍາກ​ຂາດ​ບ່ອນ​ຢູ່​ອາ​ໄສ​ ຈຳນວນ 33 ຄອບ ຄົວ​ໃນ 9 ຕົວ​ເມືອງ ​ອ້ອມ​ຂ້າງນະຄອນຫຼວງວຽງຈັນ ເພື່ອຕອບ​ບຸນ​ແທນ​ຄຸນ, ຄວາມ​ກະຕັນຍູ​ຮູ້​ບຸນຄຸນ​ຂອງ​ພັກ-ລັດ ​ແລະທົ່ວ​ ສັງຄົມ​ຕໍ່ພະນັກງານ​ນັກຮົບ​ເກົ່າຜູ້​ທີ່ ມີ​ຄຸນງາ​ມຄວາມ​ດີ​ໃນ​ພາລະ​ກິດປະຕິວັດຮັບ​ໃຊ້​ຊາດປະຊາທິປະ​ໄຕ​ເຊິ່ງ ຈັດ​ຂຶ້ນ​ໃນ​ວັນ​ທີ 11 ກຸມພາ​ນີ້​ ທີ່ຫ້ອງ​ວ່າການປົກຄອງ​ນະຄອນຫຼວງວຽງຈັນ ​ໂດຍ​ການ​ເຂົ້າ​ຮ່ວມ​ຂອງ ​ທ່ານ ສາຍ​ທອງ ​ແກ້ວ​ດວງ​ດີ ຄະນະ​ປະຈຳ​ພັກ ຮອງ​ເຈົ້າ​ຄອງ​ນະຄອນຫຼວງວຽງຈັນ ຜູ້​ຊີ້ນ​ນຳວຽກງານ​ວັດທະນະ ທຳ-ສັງຄົມ, ມີບັນດາ​ເຈົ້າ​ເມືອງ 9 ຕົວ​ເມືອງ, ຫົວໜ້າພະ​ແນ​ກອ້ອມ​ຂ້າງ​ເຂົ້າ​ຮ່ວມ.

    ທ່ານ ນາງ ດຳ​ດວນ ຈັນທະ​ວົງ ຫົວໜ້າພະ​ແນ​ກ​ແຮງ​ງານ ​ແລະ ສະຫວັດດີການສັງຄົມ​ໄດ້​ຜ່ານຂໍ້ ​ຕົກລົງ ກົດ​ລະບຽບກອງ​ທຶນ ວ່າ​ດ້ວຍ​ການ​ຈັດ​ຕັ້ງ ​ແລະ ​ເຄື່ອນ​ໄຫວ​ຂອງ​ຄະນະ​ກຳມະການ​ລະດົມ​ທຶນແລະ ປຸກ​ສ້າງ​ເຮືອນ​ນ້ຳ​ໃຈ​ໃຫ້​ແກ່​ພະນັກງານ​ບໍານານ​ປະຕິ​ບັດ​ອາວຸ​ໂສ​ທີ່​ມີ​ຄວາມທຸກ​ຍາກແຜນການ​ ສ້າງ​ຕັ້ງກອງ ​ທຶນ ​ແລະ ​ແຈ້ງ​ການ​ເລື່ອງ: ຈັດ​ຕັ້ງ​ເຊື່ອມ​ຊຶມ ບັນດາ​ເອກະສານ ​ແລະ ຈິດ​ໃຈ​ຊີ້ນຳ​ຂອງ​ກອງປະຊຸມ​ຄະນະ ​ປະຈຳ​ພັກ ນະຄອນຫຼວງວຽງຈັນ ຄັ້ງ​ທີ 23-24/ 04 / 2013 ​ກັບ​ການ​ປະກອບສ່ວນ​ທຶນຮອນ​ເຂົ້າ​ໃນ​ກອງ ​ທຶນປຸກ​ສ້າງ​ເຮືອນ​ນ້ຳ​ໃຈ ​ໂດຍ​ແນ່​ໃສ່ປະຕິບັດ​ນະ​ໂຍບາຍ​ແກ່ພະນັກງານ ​ບໍານານ, ​ເສຍ​ອົງຄະ​ທີ່​ທຸກ​ຍາກ ​ຂາດ​ບ່ອນ​ຢູ່​ອາ​ໄສທີ່​ໄດ້​ປະກອບສ່ວນ​ເຂົ້າ ​ໃນ​ວຽກງານ​ການ​ປະຕິວັດ​ຮັບ​ໃຊ້​ຊາດ​ແຕ່​ປີ 1954 ຄືນຫຼັງ,​ຈຳ ນວນ 33 ຄອບຄົວ​ໃນ 9 ຕົວ​ເມືອງ​ອ້ອມ​ຂ້າງ ນະຄອນຫຼວງວຽງຈັນ ຈະ​ໄດ້​ຮັບ​ນະ​ໂຍບາຍ ປຸກ​ເຮືອນ​ ໃຫ້​ກັບຜູ້​ທີ່​ມີ​ທີ່​ດິນ​ເປັນ​ຂອງ​ຕົນ​ເອງ​ໃນ​ມູນ​ຄ່າ​ປະມານ 150.000.000 ກີບ​ຕໍ່ໜຶ່ງຫຼັງ​ເຮືອນ, ຄາດໝາຍປຸກ ​ສ້າງ​ໃຫ້​ສຳ​ເລັດປີ​ລະ 3 ຫຼັງ; ​ເຊິ່ງຜູ້​ທີ່​ໄດ້​ຮັບ​ນະ​ໂຍບາຍ​ ຖ້າຫາກ​ມີ​ຈຸດປະສົງ​ຢາກ​ຍົກຍ້າຍ​ໄປ​ບ່ອນ​ໃໝ່ ກໍ​ຕ້ອງ​ມອບ​ຄືນ​ໃຫ້​ລັດ; ຫາກ​ມີ​ການ​ຈັດ​ສັນ​ດິນ​ລັດ ​ເພື່ອ​ປຸກ​ສ້າງ​ເຮືອນ​ຢູ່​ໃຫ້​ແມ່ນ​ບໍ່ມີ​ສິດ​ມອບ-​ໂອນຫຼືຂາຍ​ ໃຫ້​ຜູ້​ອື່ນ​ຢ່າງ​ເດັດ​ຂາດ, ຖ້າ​ຜູ້​ເຂົ້າ​ນຳ​ໃຊ້​ຫາກ​ເສຍ​ຊີວິດ​ໄປ​ແມ່ນ​ຕ້ອງ​ມອບ​ຄືນ​ໃຫ້​ລັດ ​ເພື່ອ​ໃຫ້​ລັດ​ຄຸ້ມ​ຄອງ ​ແລະ ຈັດ​ສັນ​ໃຫ້​ຜູ້​ທີ່​ເຫັນ​ວ່າ​ມີ​ເງື່ນ​ໄຂ​ຖືກຕ້ອງ.

     ທຶນຮອນ​ໃນ​ການ​ປຸກ​ສ້າງຄັ້ງ​ນີ້​ແມ່ນ ​ມາ​ຈາກ​ການ​ປຸກລະດົມ​ທຶນ 3 ພາກສ່ວນ​ຄື: ​ພະນັກງານ​ປະຈຳ ການ,ມາ​ຈາກ​ຫົວໜ່ວຍທຸລະ​ກິດ​ອ້ອມ​ຂ້າງ,ຈາກ​ອົງການ​ປົກຄອງ​ນະຄອນຫຼວງວຽງຈັນ ເພື່ອປະຕິບັດ​ຕາມ ​ໂຄງການ​ບູລິ​ມະ​ສິດ​ຂອງ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ​ວາງ​ອອກ ​ໂດຍ​ສະ​ເພາະ​ແມ່ນ ​ໂຄງການຕອບ​ບຸນ​ແທນ​ຄຸນ​ແກ່​ພະນັກງານ​ອາວຸ​​ໂສ, ພະນັກງານ​ນັກຮົບ​ເກົ່າທີ່​ເສຍ​ອົງຄະ ​ແລະ ພິການທີ່​ມີ ຄຸນງາ​ມຄວາມ​ດີ​ໃນ​ພາລະ​ກິດປະຕິວັດຮັບ​ໃຊ້​ຊາດປະຊາທິປະ​ໄຕ ​ເຮັດ​ໃຫ້​ບັນ​ປາຍ​ຊີວິດ​ມີ​ຄວາມ​ອົບ​ອຸ່ນສະ  ດວກ​ສະບາຍ​ຂຶ້ນ.

 

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ