ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ຄະດີຢູ່ນະຄອນຫຼວງວຽງຈັນໃນ 6 ເດືອນຕົ້ນປີ ເພີ່ມຂຶ້ນ ລັກຊັບນຳໜ້າ-ຢາເສບຕິດຮອງ

ໄລຍະ 6 ເດືອນຕົ້ນປີ 2014 ຜ່ານມາ, ເຖິງແມ່ນວ່າກຳລັງປ້ອງກັນຄວາມສະຫງົບບັນດາຕົວເມືອງ ໃນທົ່ວນະຄອນຫຼວງວຽງຈັນ ( . ) ໄດ້ມີຄວາມເອົາໃຈໃສ່ໃນການສະກັດກັ້ນ ແລະ ແກ້ໄຂບັນດາລາຍຄະດີທີ່ເກີດຂຶ້ນ ດ້ວຍຄວາມຮັບຜິດຊອບສູງ ແລ້ວກໍຕາມ, ແຕ່ບັນດາລາຍຄະດີກໍຍັງມີຈຳນວນເພີ່ມຂຶ້ນເມື່ອທຽບໃສ່ 6 ເດືອນຕົ້ນປີ 2013.

ໃນກອງປະຊຸມສະຫຼຸບປະເມີນຜົນ ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2014 ຂອງກອງບັນຊາການ ປກສ . ທີ່ຈັດຂຶ້ນໃນວັນທີ 2 ກໍລະກົດນີ້ ໄດ້ຍົກໃຫ້ເຫັນວ່າ: ໄລຍະ ເດືອນ ມັງກອນ ຫາ ມິຖຸນາ 2014, ຄະນະພັກ-ຄະນະບັນຊາກອງ ບັນຊາການໄດ້ ມີຄວາມເອົາໃຈໃສ່ຊີ້ນຳ-ບັນຊາໃຫ້ຄະນະໜ່ວຍງານສະເພາະກິດ ເປັນເຈົ້າການສົ່ງກຳລັງ ວິຊາສະເພາະເຫຼົ່າຮົບຕ່າງໆ ເຄື່ອນໄຫວປະຕິບັດໜ້າທີ່ສະກັດກັ້ນເລີກຮື້ ແລະ ແກ້ໄຂປະກົດການຫຍໍ້ທໍ້ໃນສັງຄົມ, ລົງສູ່ຮາກຖານຊຸກຍູ້ໃຫ້ປະຊາຊົນປະກອບສ່ວນເປັນ ຫູ-ເປັນຕາ ໃຫ້ເຈົ້າໜ້າທີ່ ຢ່າງຕັ້ງໜ້າ; ເຖິງແມ່ນວ່າ ເຈົ້າໜ້າທີ່ ຈະທຸ່ມເທເຫື່ອແຮງ ແລະ ສະຕິປັນຍາໃນການປະຕິບັດໜ້າທີ່ດ້ວຍຄວາມຮັບຜິດຊອບສູງແລ້ວກໍຕາມ, ແຕ່ກໍຍັງມີກຸ່ມຄົນບໍ່ດີຈຳນວນໜຶ່ງ ເຄື່ອນໄຫວກໍ່ຄວາມບໍ່ສະຫງົບອັນເປັນສາເຫດເຮັດໃຫ້ປະກົດການຫຍໍ້ທໍ້ເກີດຂຶ້ນ.

6 ເດືອນຕົ້ນປີທີ່ຜ່ານມາ, ທົ່ວນະຄອນຫຼວງວຽງຈັນມີຄະດີເກີດຂຶ້ນທັງໝົດ 1.260 ເລື່ອງເພີ່ມຂຶ້ນ 410 ເລື່ອງ ( ທຽບໃສ່ 6 ເດືອນ ຕົ້ນປີ 2013 ) ແກ້ໄຂໄດ້ 692 ເລື່ອງ ກັກຕົວດຳເນີນຄະດີ 1.108ຄົນ, ຍິງ 136 ຄົນ; ໃນນີ້, ຄະດີທີ່ ເກີດຂຶ້ນ ຫຼາຍກວ່າ ໝູ່ ແມ່ນ: ລັກຊັບພົນລະເມືອງ 631 ເລື່ອງເທົ່າກັບ 50,07%, ຊື້-ຂາຍ ແລະ ເສບຢາເສບຕິດ 241 ເລື່ອງເທົ່າກັບ19,12%, ຊິງຊັບ 112 ເລື່ອງ.

ໃນນີ້, ເຈົ້າໜ້າທີ່ສາມາດເກັບກູ້ເຄື່ອງຂອງກາງຄືນໄດ້ເປັນເງິນ 1 ຕື້ກວ່າກີບ, ລົດໃຫຍ່ 12 ຄັນ, ລົດຈັກ 107 ຄັນ, ມືຖື 37 ໜ່ວຍ, ປືນ21 ກະບອກພ້ອມລູກກະສຸນ 90 ລູກ, ເຄື່ອງຜະລິດເງິນປອມ 1 ເຄື່ອງ ແລະ ອື່ນໆອີກຈຳນວນໜຶ່ງ.

ທ່ານພົຈວ ກົງທອງ ພົງວິຈິດ ລັດຖະມົນຕີຊ່ວຍວ່າການ ກະຊວງ ປກສ ກ່າວວ່າ: ເພື່ອເປັນການເຮັດໃຫ້ລາຍຄະດີທີ່ເກີດຂຶ້ນ

ທົ່ວນະຄອນຫຼວງວຽງຈັນ ມີຈຳນວນຫຼຸດລົງ, ໃນ 6 ເດືອນທ້າຍປີນີ້, ກຳລັງ ປກສ ທົ່ວນະຄອນຫຼວງວຽງຈັນ ຕ້ອງ ສຸມໃສ່ປະຕິບັດ ແຜນງານແກ້ ໄຂພວກປຸ້ນຈີ້-ຊິງຊັບ, ລັກຊັບ, ຊື້ -ຂາຍແລະມົ້ວສຸມຢາເສບຕິດໄປຄຽງຄູ່ກັບການຫັນລົງກໍ່ສ້າງຮາກຖານການເມືອງ, ປັບປຸງກຳລັງ ປກສ ກຸ່ມບ້ານ, ປກສບ້ານໃຫ້ສາມາດເຄື່ອນໄຫວປະຕິບັດໜ້າທີ່ຂອງຕົນ; ສືບຕໍ່ແຜນງານກວດກາລາດຕະເວນ ຕາມເສັ້ນທາງສ່ຽງ, ພື້ນທີ່ ຫຼ່ໍແຫຼມກຽມພ້ອມຮັບມີຢ່າງຄ່ອງແຄ່ວກັບເຫດການບໍ່ສະຫງົບທີ່ຈະເກີດຂຶ້ນ.

*ຄັດຈາກ: ໜັງສືພີມສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ 07/07/2014

 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ