Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປີ 2018 ແຂວງວຽງຈັນ ມີຄະດີເກີິດຂຶ້ນ 1.172 ເລື່ອງ

ໃນ 1 ປີຜ່ານມາ, ແຂວງວຽງ ຈັນ ມີຄະດີ ທັງໝົດ 1.172 ເລື່ອງ ເກີດຂຶ້ນຫຼາຍກວ່າໝູ່ແມ່ນຄະດີຢາເສບຕິດມີ 500 ເລື່ອງ, ກັກ ຜູ້ຖືກຫາ ໄດ້ 975 ຄົນ ຢຶດຂອງກາງໄດ້ລວມມີຢາບ້າ 123.994 ເມັດ, ຝິ່ນ 900 ກຼາມ ແລະ ເຄື່ອງ ອື່ນໆອີກຈຳນວນໜຶ່ງ.

ພັອ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກ ແຂວງວຽງຈັນ ໄດ້ລາຍງານຕໍ່ກອງ ປະຊຸມສະຫຼຸບ ວຽກງານປ້ອງກັນ ຄວາມສະຫງົບ ປະຈຳປີ 2018 ແລະ ວາງທິດທາງແຜນການປີ 2019  ທີ່ຈັດຂຶ້ນໃນລະຫວ່າງ ວັນທີ 14-15 ກຸມພາ 2019 ຜ່ານມາໂດຍການເຂົ້າຮ່ວມຂອງ ພົທ ວິໄລ ຫຼ້າຄໍາຟອງ ລັດຖະມົນຕີກະຊວ ປ້ອງກັນ ຄວາມສະຫງົບ ວ່າ: ໃນ 1 ປີ ຜ່ານມາ, ແຂວງວຽງຈັນ ມີ ຄະດີເກີດຂຶ້ນທັງໝົດ 1.172 ເລື່ອງ; ໃນນີ້, ມີຄະດີຢາ ເສບຕິດ ມີ 546 ເລື່ອງ, ກັກຜູ້ຖືກຫາໄດ້ 975 ຄົນ ຍິງ 132 ຄົນ, ມີຂອງກາງ ຢາບ້າ ຈຳນວນ 123.994 ເມັດ, ຢາຝິ່ນ 900 ກຼາມ, ຢາໄອສ໌ 141 ກິໂລກຼາມ, ລົດໃຫຍ່ 3 ຄັນ, ລົດຈັກ 51 ຄັນ, ເງິນກີບ  30.811. 500 ກີບ, ເງິນບາດ 48.640 ບາດ. ໃນຈໍານວນຄະດີທີ່ເກີດຂຶ້ນ ສາມາດມ້າງໄດ້ ຈໍານວນ 626 ເລື່ອງ, ກັກຜູ້ຖືກຫາ 838 ຄົນ ຍິງ 43 ຄົນ. ໃນນັ້ນ, ແກ້ໄຂຂັ້ນເຈົ້າ ໜ້າທີ່ 270 ເລື່ອງ, ແກ້ໄຂຂັ້ນພື້ນ ຖານ 73 ເລື່ອງ, ສົ່ງໄອຍະການ 81 ເລື່ອງ, ຊັດມ້ຽນ 16 ເລື່ອງ, ໂຈະການດໍາເນີນ 13 ເລື່ອງ, ພວມ ດໍາເນີນ 171 ເລື່ອງ; ທຽບໃສ່ປີ ຜ່ານມາ ເພີ່ມຂຶ້ນ 318 ເລື່ອງ.

ໃນປີ 2018, ແຂວງວຽງຈັນ ຍັງມີອຸບັດຕິເຫດເກີດຂຶ້ນ 39 ຄັ້ງ, ມີພາຫະນະເປ່ເພ 698 ຄັນ ໄດ້ຮັບບາດເຈັບ 266 ຄົນ  ແລະ ເສຍຊີວິດ 48 ຄົນ ທຽບໃສ່ປີຜ່ານມາຫຼຸດລົງ 114 ຄັ້ງ ມີອັກຄີໄພເກີດຂຶ້ນ 15 ຄັ້ງ ປະເມີນມູນ ຄ່າຜົນເສຍຫາຍ 6 ຕື້ກວ່າກີບ ທຽບໃສ່ປີຜ່ານມາເຫັນວ່າເພີ່ມ ຂຶ້ນ 3 ຄັ້ງ; ນອກຈາກນີ້, ວຽກງານ ກວດກາການເຂົ້າ-ອອກດ່ານຊາຍ ແດນ ໃນ 1 ປີຜ່ານມາ, ມີຄົນລາວ ແຈ້ງເຂົ້າ-ອອກທັງໝົດ 42.249 ຄົນ ຍິງ 26.762 ຄົນ, ຄົນໄທ 75.219 ຄົນ ຍິງ 29.279 ຄົນ; ມີລົດລາວ, ລົດໄທຂົນສິນຄ້າເຂົ້າ-ອອກ ຜ່ານແດນ 758 ຄັນ; ເຮືອ ລາວ, ເຮືອໄທຜ່ານແດນທັງໝົດ 4.024 ຖ້ຽວ.

ໃນຕອນທ້າຍກອງປະຊຸມ, ພົທ ວິໄລ ຫ້ຼາຄໍາຟອງ ລັດຖະມົນ ຕີກະຊວງ ປກສ ໄດ້ຮຽກຮ້ອງ ໃຫ້ຄະນະພັກ-ຄະນະບັນຊາແຕ່ ລະຂັ້ນ ໃນກຳລັງປ້ອງກັນຄວາມສະຫງົບ ແຂວງວຽງຈັນ ຈົ່ງເອົາໃຈ ໃສ່ຕໍ່ວຽກງານສຶກສາອົບຮົມການ ເມືອງນໍາພາແນວຄິດໃຫ້ແກ່ພະ ນັກງານ-ນັກຮົບ ເປັນບັນຫາສໍາຄັນ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານ, ໃນການຈັດຕັ້ງປະ ຕິບັດ 4 ຄາດໝາຍ 4 ແຜນງານ ໃຫຍ່ 41ໂຄງການ ທີ່ກະຊວງກະ ຊວງປ້ອງກັນຄວາມສະຫງົບວາງ ອອກ ແນໃສ່ເຮັດໃຫ້ແຂວງວຽງຈັນ ມີສະຖຽນລະພາບທາງດ້ານການເມືອງ, ມີຄວາມສະຫງົບ-ປອດໄພໂດຍພື້ນຖານພ້ອມນັ້ນ, ຄະນະພັກ-ຄະນະບັນຊາແຕ່ລະ ຂັ້ນ ຕ້ອງສ້າງແບບແຜນວິທີເຮັດ ວຽກ, ແບບແຜນວິທີນໍາພາໃຫ້ທັນ ສະໄໝ, ມີຄວາມສາມັກຄີພາຍໃນ ຢ່າງໜັກແໜ້ນ, ສືບຕໍ່ຊີ້ນຳ-ນໍາພາພະນັກງານ-ນັກຮົບຕັ້ງໜ້າເຮັດວຽກງານວິຊາສະເພາະຂອງຕົນ ໃຫ້ມີຄຸນນະພາບສູງ ແລະ ຍາດ ໄດ້ຜົນງານຍິ່ງໃຫຍ່ຂຶ້ນກວ່າເກົ່າ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ