Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

     

ຄະນະນັກສຶກສາ ສປປ ລາວ ວິທະຍາຄານສັນຕິບານປະຊາຊົນ ກະຊວງ ຕຳຫຼວດ ສສ ຫວຽດນາມ ໄດ້ຈັດກອງ ປະຊຸມສະຫຼຸບການເຄື່ອນໄຫວວຽກງານ 6 ເດືອນຕົ້ນປີ ແລະ ວາງແຜນການ 6 ເດືອນທ້າຍປີ 2020, ໃນວັນທີ  31 ຕຸລາ 2020 ເປັນປະທານໂດຍ ພັອ ໄພວັນ ສິດທິຈັນ ຫົວໜ້າອົງ ການຜູ້ຕາງໜ້າກະຊວງປ້ອງກັນຄວາມສະຫງົບ ສປປ ລາວ ປະຈຳ ສສ ຫວຽດນາມ, ມີ ພັທ ຫວຽນ ຫີວ ແອງ ຫົວໜ້າພະແນກຄຸ້ມຄອງນັກສຶກສາລາວປະຈຳວິທະ ຍາຄານສັນຕິບານ ກະຊວງຕຳຫຼວດຫວຽດນາມ, ບັນດາຄະນະພັກອົງການຜູ້ຕາງໜ້າ, ຄະນະພັກ-ຄະນະນັກສຶກສາ, ຄະນະຊາວໜຸ່ມ-ແມ່ຍິງ ແລະ ບັນດາຫົວໜ້າຂະແໜງການວິຊາສະເພາະຕະຫຼອດຮອດນັກສຶກສາເຂົ້າຮ່ວມ.

ວທ ສຸວັນທອນ ຈັນທະລາສອນ ຮອງຫົວໜ້ານັກສຶກສາ ກ່າວວ່າ: ນັກສຶກສາກຳລັງປ້ອງກັນຄວາມມະຫງົບ ສປປ ລາວ ຢູ່ວິທະຍາຄານສັນຕິບານປະຊາຊົນ ກະຊວງ ຕຳຫຼວດ ສສ ຫວຽດນາມ ໄລຍະຜ່ານມາເຫັນວ່ານັກສຶກສາ ສ່ວນຫຼາຍແມ່ນຖືເອົາວຽກງານການຄົ້ນຄວ້າສຶກສາຮໍ່າຮຽນເປັນວຽກງານໃຈກາງອັນດັບໜຶ່ງ ແລະ ໜ້າທີ່ຕົ້ນຕໍຂອງ ຕົນ ເຊິ່ງມັນສະແດງໃຫ້ເຫັນແຕ່ລະສະຫາຍ ນອກຈາກໄດ້ສຶກສາຮໍ່າຮຽນຕາມຫຼັກສູດແລ້ວຍັງໄດ້ຊອກຮູ້ຮໍ່າຮຽນນຳ ໝູ່ເພື່ອນ, ນັກສຶກສາດ້ວຍກັນ, ຮຽນນໍາອິນເຕີເນັດ-ເວັບໄຊຕ່າງໆ ແລະ ຮຽນນໍາອ້າຍນ້ອງນັກສຶກສາຫວຽດນາມ ຕື່ມອີກ ເພື່ອເປັນການຍົກລະດັບຄວາມຮູ້-ຄວາມສາມາດ ໃຫ້ບັນດານັກສຶກສາລາວມີຄວາມເຂົ້າໃຈເລິກເຊິ່ງກ່ຽວ ກັບການໃຊ້ ພາສາຫວຽດໃຫ້ຖືກຕ້ອງ ແລະ ສອດຄ່ອງກັບສະພາບວຽກງານຕົວຈິງໃນອະນາຄົດ. ສະແດງອອກ ໃນສົກຮຽນປີ 2019-2020 ຜ່ານ ມານັກສຶກສາລາວສາມາດຍາດໄດ້ ຄະແນນຮຽນດີ, ຮຽນເກັ່ງ ແລະ ປະຕິບັດ ລະບຽບໄດ້ດີມີຄວາມ ຫ້າວຫັນໃນການຄົ້ນຄວ້າສຶກສາຮໍ່າຮຽນ, ຝຶກຝົນຫຼ່ໍຫຼອມຕົນເອງ ເປັນຕົ້ນແມ່ນ ນັກສຶກສາ ໄດ້ຄະແນນ 8 ຈຸດ ທັງໝົດ 10 ສະຫາຍ (ເທົ່າກັບ 6,49%), 7 ຈຸດ ທັງໝົດ 134 ສະຫາຍ (ເທົ່າກັບ 87,1%), 6 ຈຸດ ມີທັງໝົດ 8 ສະຫາຍ (ເທົ່າກັບ 5,19). ປັດຈຸບັນຄະນະນັກສຶກສາກໍາລັງສະເໜີໃບຍ້ອງຍໍຈາກສະຖານທູດ ປະເພດຮຽນດີ-ຮຽນເກັ່ງ, ປະເພດເຄື່ອນໄຫວວຽກງານນອກຫຼັກສູດດີເດັ່ນ ແລະ ກໍາລັງສະເໜີໃບຍ້ອງຍໍຈາກອໍາ ນວຍການວິທະຍາຄານ ສັນຕິບານ ປະຊາຊົນຮ່າໂນ້ຍ.

ໃນພິທີ, ພັທ ສັກດາ ໄຊຍະສົງຄາມ ຮອງຫົວໜ້າອົງການ ຜູ້ຕາງໜ້າກະຊວງປ້ອງກັນຄວາມສະຫງົບ ສປປ ລາວ ປະຈຳ ສສ ຫວຽດນາມ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງ ປກສ ສະບັບເລກທີ 1442/ກມປສ, ລົງວັນທີ 21 ເມສາ 2020 ວ່າດ້ວຍການແຕ່ງຕັ້ງຄະນະຮັບຜິດຊອບນັກສຶກສາຊຸດໃໝ່ ໃນນີ້ ໄດ້ແຕ່ງ ຕັ້ງ ພັທ ຄຳສີ ໄຊຍະໂຊກ ເປັນຫົວໜ້າ ແລະ ພັຕ ສອນໃຈ ໂສພາລັກ ເປັນຮອງພ້ອມຄະນະອີກຈຳນວນໜຶ່ງ.

ຕອນທ້າຍກອງປະຊຸມ, ພັອ ໄພວັນ ສິດທິຈັນ  ໄດ້ເນັ້ນໃຫ້ຜູ້ທີ່ໄດ້ຮັບການແຕ່ງຕັ້ງເປັນຄະນະຮັບຜິດຊອບນັກ ສຶກສາຊຸດໃໝ່ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ, ເປັນຫຼັກແຫຼ່ງໃນການ ເຕົ້າໂຮມຄວາມສາມັກຄີຢ່າງໜັກແໜ້ນ, ປັບປຸງແບບແຜນວິທີເຮັດວຽກໃຫ້ມີວິທະຍາສາດບົນພື້ນ ຖານຫຼັກການ ລວມສູນປະຊາທິປະໄຕ, ເຮັດວຽກເປັນໝູ່ຄະນະແບ່ງງານໃຫ້ບຸກຄົນຮັບຜິດຊອບ, ເອົາໃຈໃສ່ສຶກສາອົບຮົມການເມືອງ ນຳພາແນວຄິດໃຫ້ນັກສຶກສາໃຫ້ມີຄຸນທາດການເມືອງ, ໜັກແໜ້ນ, ມີຄຸນສົມບັດສິນທໍາປະຕິວັດ, ເອົາໃຈໃສ່ ແລະ ຍົກສູງຄຸນນະພາບໃນການຄຸ້ມຄອງ, ຕິດຕາມ, ກວດກາ, ຊີ້ນຳ-ນຳພານັກສຶກສາ ທຸກຮຸ່ນ ໃຫ້ມີຄວາມບຸກບືນ ຫ້າວຫັນຕັ້ງໜ້າຄົ້ນຄວ້າຮໍ່າຮຽນ ແລະ ຝຶກຝົນຫຼ່ໍຫຼອມຕົນເອງ, ເອົາໃຈໃສ່ປະຕິບັດຂໍ້ກຳນົດກົດລະບຽບຂອງ ໂຮງຮຽນ ກໍຄືກົດລະບຽບ ຂອງກຳລັງປ້ອງກັນຄວາມສະຫງົບ ໂດຍສະເພາະແມ່ນປະຕິບັດບັນດາຂໍ້ຫ້າມຕໍ່ນາຍ ແລະ ພົນຕຳຫຼວດຂອງກະຊວງປ້ອງກັນຄວາມສະຫງົບວາງອອກຢ່າງເຂັ້ມງວດ.

 

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ