ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຕ້ອນຮັບຄະນະຜູ້ແທນຂັ້ນສູງກະຊວງຕຳຫຼວດ ສສ ຫວຽດນາມ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ

ຄະນະຜູ້ແທນຂັ້ນສູງກະຊວງຕຳຫຼວດ ສສ ຫວຽດນາມ ນຳໂດຍທ່ານ ພົອ ສຈ. ດຣ. ເຈິນ ດາຍ ກວາງ ກຳມະການກົມການເມືອງສູນກາງພັກຄອມມູນິດຫວຽດນາມ ລັດຖະມົນຕີວ່າການກະຊວງຕຳຫຼວດ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງມາເຖິງນະຄອນຫຼວງວຽງຈັນ ໃນວັນທີ 14 ມັງກອນ 2015 ເພື່ອຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ ໃນວັນທີ 13-16 ມັງກອນ 2015. ໃຫ້ກຽດຕ້ອນຮັບໂດຍທ່ານ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງປ້ອງກັນ ຄວາມສະຫງົບ ສປປ ລາວ, ມີຮັກສາການເອກະອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ພ້ອມດ້ວຍຄະນະ ເຂົ້າຮ່ວມ.

ທ່ານ ພົຈວ ສິນທະວົງ ໄຊຍະກອນ ໄດ້ກ່າວສະແດງຄວາມຍິນດີຕ້ອນຮັບຄະນະຜູ້ແທນຂັ້ນສູງ ກະຊວງ ຕຳຫຼວດ ສສ ຫວຽດນາມ ທີ່ເດີນທາງມາຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ ໃນຄັ້ງນີ້. ພ້ອມນັ້ນ, ທ່ານກໍຫວັງຢ່າງຍິ່ງວ່າການເດີນທາງຢ້ຽມຢາມຂອງຄະນະຜູ້ແທນໃນຄັ້ງນີ້ ຈະເຮັດໃຫ້ການພົວພັນ ຮ່ວມມືຮອບດ້ານ ແລະ ສາຍພົວພັນມິດຕະພາບລະຫວ່າງສອງຊາດ ກໍຄືສອງກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງຕຳຫຼວດ ສສ ຫວຽດນາມ ໄດ້ຮັບການເສີມຂະຫຍາຍຢ່າງຕັ້ງໜ້າ ແລະ ແໜ້ນແຟ້ນ ຂຶ້ນກວ່າເກົ່າ.

ໂອກາດນີ້, ທ່ານ ພົທ ດຣ ເຈິນ ດາຍ ກວາງ ກໍໄດ້ກ່າວສະແດງຄວາມຂອບໃຈຕໍ່ ການຕ້ອນຮັບ ອັນອົບອຸ່ນເຕັມໄປດ້ວຍຄວາມສາມັກຄີ ຮັກແພງຂອງຄະນະຜູ້ແທນຝ່າຍລາວ ແລະ ຫວັງຢ່າງຍິ່ງວ່າການ ເດີນທາງມາຢ້ຽມຢາມສັນຖະວະໄມຕີ ສປປ ລາວ ໃນຄັ້ງນີ້ ຈະເຮັດໃຫ້ສາຍພົວພັນຮ່ວມມືແບບພິເສດ ແລະ ຄວາມສາມັກຄີມິດຕະພາບລະຫວ່າງສອງຊາດ ກໍຄືສອງກະຊວງຕຳຫຼວດ ສສ ຫວຽດນາມ ແລະ ກະຊວງ ປ້ອງກັນຄວາມສະຫງົບ ສປປ ລາວ ຈະໄດ້ຮັບການເພີ່ມພູນຄູນສ້າງ ແລະ ນັບມື້ນັບແໜ້ນແຟ້ນຂຶ້ນໄປ ເລື້ອຍໆ.

ໃນວັນດຽວກັນນີ້, ຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ ໄດ້ເດີນທາງໄປຢ້ຽມຢາມຫ້ອງການ ອົງການຜູ້ຕາງໜ້າກະຊວຕຳຫຼວດຫວຽດນາມ ປະຈຳລາວ ແລະ ສະຖານເອກອັກຄະລັດຖະທູດຫວຽດນາມ ປະຈຳລາວ ຕື່ມອີກ.
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ