Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຄະນະໜ່ວຍພັກຮາກຖານ ຫ້ອງພະລາທິການ ວິທະຍາຄານ ສັນຕິບານ ປະຊາຊົນ ( ວສປ ) ກະຊວງ ປກສ ຈະສືບຕໍ່ຊີ້ນໍາ-ນຳ ພາສະມາຊິກພັກ, ພະນັກງານ-ນັກຮົບປະຕິບັດໜ້າທີ່ໃນຂົງເຂດວິຊາສະເພາະພະລາທິການໃນການ ບໍລິຫານ ແລະ ບໍລິການຮັບໃຊ້  ໃຫ້ມີຄວາມເຂັ້ມແຂງ, ມີປະສິດທິຜົນ, ຖືກຕ້ອງຕາມລະບຽບການ.

ພັທ ເຫວີຍສຸກ ພົມມະຈັນ ເລຂາໜ່ວຍພັກຮາກຖານ ຫົວໜ້າຫ້ອງພະລາທິການ ໃຫ້ຮູ້ວ່າ: ໃນ 5 ປີຕໍ່ໜ້າ, ຄະນະໜ່ວຍພັກຮາກຖານຫ້ອງພະລາທິການ ຈະສືບຕໍ່ຊີ້ນໍາ-ນຳພາວຽກງານວິຊາສະເພາະຂະແໜງການໃນ 8 ພະແນກ ທີ່ຂຶ້ນກັບຫ້ອງພະລາທິການ ກໍຄືໜ່ວຍພັກຮາກຖານຊີ້ນຳໃຫ້ເຄື່ອນ ໄຫວຕາມພາລະບົດບາດ, ໜ້າທີ່-ສິດໃນການ ບໍລິຫານ ແລະ ບໍລິການຮັບໃຊ້ຢ່າງມີຄວາມຮັບຜິດ ຊອບສູງ ເປັນຕົ້ນຮັບປະກັນສ້າງ ແຜນງົບປະມານເງິນເດືອນ, ເງິນອຸດ ໜູນ ແລະ ເງິນບໍລິຫານໃຫ້ພະນັກງານຄູ-ອາຈານ, ນັກສຶກສາ ແລະ ປະຕິບັດແຜນລາຍຮັບ-ລາຍຈ່າຍງົບປະມານ ຖືກຕ້ອງຕາມລະບຽບ, ກົດໝາຍການເງິນ ພ້ອມ ກັນນັ້ນ ກໍເປັນເຈົ້າການຂຸດຄົ້ນ ແຫຼ່ງລາຍຮັບບົ່ມຊ້ອນຢູ່ພາຍໃນ ວິທະຍາຄານ ເພື່ອສ້າງລາຍຮັບວິຊາການໃຫ້ກົມກອງເພີ່ມຂຶ້ນໃນ ແຕ່ລະປີ, ນໍາພາພະແນກອຸປະໂພກ-ບໍລິໂພກປະສານ ສົມທົບ ກັບກົມວິຊາສະເພາະຕາມສາຍຕັ້ງ ສ້າງແຜນຮັບ-ຈ່າຍເຄື່ອງນຸ່ງຫົ່ມ ປະຈໍາປີ, ເຄື່ອງຍາວນານໃຫ້ຄົບ ຖ້ວນ ແລະ ທັນເວລາໃຫ້ແກ່ພະ ນັກງານຄູ-ອາຈານ  ແລະ  ນັກສຶກສາ, ສ້າງແຜນງົບປະມານອຸປະກອນຮັບ ໃຊ້ການຮຽນ-ການສອນ, ເຄື່ອງຫ້ອງການ, ແບບພິມບໍລິຫານໃຫ້ຄົບຖ້ວນ ແລະ ທັນເວລາ, ຮັບ ປະກັນດ້ານເຂົ້າກິນໃຫ້ແກ່ພະນັກງານ, ຄູ-ອາຈານ ແລະ ນັກສຶກສາບັນກັບສົກງົບປະມານ ແລະ ຮັບປະກັນດ້ານຄຸນນະພາບ.

ໃນໄລຍະຜ່ານມາ, ໜ່ວຍພັກ ໄດ້ເອົາໃຈໃສ່ນໍາພາຂົງເຂດວິຊາສະເພາະພະລາທິການ ເຊິ່ງເປັນວຽກງານທີ່ມີ ບົດບາດສໍາຄັນໃນການນໍາພາ, ບັນຊາ, ຄຸ້ມຄອງ, ລ້ຽງ ດູກໍາລັງ, ປັບປຸງບູລະນະທີ່ຢູ່ອາໄສ, ສະໜອງເງິນເດືອນ, ເງິນບໍລິຫານ, ເຄື່ອງອຸປະໂພກ-ບໍລິໂພກ, ວັດຖຸ ເຕັກນິກ, ພາຫະນະ, ນ້ໍາມັນເຊື້ອ ໄຟ, ອາວຸດຍຸດໂທປະກອນ, ຢາປົວ ພະຍາດ ແລະ ປັດໄຈສໍາຄັນຕ່າງ  ເຊິ່ງມີລັກສະນະຕັດສິນດ້ານບວກ, ທາງກົງ ແລະ ທາງອ້ອມ ຕໍ່ການ ປະຕິບັດໜ້າທີ່ຂອງພະນັກງານຄູ-ອາຈານ ແລະ ນັກສຶກສາຢູ່ວິທະ ຍາຄານສັນຕິບານປະຊາຊົນ ສະແດງອອກສາມາດ ປະຕິບັດລາຍ ຮັບ-ຈ່າຍ ( ປີ 2016 ຫາເດືອນ ພຶດສະພາ ປີ 2019), ນໍາພາການ ປະຕິບັດແຜນລາຍຮັບ-ລາຍຈ່າຍ ແຕ່ລະຮ່ວງທັງໝົດລາຍຮັບ 144. 264.042.153 ກີບ, ພ້ອມນີ້    ກໍມີຄວາມຮັບຜິດຊອບສູງໃນການຄຸ້ມຄອງ, ປົກປັກຮັກສາຄັງ, ຮັບ ປະກັນຄວາມປອດໄພ ບໍ່ໃຫ້ຕົກ ເຮ່ຍເສຍຫາຍ, ປະຕິບັດລະບຽບ, ຫຼັກການ-ເບີກຈ່າຍຢ່າງ ເຄັ່ງຄັດ, ຮັດກຸມ, ຖືກຕ້ອງ ແລະ ຊັດເຈນ, ມີການກວດກາຄັງເງິນສົດ ແລະ ສະຫຼຸບລາຍງານໃຫ້ຂັ້ນເທິງໃນແຕ່ລະ ເດືອນຢ່າງປົກກະຕິ.

ກອງປະຊຸມໃຫຍ່ ຄັ້ງທີ III ຂອງໜ່ວຍພັກຮາກຖານຫ້ອງພະລາທິການ ໄດ້ຈັດຂຶ້ນໃນວັນທີ   13 ສິງຫາ 2019, ເປັນປະທານ ໂດຍ ພົຈວ ປອ ວັນເຮືອງ ນັນ ທະຈັກ ຜູ້ອຳນວຍການວິທະຍາ ຄານ ວສປ ມີບັນດາຄະນະພັກ-ຄະນະບັນຊາ, ສະມາຊິກພັກ ແລະ ສຳຮອງເຂົ້າຮ່ວມ, ເຊິ່ງໃນກອງປະຊຸມໄດ້ປ່ອນບັດຄັດເລືອກເອົາໜ່ວຍ ພັກຮາກຖານ ຫ້ອງພະລາທິການ ຊຸດໃໝ່, ໃນນີ້ ເລືອກໄດ້ ພັທ ເຫວີຍສຸກ ພົມມະຈັນ ເລຂາໜ່ວຍ ພັກຮາກຖານ, ພັທ ນາງ ວັນນະ ຈິດ ຈັນເພັງ ເປັນຮອງ, ພັຕ ສອນ ທອງ ດາລາແສນ ປະທານກວດ ກາ ແລະ 2 ທ່ານ ເປັນຄະນະ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ