ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຈະລາຈອນວາງແຜນປ້ອງກັນ ການສະເຫຼີມສະຫຼອງວັນປີໃໝ່ສາກົນ

ເພື່ອສຸມໃສ່ຈັດສັນຄວາມເປັນລະບຽບຮຽບຮ້ອຍ ແລະ ອຳນວຍຄວາມສະດວກໃນການສັນຈອນຕາມທ້ອງ ຖະໜົນ ແນໃສ່ຮັບປະກັນຄວາມປອດໄພໃນການໃຊ້ລົດ-ໃຊ້ຖະໜົນ ໃນໄລຍະການສະເຫຼີມສະຫຼອງສົ່ງທ້າຍ ປີເກົ່າຕ້ອນຮັບປີໃໝ່ສາກົນ 2015 ທີ່ຈະມາເຖິງນີ້.

ກົມຕຳຫຼວດຈະລາຈອນ ໄດ້ຮ່ວມກັບພະແນກຕຳຫຼວດຈະລາຈອນ ນະຄອນຫຼວງ ກຽມພ້ອມກຳລັງຕຳຫຼວດ ຈະລາຈອນ ເກືອບ 600 ສະຫາຍ ລົງປະຕິບັດໜ້າທີ່ວິຊາສະເພາະ.

ທ່ານ ພັທ ຢຸດຕະພົງ ສຸວັນນະສິງ ຫົວໜ້າພະແນກຕຳຫຼວດຈະລາຈອນ ນະຄອນຫຼວງ ໄດ້ກ່າວໃນກອງ ປະຊຸມເຜີຍແຜ່ແຜນປ້ອງກັນການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ສາກົນ 2015, ເຊິ່ງໄດ້ຈັດຂຶ້ນ ໃນ ວັນທີ 18 ທັນວາ 2014, ໂດຍການເຂົ້າຮ່ວມທ່ານ ພັທ ຄຳຖະຫວາຍ ເພັດອຸໄທ ຫົວໜ້າກົມຕຳຫຼວດ ຈະລາຈອນ ວ່າ:​ ເພື່ອເຮັດໃຫ້ນະຄອນຫຼວງວຽງຈັນມີຄວາມສະຫງົບ ແລະ ເປັນລະບຽບຮຽບຮ້ອຍຕາມ ທ້ອງຖະໜົນ, ພະແນກຕຳຫຼວດຈະລາຈອນໄດ້ສ້າງແຜນປ້ອງກັນໃນລໄຍະການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ ສາກົນ 2015 ທີ່ຈະມາເຖິງນີ້.

ໂດຍຈະນຳກຳລັງຕຳຫຼວດຈະລາຈອນລົງປ້ອງກັນຕາມເສັ້ນທາງຫຼວງຕ່າງໆ ໃນນະຄອນຫຼວງວຽງຈັນ ທັງໝົດ 597 ສະຫາຍ,​ ຍິງ 25 ສະຫາຍ.

ລວມຈຸດລົງປ້ອງກັນທັງໝົດ ມີ 22 ຈຸດ ຄື: ຈຸດກວດກາຄົງທີ່ມີ 6 ຈຸດ, ຈຸດກວດກາຈັດລະບຽບສາຍທາງ 6 ຈຸດ, ຈຸດກວດກາຄວາມໄວ ແລະ ທາດເຫຼົ້າມີ 3 ຈຸດ, ຈຸດປ້ອງກັນຄອຍເຫດມີ 10 ຈຸດ ແລະ ຈຸດງານ ໂຄສະນາ ມີ 3 ຈຸດ, ໂດຍສຸມໃສ່ເຂົ້າໃນວຽກງານປ້ອງກັນຄວາມສະຫງົບ 6 ວຽກໃຫຍ່ ຄື: 1 ວຽກງານ ໂຄສະນາ ແລະ ສຶກສາອົບຮົບ, 2 ວຽກງານຈັດສັນຄວາມເປັນລະບຽບຮຽບຮ້ອຍ, 3 ວຽກງານຈະລາຈອນ ແລະ ການປະຈຳປ້ອມ, 4 ວຽກງານຄຸ້ມຄອງພາຫະນະ ແລະ ການຂັບຂີ່, 5 ວຽກງານກວດກາທາງຫຼວງ ຄວາມໄວ ແລະ ການດື່ມສິ່ງມຶນເມົາ,​ 6 ວຽກງານແກ້ໄຂຄະດີອຸບັດຕິເຫດຕາມທ້ອງຖະໜົນຫຼວງ ເພື່ອເຮັດ ໃຫ້ຄວາມເປັນລະບຽບຮຽບຮ້ອຍທາງດ້ານສັງຄົມຢູ່ໃນນະຄອນຫຼວງວຽງຈັນ ແນໃສ່ການສະເຫຼີມສະຫຼອງ ງານບຸນປີໃໝ່ສາກົນ ໃຫ້ມີຄວາມເບິກບານມ່ວນຊຶ່ນ ແລະ ມີຄວາມປອດໄພໃນທຸກໆດ້ານ.

ໃນໂອກາດນີ້, ທ່ານ ພັທ ຄຳຖະຫວາຍ ເພັດອຸໄທ ໄດ້ເນັ້ນໜັກໃຫ້ເຈົ້າໜ້າທີ່ຕຳຫຼວດຈະລາຈອນທຸກໆສະຫາຍ ເພີ່ມທະວີໃນການເປັນເຈົ້າການຕໍ່ການປະຕິບັດໜ້າທີ່ວຽກງານວິຊາສະເພາະຢ່າງເຂັ້ມງວດ ເພື່ອເຮັດໃຫ້ການ ສະເຫຼີມສະຫຼອງເທດສະການຄຣິດສະມາດ ແລະ ວັນບຸນປີໃໝ່ສາກົນ 2015 ມີຄວາມສະຫງົບປອດໄພ ຢ່າງຮອບດ້ານ.

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ