ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Lao Public Security
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

   ທ່ານນາຍຍົກລັດຖະມົນຕີ ຕອນຮັບທູດລຸກຊຳບວກເຂົ້າອຳລາ

   ທ່ານ ທອງ​ສິງ ທຳ​ມະ​ວົງ ນາຍົກ​ລັດຖະມົນຕີ ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ອຳ​ລາຂອງ​ທ່ານ ມາກ​ທິວ (Marc Thill) ເອກ​ອັກ​ຄະລາ​ຊາ​ທູດ​ວິສາມັນ​ຜູ້​ມີ​ອຳນາດ​ເຕັມແຫ່ງຣາ​ຊະ​ອານາຈັກ ລຸກ​ຊຳ​ບວກ ປະຈຳ​ລາວ ທີ່​ມີ​ສຳນັກງານ​ການ​ທູດ​ຕັ້ງ​ຢູ່​ບາງກອກປະເທດ​ໄທ ຕອນ​ເຊົ້າ​ ວັນ​ທີ 30 ກໍລະກົດ 2014 ທີ່​ຫ້ອງ​ວ່າການ​ລັດຖະບານ ເນື່ອງ​ໃນ​ໂອກາດ​ທີ່​ທ່ານ​ທູດ​ສຳເລັດ​ໜ້າທີ່ການ​ທູດ​ຢູ່ ​ສປປ ລາວ.

  ໂອກາດ​ນີ້ ທ່ານ​ນາຍົກ​ລັດ​ຖະມົນຕີ ໄດ້​ກ່າວ​ສະແດງ​ຄວາມ​ຂອບໃຈ ແລະ ຍ້ອງຍໍ​ຊົມເຊີຍ​ມາ​ຍັງທ່ານ ​ທູດ ທີ່​ຕະຫຼອດ​ໄລຍະ​ເວລາການ​ປະຕິບັດ​ໜ້າທີ່​ການ​ທູດ​ຢູ່ລາວ ​ໄດ້​ເຮັດ​ສຳເລັດ​ໜ້າທີ່​ອັນ​ມີກຽດຂອງ​ ທ່ານ ໂດຍ​ສະເພາະໄດ້ຊຸກຍູ້​ການ​ຮ່ວມ​ມື​ຊ່ວຍເຫຼືອ​ຫຼາຍດ້ານເປັນຕົ້ນ ວຽກ​ງານ​ຂະແໜງການ​ສຶກ​ສາ, ສາທາລະ ນະ​ສຸກ ແລະ ວຽກ​ງານ​ຂະແໜງການອື່ນໆ ອັນ​ເປັນ​ການ​ປະກອບສ່ວນ ເຮັດ​ໃຫ້ການ​ພັດທະນາເສດຖະ ກິດ - ສັງຄົມຂອງ​ລາວ ​ມີ​ບາດກ້າວ​ຂະຫຍາຍຕົວ ອີກ​ທັງ​ເປັນການ​ປະກອບສ່ວນ ​ເສີມ​ສ້າງ​ສາຍພົວພັນ ​ມິດຕະພາບ ແລະ ການຮ່ວມ​ມື​ທາງ​ດ້ານ​ການ​ທູດ​ຂອງສອງ​ປະເທດ ​ໄດ້​ຮັບ​ການ​ສືບຕໍ່​ໃນທ່ວງ​ທ່າ​ອັນ​ດີ ແລະ ອວຍພອນໃຫ້​ທ່ານ ​ຈົ່ງ​ເດີນທາງ​ກັບ​ປະເທດດ້ວຍ​ສະຫວັດດີ​ພາບ ປະຕິບັດໜ້າທີ່​ອັນ​ໃໝ່​ຢ່າງ​ມີ​ຜົນ ສຳເລັດສືບຕໍ່​ໃຫ້ການ​ຊຸກຍູ້​ສົ່ງເສີມ​ສາຍພົວພັນ​ຮ່ວມ​ມື​ມິດຕະພາບ ​ຂອງສອງ​ປະເທດ​ໃຫ້​ນັບ​ມື້​ເພີ່ມ​ທະວີຂຶ້ນ ​ຢ່າງ​ບໍ່​ຢຸດ​ຢັ້ງ.

  ຕອນ​ທ້າຍ ທ່ານ​ທູດ​ລຸກ​ຊຳ​ບວກ ​ຍັງ​ໄດ້​ສະແດງ​ຄວາມ​ຂອບ​ອົກຂອບໃຈ​ຢ່າງ​ຈິງ​ໃຈ​ມາ​ຍັງ​ລັດ​ຖະບານ    ແລະ ປະຊາຊົນ​ລາວ ທີ່​ໄດ້ອຳນວຍ​ຄວາມ​ສະດວກ​ທຸກ​ຢ່າງ ໃນ​ໄລຍະ​ເວລາ​ທີ່​ມາ​ປະຕິບັດ​ໜ້າທີ່​ການ​ທູດ ​ຢູ່​ລາວ ອັນ​ໄດ້​ເຮັດ​ໃຫ້ມີ​ຜົນສຳເລັດ​ອັນ​ຈົບງາມ ອວຍພອນ​ໃຫ້​ສາຍ​ພົວພັນ​ຮ່ວມ​ມື​ລະຫວ່າງ ລຸກ​ຊຳ​ບວກ ແລະລາວ ຈົ່ງ​ຈະເລີນ​ງອກ​ງາມ​ຍິ່ງ​ຂຶ້ນ.

 

 

 

 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ