Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

 ສະຫຼຸບວຽກງານຕໍາຫຼວດ ປະຈໍາປີ 2018   ແລະ ວາງທິດທາງວຽກງານຈຸດສຸມ               ປີ 2019 ຂອງກົມໃຫຍ່ຕຳຫຼວດ

ພົຕ ປອ ສົມຫວັງ ທໍາມະສິດ ຮອງລັດຖະມົນຕີກະຊວງ ປກສ ໄດ້ໃຫ້ທິດຊີ້ນໍາຄະນະພັກ - ຄະນະບັນຊາ, ພະນັກງານ - ເຫຼົ່າ ຮົບ ວິຊາສະເພາະຕໍາຫຼວດຕ້ອງຕັ້ງໜ້າປັບປຸງ ບໍາລຸງ - ກໍ່ສ້າງ ແລະ ເອົາໃຈໃສ່ສຶກສາອົບຮົມພະນັກງານ - ເຫຼົ່າຮົບ ວິຊາສະເພາະໃນ ວຽກງານຕໍາຫຼວດ ໃຫ້ຮັບປະກັນພຽງພໍທາງດ້ານປະລິມານ ແລະ ຄຸນນະພາບ ສາມາດຮັບຮອງກັບໜ້າທີ່ການເມືອງໃນໄລຍະໃໝ່.

ການໃຫ້ທິດຊີ້ນໍາຄັ້ງນີ້ ມີຂຶ້ນໃນໂອກາດທີ່ທ່ານເຂົ້າຮ່ວມກອງປະຊຸມກອງປະຊຸມສະຫຼຸບວຽກງານຕໍາຫຼວດ ປະຈໍາປີ 2018   ແລະ ວາງທິດທາງວຽກງານຈຸດສຸມ ປີ 2019 ຂອງກົມໃຫຍ່ຕຳຫຼວດ, ໃນວັນທີ 1 ກຸມພາ, ໂດຍການ ເປັນປະທານຂອງ ພົຈວ ປອ ທອງເຫຼັກ ມັງໜໍ່ເມກ ຫົວໜ້າກົມໃຫຍ່ຕໍາຫຼວດ, ມີຄະນະພັກ-ຄະນະບັນຊາ, ກອງບັນຊາການ ປກສ ແຂວງ, ນະຄອນຫຼວງ  ແລະ ແຂກຮັບເຊີນເຂົ້າຮ່ວມ.

ທ່ານຮອງລັດຖະມົນຕີໄດ້ກ່າວວ່າ ຄະນະພັກ - ຄະນະບັນຊາທຸກຂັ້ນ ຕ້ອງເອົາໃຈໃສ່ສຶກສາອົບຮົມການເມືອງ - ແນວຄິດ ໃຫ້ ພະນັກງານ - ນັກຮົບໃນທົ່ວກໍາລັງຕໍາຫຼວດ ແຕ່ສູນກາງລົງຮອດທ້ອງຖິ່ນ ມີສະຕິລະວັງຕົວສູງຕໍ່ກົນອຸບາຍ ຫັນປ່ຽນຂອງກຸ່ມຄົນບໍ່ດີ ທີ່ມີຫຼາຍຮູບຫຼາຍສີ ຕິດພັນກັບການແກ້ໄຂປະກົດການຫຍໍ້ທໍ້ພາຍໃນ ເຮັດໃຫ້ບັນຫາຕ່າງໆ ຢູ່ພາຍໃນກົມກອງ ແລະ ໜ່ວຍພັກກໍ ຄືເຫຼົ່າຮົບວິຊາສະເພາະຕໍາຫຼວດ ມີການປ່ຽນແປງເຂົ້າສູ່ຄຸນນະພາບໃໝ່ຢ່າງແທ້ຈິງ; ຕັ້ງໜ້າປັບປຸງບໍາລຸງ-ກໍ່ສ້າງ ແລະ ເອົາໃຈໃສ່ສຶກ ສາອົບຮົມພະນັກງານ - ເຫຼົ່າຮົບວິຊາສະເພາະໃນວຽກງານຕໍາຫຼວດ ໃຫ້ຮັບປະກັນພຽງພໍທາງດ້ານປະລິມານ ແລະ ຄຸນນະພາບສາ ມາດຮັບຮອງກັບໜ້າທີ່ການເມືອງໃນໄລຍະໃໝ່.

ພ້ອມດຽວກັນນີ້, ກໍຕ້ອງເອົາໃຈໃສ່ຂອດຮັບກໍາລັງໃໝ່, ກໍາລັງທົດແທນໃຫ້ຮັບປະກັນມາດຕະຖານ - ເງື່ອນໄຂ, ໄດ້ຄົນດີ - ຄົນ ເກັ່ງ. ການບັນຈຸຈັດວາງຖັນແຖວພະນັກງານຕ້ອງຖືກຕາມວິຊາສະເພາະທີ່ຮຽນຈົບມາ ໃຫ້ສາມາດຕອບສະໜອງກັບຄວາມຮຽກຮ້ອງ ຕ້ອງການຂອງໜ້າທີ່ການເມືອງ ຂອງແຕ່ລະກົມກອງ - ເຫຼົ່າຮົບວິຊາສະເພາະຮັບປະກັນຄຸນທາດການເມືອງໜັກແໜ້ນ.

ໃນພິທີ ພັອ ທອງສັ້ນ ແກ້ວວິນາສານ ຫົວໜ້າຫ້ອງການເມືອງກົມໃຫຍ່ຕໍາຫຼວດ ໄດ້ຜ່ານລັດຖະດໍາລັດຂອງປະທານປະເທດ ເລກທີ 131/ປປທ, ລົງວັນທີ 14 ມັງກອນ 2019 ວ່າດ້ວຍການປະດັບຫຼຽນໄຊພັດທະນາ ຊັ້ນ III ໃຫ້ ທ່ານ ພອນປະເສີດ ອິນທະ ສອນ ອໍານວຍການ ບໍລິສັດ ສາມເອສ ພັດທະນາຈຳກັດຜູ້ດຽວ ທີ່ມີຜົນງານ, ຄຸນງາມຄວາມດີ ປະກອບສ່ວນອຸປະກອນເຕັກນິກ ກ່ຽວກັບວິຊາສະເພາະໃຫ້ກົມຕໍາຫຼວດຈະລາຈອນ ລວມມູນຄ່າ 534.215.000 ກີບ ເຊິ່ງຜົນງານ ດັ່ງກ່າວ ແມ່ນເປັນສ່ວນປະ ກອບໃນການພັດທະນາປະເທດຊາດ; ໄດ້ຜ່ານດໍາລັດຂອງນາຍົກລັດຖະມົນຕີ ເລກທີ 299/ນຍ ລົງວັນທີ 12 ກັນຍາ 2017 ວ່າ ດ້ວຍການປະດັບຫຼຽນກາແຮງງານໃຫ້ ບໍລິສັດ ເບຍລາວ ຈໍາກັດ ທີ່ມີຜົນງານ, ຄຸນງາມຄວາມດີ ປະກອບສ່ວນອຸປະຖໍາວັດຖຸ ແລະ ເງິນ ໃຫ້ກົມຕໍາຫຼວດຈະລາຈອນ ລວມມູນຄ່າ 260.000.000 ກີບ ຜົນງານດັ່ງກ່າວ ເປັນການປະກອບສ່ວນທີ່ສໍາຄັນ ໃນການພັດ ທະນາປະເທດຊາດເວົ້າລວມ, ເວົ້າສະເພາະແມ່ນກໍາລັງປ້ອງກັນຄວາມສະຫງົບ; ໃຫ້ກຽດປະດັບຫຼຽນໂດຍ ພົຕ ປອ ສົມຫວັງ  ທໍາມະ ສິດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ