ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ກະຊວງ ປກສ ຊີ້​ແຈງ​ບັນຫາ​ການ​ຄຸ​ມ້ຄອງ​
ຄົນ​ຕ່າງ​ດ້າວ ​ແລະ ​ບັນຫາ​ຢາ​ເສບ​ຕິດ

    ທ່ານ ພົຈວ ສົມ​ແກ້ວ ສີ​ລາ​ວົງ ຮັກສາ​ການ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ຄວາມ​ສະຫງົບ​ (ປກສ) ໄດ້​ຕອບ​ຄຳ​ຊັກ​ຖາມ ​ແລະ ຂໍ້​ຂ້ອງ​ໃຈ ຂອງສະມາຊິກ​ສະພາ​ແຫ່ງ​ຊາດ  (ສສຊ)  ກ່ຽວ​ກັບ​ບັນ ຫາ​ການ​ຄຸ້ມ​ຄອງ​ຄົນ​ຕ່າງ​ດ້າວ ​ແລະ ການ​ແກ້​ໄຂ​ບັນຫາ​ຢາ​ເສບ​ຕິດ ຕໍ່ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ 7 ​ສະພາ​ແຫ່ງ​ຊາດ ​ຊຸດ​ທີ VII ​​ເຊິ່ງໄດ້​ດຳເນີນ​ມາ​ເປັນມື້ທີ 10 ​ໃນ​ວັນ​ທີ 18 ​ເດືອນ​ກໍລະກົດ ປີ 2014  ​ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ນາງ ປານີ ຢ່າ​ທໍ່​ຕູ້ ປະທານ​ສະພາ​ແຫ່ງ​ຊາດ, ມີຮອງປະທານ​ສະ ພາ​ແຫ່ງ​ຊາດ ​ແລະ ບັນດາ​ສະມາຊິກ​ສະພາ​ແຫ່ງ​ຊາດ ເຂດເລືອກຕັ້ງຕ່າງໆເຂົ້າ​ຮ່ວມ.

   ທ່ານ ພົຈວ ສົມ​ແກ້ວ ສີ​ລາ​ວົງ​ ໄດ້​ໃຫ້​ຄວາ​ມກະຈ່າງ​ແຈ້ງຕໍ່​ຂໍ້​ຂ້ອງ​ໃຈ​ຂອງ​ ສສຊ ກ່ຽວ​ກັບ​ການ​ ແກ້​ໄຂ​ບັນຫາ​ຄົນ​ຕ່າງ​ດ້າວ ລວມທັງບຸກຄົນ​ເຂົ້າ​ເມືອງ​ແບບ​ຜິດ​ກົດໝາຍ ​ແລະ ມີ​ການ​ເຄື່ອນ​ໄຫວ​ຊະຊາຍ ​ຂອງ​ຄົນ​ຕ່າງປະ​ເທດວ່າ: ກະຊວງປ້ອງ​ກັນ​ຄວາມ​ສະຫງົບ​ ໄດ້​ສະ​ເໜີ​ລັດຖະບານ​ອອກ​ດຳລັດ​ສະບັບ ​ເລກທີ 472/ລບ ວ່າ​ດ້ວຍ​ການ​ດຳລົງ​ຊີວິດ​ຢູ່ ສປປ ລາວ ​ຢ່າງ​ຖາວອນ​ຂອງ​ຄົນ​ຕ່າງປະ​ເທດ​, ຄົນ​ເຊື້ອຊາດ​ລາວ ​ແລະ ຄົນ​ບໍ່​ມີ​ສັນຊາດ ​ເພື່ອ​ຍົກ​ ສູງ​ປະສິດທິ​ຜົນ​ໃນ​ການ​ຄຸ້ມ​ຄອງ​ໃຫ້​ສູງ​ຂຶ້ນ ພ້ອມ​ນີ້ ກໍ​ໄດ້​ສົມທົບ​ກັບ​ພາກ ສ່ວນ​ກ່ຽວຂ້ອງ​ ໃນ​ການ​ແກ້​ໄຂ​ຄົນ​ຕ່າງປະ​ເທດ ​ທີ່​ເຂົ້າ​ມາ​ປະກອບ​ອາຊີບ​ບໍ່​ຖືກ ຕ້ອງ​ຕາມ​ລະບຽບ​ກົດໝາຍ ​ໃນ​ກໍລະນີ​ໃດ​ກໍຕາມ ​ໂດຍ​​ອີງ​ໃສ່​ດຳລັດ 136/ນຍ ວ່າ​ດ້ວຍ​ການ​ຄຸ້ມ​ຄອງ​ຄົນ​ຕ່າງປະ​ເທດ ​ແລະ ຄົນ​ເຂົ້າ​ -ອອກ​ເມືອງ ​ໂດຍ ​ການ​ປະສານ​ກັບ​ບັນດາ​ສະຖານທູດ, ອົງການ​ຈັດຕັ້ງສາກົນ ພ້ອມ​ທັງ​ສຶກສາ​ອົບຮົມ, ປັບ​ໄໝ ​ແລະ ສົ່ງ​ກັບ​ຄືນ​ປະ​ເທດ.​  ​ໃນກໍລະນີ​ທີ່​ເຮັດ​ຜິດ​ຕໍ່​ກົດໝາຍອາຍາຂອງ​ລາວ ກໍ​ໄດ້​ປະຕິບັດ​ຕາມ​ ກົດໝາຍ​ ຂອງ​ ສປປ ລາວ.

   ກ່ຽວ​ກັບ​ການ​ແກ້​ໄຂບັນຫາ​​ຢາ​ເສບ​ຕິດ​ນັ້ນ ທ່ານ ພົຈວ ສົມ​ແກ້ວ ສີ​ລາ​ວົງ ​ໄດ້​ຊີ້​ແຈງ​ວ່າ:  ສະ​ເພາະ 6 ​ເດືອນ​ຕົ້ນ ​ປີ 2014 ສາ​ມາດ​ສະກັດ​ກັ້ນ ​ແລະ ​ແກ້​ໄຂ​ບັນຫາ​ຢາ​ເສບ​ຕິດ ໄດ້​ທັງ​ໝົດ 759 ລາຍ, ກັກ​ຕົວ​ ຜູ້​ຖືກ​ຫາ​ໄດ້ 1.636 ຄົນ, ຍິງ 186 ຄົນ, ສາມາດ​ຢຶດຂອງ​ກາງ​ (ຢາ​ບ້າ) ໄດ້​ 392,62 ກິ​ໂລ, ​ເຮ​ໂລ​ອິນ 511,12 ກິ​ໂລ ​ແລະ ພາຫະນະ, ວັດຖຸ​ເງິນ​-ຄຳ​ຈຳນວນ​ໜຶ່ງ ​ເຊິ່ງ​ໄລຍະຜ່ານ​ມາ​ກະຊວງ​ປ້ອງ​ກັນ​ຄວາມ ​ສະຫງົບ​ ໄດ້​ຕັ້ງໜ້າ​ປະສານ​ສົມທົບ​ ກັບ​ຫລາຍ​ພາກສ່ວນຂະ​ແໜງ​ການ​ທີ່​ກ້ຽວ​ຂ້ອງ ​ແລະ ອຳນາດ​ການ​ ປົກຄອງ​ທ້ອງ​ຖິ່ນ ພ້ອມ​ກັນ​ແກ້​ໄຂ​ບັນຫາ​ປະກົດ​ການ​ຫຍໍ້​ທໍ້​ຕ່າງໆເວົ້າ​ລວມ, ​ເວົ້າ​ສະ​ເພາະ ​ແມ່ນ​ໄດ້​ສຸມ​ໃ ສ່​​ເຮັດ​ໃຫ້​ວຽກ​ງານ​ໂຄສະນາ​ສຶກສາ​ອົບຮົມ​ໃຫ້​ທົ່ວ​ສັງຄົມ​ ດ້ວຍ​ຫລາຍຮູບຫລາຍ​ວິທີ​ເຊັ່ນ: ​ໄດ້​ເອົາ​ໃຈ​ໃສ່​​ ເຜີຍ​ແຜ່​ກົດໝາຍ​, ​ເຜິຍແຜ່ຜົນ​ຮ້າຍ​ຂອງ​ຢາ​ເສບ​ຕິດອອທາງ​ສື່​ຕ່າງໆ, ​ເຜີຍ​ແຜ່​ຂໍ້​ກຳນົດ​ກົດ​ລະບຽບທີ່​ພົວ ພັນ​ເຖິງ​​ຢາ​ເສບ​ຕິດ​ຢູ່​ຕາມ​ໂຮງຮຽນ, ສຳນັກງານ, ​ອົງການ​ຕະຫລອດ​ຮອດ​ຮາກ​ຖານ​ບ້ານ​ຢ່າງ​ຕັ້ງໜ້າ, ໃນປີ 2013 ​ຜ່ານ​ມາ  ​ສາມາດມ້າງ​ຄະດີ​ຢາ​ເສບ​ຕິດ​ ໄດ້ທັງ​ໝົດ 927 ລາຍ, ກັກ​ຕົວ​ຜູ້​ຖືກ​ຫາ​ໄດ້ 1.512 ຄົນ, ຕ່າງປະ​ທດ 45 ຄົນ, ຢຶດຢາ​ເສບ​ຕິດ​ປະ​ເພດ​ຕ່າງໆ​ ເຊັ່ນ: ຢາ​ບ້າ 364,40 ກິ​ໂລ. ​ເຮ​ໂລ​ອິນ 82,50 ກິ​ໂລ, ຝິ່ນ 32,10 ກິ​ໂລ, ​ກັນຊາ​ແຫ້ງ​ອັດ ​ແທ່ງ 1.235 ກິ​ໂລ, ຢຶດພາຫະນະ ​ແລະ ວັດຖຸ​ເງິນ - ຄຳ ທີ່​ນຳ​ໃຊ້​ເຂົ້າ​ໃນ​ການ​ຊື້-ຂາຍ, ຂົນ​ສົ່ງ, ​ເຄື່ອນ​ຍ້າຍ​ຢາ​ເສບ​ຕິດ​ເປັນ​ຈຳນວນ​ຫລວງຫລາຍ.

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ