ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ເພີ່ມທະວີການຊີ້ນຳ-ນຳພາໃຫ້ພະນັກງານ-ນັກຮົບ ເປັນເຈົ້າການສະກັດກັ້ນ
ແລະ ແກ້ໄຂປະກົດການຫໍ້ທໍ້ໃນສັງຄົມ


           

ໃນກອງປະຊຸມໃຫຍ່ ຄັ້ງທີ ຂອງອົງຄະນະພັກກົມໃຫຍ່ຕຳ ຫຼວດ ກະຊວງ ປກສ ຄັ້ງວັນທີ 20 ມັງກອນນີ້, ພົຈວ ສົມແກ້ວ ສີລາວົງ ຮັກສາການລັດຖະມົນ ຕີວ່າການກະຊວງ ປກສ ໄດ້ເນັ້ນ ໃຫ້ຄະນະ ພັກ-ຄະນະນໍາກົມ ໃຫຍ່ເພີ່ມທະວີຊີ້ນຳ-ນຳພາສະ ມາຊິກພັກ ແລະ ພະນັກງານ- ນັກຮົບວວິຊາສະເພາະ ເປັນເຈົ້າ ການປະຕິບັດໜ້າທີ່ສະກັດກັ້ນ ແລະ ແກ້ໄຂປະກົດການຫຍໍ້ທໍ້ ໃນສັງຄົມຢ່າງເຂັ້ມງວດ ເປັນຕົ້ນ ແມ່ນການແກ້ໄຂກຸ່ມແກ້ງກວນ ເມືອງ, ບັນຫາຢາເສບຕິດ, ປຸ້ນ ຊັບ, ຊີງຊັບ, ລັກຊັບ, ການຄ້າມະນຸດ ແລະອື່ນໆ ເພື່ອເຮັດໃຫ້ສະ ຖຽນລະພາບທາງດ້ານການ ເມືອງມີຄວາມສະຫງົບ ແລະ ສັງ ຄົມມີຄວາມເປັນ ລະບຽບຮຽບ ຮ້ອຍດີຂຶ້ນເລື້ອຍໆ.

ທ່ານຮັກສາການ ກ່າວວ່າ: ໃນ ຊຸມໃນປີຕໍ່ໜ້າ, ຄະນະພັກ-ຄະ ນະບັນຊາກົມໃຫຍ່ຕໍາຫຼວດຕ້ອງ ກໍາແໜ້ນຫຼັກການວິຊາສະເພາະ, ລະບຽບກົດໝາຍ ແລະ ແນວ ທາງຂອງພັກ-ລັດຖະບານວາງ ອອກໃນ ແຕ່ລະໄລຍະ; ເອົາໃຈ ໃສ່ປະຕິບັດຄໍາສັ່ງຕ່າງໆຂອງພັກ -ລັດວາງອອກເປັນວຽກງານຈຸດສຸມ ແລະ ເປັນ ຂະບວນຟົດຟື້ນໃນຂອບເຂດທົ່ວປະເທດ ເພື່ອ ເພີ່ມທະວີການປະຈໍາການແກ້ ໄຂປະກົດການຫຍໍ້ທໍ້ໂດຍອີງ ຕາມແຕ່ລະຈຸດພິເສດຂອງທ້ອງ ຖິ່ນທີ່ເກີດຂຶ້ນ; ເອົາໃຈໃສ່ຄົ້ນ ຄວ້າ, ຄຸ້ມຄອງ, ກໍາແໜ້ນສະພາບ ການ ແລະ ເກັບກໍາເປົ້າໝາຍ ໂດຍສະເພາະພວກລັກຊັບ, ປຸ້ນຊັບ, ຊີງຊັບ, ຄ້າຂາຍຢາເສບ ຕິດ ແລະ ເປົ້າໝາຍ ອື່ນໆ. ຢາກ ເຮັດໄດ້ແນວນັ້ນ, ບັນດາສະຫາຍ ຕ້ອງໄດ້ປັບປຸງເຮັດວຽກສືບຂ່າວ ໃຫ້ດີ, ກໍາໄດ້ຫົວໂປ່ ໂຕການ, ກໍາແໜ້ນພື້ນທີ່, ກໍາແໜ້ນເປົ້າ ໝາຍ ແລະ ການປະສານງານ ຕ້ອງກົມກຽວກັບເພື່ອນຮ່ວມ ງານ, ທັນກັບສະພາບການ ຈຶ່ງ ຈະຮັບປະກັນໄດ້ການຮັກສາ ຄວາມສະຫງົບ ແລະ ຄວາມ ເປັນລະບຽບຮຽບຮ້ອຍ ໃນສັງ ຄົມ; ຍົກສູງຄວາມຮັບຜິດຊອບ ໃນການດໍາເນີນຄະດີຕ່າງໆໃຫ້ ຖືກຕ້ອງຕາມລະບຽບກົດໝາຍ, ຖືກຕ້ອງຕາມຫຼັກການວິຊາສະ ເພາະ, ຖືກຕ້ອງຕາມຄວາມເປັນ ຈິງ ແລະ ຖືກຕ້ອງຕາມຄໍາສັ່ງ 188/ປກສ ເພື່ອເຮັດໃຫ້ການຕັດສິນຄະດີຕ່າງໆຖືກຕ້ອງຕາມ ຄວາມເປັນຈິງ ແລະ ນໍາເອົາຄວາມ ຍຸຕິທໍາມາສູ່ສັງຄົມ, ຄູ່ຄວາມ ແລະ ຜູ້ຖືກເສຍຫາຍ; ນອກນີ້, ຕ້ອງເອົາໃຈໃສ່ປັບປຸງວຽກງານ ຈາລະຈອນ, ເສດຖະກິດ, ມອດ ໄຟ, ນິຕິວິທະຍາ, ການຄ້າມະ ນຸດ, ໝາວິຊາສະເພາະ ແລະ ຂະ ແໜງການອື່ນໆໃຫ້ມີຄວາມເຕີບ ໃຫຍ່ ຂະຫຍາຍຕົວ ກາຍເປັນກໍາ ລັງແຮງຂອງກໍາລັງປ້ອງກັນຄວາມ ສະຫງົບນັບທັງສູນກາງ ແລະ ທ້ອງຖິ່ນ.

ພົຈວ ສີສະຫວາດ ແກ້ວມາ ລາວົງ ເລຂາຄະນະພັກ ຫົວໜ້າ ກົມໃຫຍ່ຕໍາຫຼວດ ກະຊວງ ປກສ  ໄດ້ຂຶ້ນຜ່ານບົດລາຍງານການ ເມືອງຕໍ່ກອງປະຊຸມ ໂດຍຍົກໃຫ້ ເຫັນວ່າ: ໃນໄລຍະ 5 ປີຜ່ານມາ ( 2010-2014 ), ຄະນະພັກ ກົມໃຫຍ່ຕໍາຫຼວດໄດ້ເອົາໃຈໃສ່ ຊີ້ນຳ-ນໍາພາຫັນເອົາພະນັກງານຫຼັກແຫຼ່ງໃນທົ່ວກົມໃຫຍ ລົງກໍ່ສ້າງຮາກຖານການເມືອງຮ່ວມ ກັບຂະບວ ນການ ລວມຂອງກະ ຊວງຈໍານວນ 150 ສະຫາຍ ຢູ່ ບັນດາ ແຂວງຕ່າງໆ ເພື່ອເຄື່ອນ ໄຫວນໍາພາທ້ອງຖິ່ນສ້າງຮາກຖານໃຫ້ມີຄວາມເຂັ້ມແຂງຮອບ ດ້ານ, ປະສານສົມທົບ ກັບພາກ ສ່ວນກ່ຽວຂ້ອງເຮັດວຽກງານ ໂຄສະນາເຜີຍແຜ່ສະພາບບັນ ຫາອາດຊະຍາກໍາປະເພດຕ່າງໆ ເຊັ່ນ: ການຄ້າມະນຸດ, ຜົນຮ້າຍ ຢາເສບຕິດ, ຕ້ານອັກຄີໄພ, ກົດ ລະບຽບຈະລາຈອນແກ້ໄຂລົດ ຕິດ, ສິ່ງແວດລ້ອມ ແລະອື່ນໆ ໄດ້ 13.390 ຄັ້ງ, ມີ 542.436 ເທື່ອຄົນ; ຊີ້ນໍາ-ນໍາພາວຽກງານ ສືບຂ່າວອາຍາຂຶ້ນບັນຊີເປົ້າ ໝາຍ ປະເພດຕ່າງໆ ໄດ້ 4.425 ຄົນ, ເປົ້າໝາຍສືບຄົ້ນຫາ 8,617 ຄົນ, ເປົ້າໝາຍຊັນນະສູດລະແວງ ສົງໄສ 2.300 ຄົນ, ສ້າງຕາໜ່າງ ປິດລັບໄດ້ 935 ສະຫາຍ, ສ້າງ ລາຍຄະດີສະເພາະສືບຂ່າວໄດ້ 48 ລາຍ, ໄລ່ຊອກ-ໄລຈັບໄດ້ 161 ຄົນ, ເປົ້າໜາຍຕ່າງປະເທດ ມີ 110 ຄົນ, ສ້າງຖານຂໍ້ມູນເປົ້າ ໜາຍໄດ້ 130 ຄົນ; ນໍາພາວຽກ ງານການດໍາເນີນຄະດີ, ການແກ້ ໄຂຄໍາຮ້ອງຟ້ອງ, ແກ້ໄຂປະກົດ ການຫຍໍ້ທໍ້ໃນການ ດໍາເນີນຄະດີ; ນໍາພາຈັດຕັ້ງກໍາລັງເຂົ້າຮ່ວມປ້ອງ ກັນຜູ້ນໍາ, ແຂກພາຍໃນ ແລະ ຕ່າງປະເທດ, ກອງປະຊຸມ ລະດັບ ຊາດ-ລະດັບສາກົນຕ່າງໆ; ຜ່ານ ການຈັດຕັ້ງປະຕິບັດໃນ 5 ປີຜ່ານ ມາມີຄະດີເກີດຂຶ້ນທັງໝົດໃນ ທົ່ວປະເທດຈໍານວນ 19,120 ລາຍ, ກັກຜູ້ຖືກຫາໄດ້ 20.562 ຄົນ, ແກ້ໄຂສໍາເລັດ 10.902 ລາຍເທົ່າກັບ 57% ຍັງສຶບຕໍ່ດໍາ ເນີນ 8.218 ລາຍ ເທົ່າກັບ 43%, ມີຜູ້ຖືກຫາ 7.638 ຄົນ; ໃນນັ້ນ, ຂັ້ນກົມໃຫຍ່ຕໍາຫຼວດ ດໍາເນີນມີ 818 ລາຍ, ກັກຕ້ອງຫາໄດ້ 450 ຄົນ, ສາມາດດໍາເນີນຄະດີສໍາເລັດ 569 ລາຍ ເທົ່າກັບ 69,55%, ພວມດໍາເນີນ 249 ລາຍ, ເທົ່າ ກັບ 30,45%.

ກອງປະຊຸມຍັງໄດ້ບ່ອນບັດ ຄັດເລືອກເອົາອົງຄະນະພັກຊຸດ ໃໝ່ທັງໝົດ 15 ສະຫາຍ ໃນຈໍານວນ ຜູ້ສະໝັກເລືອກຕັ້ງ 18 ສະ ຫາຍ; ໃນນີ້, ຜູ້ແທນກອງປະຊຸມ ໄດ້ເປັນເອກະພາບກັນເລືອກເອົາ ພົຈວ ສີສະຫວາດ ແກ້ວມາລາ ວົງ ເປັນເລຂາຄະນະພັກ, ພັອ ຄໍາ ພົນ ສີຫາປັນຍາ ເປັນຮອງເລຂາ, ພັອ ຄໍາຮຸ່ງ ແສງປະເສີດ ເປັນປະ ທານກວດກາ ແລະ ຄະນະ 12 ສະຫາຍ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ