ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ກະຊວງປກສໄດ້ຈັດຕັ້ງປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ 66 ປີ

ກະຊວງປກສໄດ້ຈັດຕັ້ງປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ 66 ປີ ( 20 ມັງກອນ 1949 - 20 ມັງກອນ 2015 ) ຂຶ້ນໃນວັນທີ 21 ມັງກອນນີ້, ເພື່ອໃຫ້ບັນດາຄະນະພັກ- ຄະນະບັນຊາແລະ ພະນັກງານຫຼັກແຫຼ່ງກົມກອງອ້ອມຂ້າງກະຊວງ ປກສ ລະນຶກເຖິງຄຸນງາມຄວາມດີຂອງນັກຮົບປະຕິວັດແລະ ກຳລັງທະຫານທີ່ໄດ້ເສຍສະລະຊີວິດເພື່ອປະເທດຊາດແລະວິລະກຳອັນລ້ຳເລີດ, ມູນເຊື້ອຕໍ່ສູ້ອັນພິລະອາດຫານ ຂອງກອງທັບປະຊາຊົນລາວຕະຫຼອດໄລຍະຜ່ານມາ.

ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງ ປກສ ໄດ້ເປັນກຽດປາຖະກະຖາໃຫ້ຮູ້ວ່າ: ກອງທັບປະຊາຊົນລາວໄດ້ຮັບການສ້າງຕັ້ງຂຶ້ນຢ່າງເປັນທາງການໃນ ວັນທີ 20 ມັງກອນ1949 ຢູ່ເຂດລາວ ຮຸ່ງພຽງສາເມືອງຊຽງຄໍ້ແຂວງຫົວພັນ; ໂດຍແມ່ນປະທານໄກສອນພົມວິຫານເປັນຜູ້ບັນຊາການໂດຍກົງແລະໄດ ຳເນີດເຕີບໃຫຍ່ພາຍໃຕ້ການຊີ້ນຳ - ນຳພາຂອງພັກທີ່ມີແນວທາງການເມືອງແລະການທະຫານທີ່ຖືກຕ້ອງ ແລະມີຫົວຄິດປະດິດສ້າງ; ນັບແຕ່ກຳເນີດຂຶ້ນມາ, ເວລາໃດກອງທັບປະຊາຊົນລາວ ກໍໄດ້ຖືເອົາໜ້າທີ່ປ້ອງ ກັນຊາດ - ປ້ອງກັນຄວາມສະຫງົບເປັນໜ້າທີ່ຕົ້ນຕໍ ແລະສຳຄັນອັນດັບໜຶ່ງບົນເສັ້ນທາງແຫ່ງການສ້າງຕັ້ງ, ສູ້ ຮົບມີໄຊແລະເຕີບໃຫຍ່ຂະຫຍາຍຕົວ, ກອງທັບໄດ້ຜ່ານຜ່າຄວາມຫຍຸ້ງຍາກ, ອຸປະສັກນາໆປະການ, ຕໍ່ສູ້ບໍ່ ຍອມຈຳນົນຕໍ່ພວກສັດຕູ, ຍອມເສຍສະລະຊີວິດ - ເລືອດເນື້ອເພື່ອປົດປ່ອຍປະເທດຊາດ ອອກຈາກແອກປົກຄອງ ຂອງພວກຈັກກະພັດລ່າເມືອງຂຶ້ນ; ພ້ອມທັງນຳພາກຳລັງປະກອບອາວຸດຂັບໄລ່ສັດຕູເພື່ອພາລະກິດປົກປັກຮັກ ສາປະເທດຊາດ, ບ້ານເກີດເມືອງນອນຂອງຕົນໂດຍບໍ່ຮູ້ອິດເມື່ອຍສົມຊື່ວ່າ: " ກອງທັບວິລະຊົນຂອງຊາດ ລາວຄົນລາວພິລະອາດຫານ ".

ຜ່ານການຕໍ່ສູ້ອັນຍືດເຍື້ອຍາວນານກໍຄືພາລະກິດແຫ່ງການປົກປັກຮັກສາແລະ ສ້າງສາພັດທະນາປະເທດ ຊາດພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນລາວ, ກອງທັບໄດ້ສ້າງມູນເຊື້ອອັນສະຫງ່າ ງາມອົງອາດກ້າຫານໄວ້ໃຫ້ກຳລັງຮຸ່ນຫຼັງໄວ້ສືບທອດຕໍ່ໄປຄື: ກອງທັບປະຊາຊົນລາວມີຄວາມຈົງຮັກພັກດີຕໍ່ ພັກ, ຕໍ່ປະຊາຊົນ, ຕໍ່ອຸດົມການສັງຄົມນິຍົມ, ມີນ້ຳໃຈຕໍ່ສູ້ພິລະອາດຫານ, ກ້າແກ່ນໜຽວແໜ້ນ, ມີໄຫວພິບ ແລະປະດິດສ້າງ, ມີນ້ໃຈດຸໝັ່ນຂະຫຍັນພຽນອອກແຮງເພີ່ມພູນຜະລິດຜົນແລະປະຢັດມັດທະຍັດ, ມີຄວາມ ສາມັກຄີແໜ້ນແຟ້ນກັບປະຊາຊົນລາວບັນດາເຜົ່າແລະບັນດາປະເທດເພື່ອນມິດ; ໂດຍສະເພາະແມ່ນຄວາມ ສາມັກຄີຮ່ວມສຳພັນສູ້ຮົບແບບພິເສດກັບກອງທັບແລະປະຊາຊົນອ້າຍ-ນ້ອງຫວຽດນາມ

ໂອກາດດຽວກັນ, ກະຊວງປກສຍັງໄດ້ເຜີຍແຜ່ເອກະສານນຳພາແນວຄິດ ກ່ຽວກັບການນຳໃຊ້ສື່ສັງຄົມ ອອນລາຍ ( ອິນເຕີເນັດ ) ຂອງຄະນະໂຄສະນາອົບຮົມສູນກາງພັກສະບັບເລກທີ01/ຄອສພ, ລົງວັນທີ 4 ທັນວາ2014 ເພື່ອໃຫ້ພະນັກງານຫຼັກແຫຼ່ງທົ່ວກຳລັງປກສນຳໄປຈັດຕັ້ງເຊື່ອມຊຶມໃຫ້ບັນດາພະນັກງານ -ນັກ   ຮົບໃນຂົງເຂດຄວາມຮັບຜິດຊອບຂອງຕົນໃຫ້ມີຄວາມຮັບຮູ້ແລະເຂົ້າໃຈກ່ຽວກັບປະຫວັດຄວາມເປັນມາ, ດ້ານຕັ້ງໜ້າ, ດ້າຫຍໍ້ທໍ້ຂອງການນຳໃຊ້ສື່ສັງຄົມອອນລາຍ ( ອິນເຕີເນັດ ) ໃນປັດຈຸບັນແລະມີສະຕິເປັນ ເຈົ້າການໃນການນຳໃຊ້ສື່ດັ່ງກ່າວ ເຂົ້າໃນການເຄື່ອນໄຫວດຳລົງຊີວິດປະຈຳວັນຢ່າງຖືກຕ້ອງ.

ຂ່າວໃຫ້ຮູ້ຕື່ມວ່າ: ສຳນັກງານປົກຄອງເມືອງໄຊທານີກໍໄດ້ຈັດຕັ້ງປາຖະກະຖາວັນສ້າງຕັ້ງກອງທັບປະຊາຊົນລາວຄົບ ຮອບ 66 ປີເຊັ່ນດຽວກັນ; ປາຖະກະຖາໂດຍ ພົຈວ ສົມພອນ ແກ້ວມີໄຊ ປະທານສະຫະພັນນັກຮົບກົ່າ ແຫ່ງຊາດລາວ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ