Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ພິທີສະເຫຼີມສະຫຼອງ 70 ປີ ຜົນສຳເລັດຂອງກອງທັບປະຊາຊົນລາວ

        ພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( 20 ມັງກອນ 1949-20 ມັງກອນ 2019 ) ໄດ້ຈັດຂຶ້ນຢ່າງຍິງໃຫຍ່ ໃນວັນທີ 20 ມັງກອນ 2019 ຢູ່ວິທະຍາຄານກົມມະດຳ, ເປັນກຽດເຂົ້າຮ່ວມໂດຍ ສະຫາຍ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ພົອ ຈັນສະໝອນ ຈັນຍາລາດ ລັດຖະມົນຕີ ກະຊວງ ປ້ອງກັນປະເທດ, ມີບັນດາອະດີດການນຳຂັ້ນສູງພັກ-ລັດ, ລັດຖະມົນຕີຈາກກະຊວງອ້ອມຂ້າງສູນກາງ, ພະນັກງານປະຕິ ວັດອາວຸໂສ, ບັນດາຜູ້ຕາງໜ້າກອງທັບຈາກຕ່າງປະເທດ ອ້ອມຂ້າງ, ກົມກອງອ້ອມຂ້າງ, ກຳລັງປະກອບອາວຸດ, ພໍ່ແມ່ປະ ຊາຊົນ ແລະ ສື່ມວນຊົນອ້ອມຂ້າງສູນກາງເຂົ້າຮ່ວມ.

          ໃນພິທີ, ທ່ານ ບຸນຍັງ ວໍລະຈິດ ໄດ້ກ່າວສູນທອນພົດ ເຊິ່ງມີເນື້ອໃນບາງຕອນວ່າ: ກ່ອນໜ້ານີ້ 70 ປີ ກອງທັບ ລາວອິດສະຫຼະໂດຍແມ່ນຕົ້ນກຳເນີດຂອງກອງທັບປົດປ່ອຍ, ກອງທັບປະຊາຊົນລາວປັດຈຸບັນ ໄດ້ຮັບການສ້າງຕັ້ງຂຶ້ນຢູ່ ເຂດທີ່ໝັ້ນຕາແສງລາວຮຸ່ງ-ພຽງສາ ເມືອງ ວຽງໄຊ ແຂວງ ຫົວພັນ ໂດຍແມ່ນ ປະທານ ໄກສອນ ພົມວິຫານ ທີ່ເຄົາລົບ ຮັກເປັນຜູ້ປະກາດສ້າງຕັ້ງ ແລະ ບັນຊາໂດຍກົງ, ເພາະນັ້ນເປັນເຫດການສໍາຄັນ ແລະ ເປັນບາດລ້ຽວ ທີ່ເປັນລັກສະນະ ຕັດສິນ ໃນພາລະກິດຕໍ່ສູ້ປົດປ່ອຍຊາດພາຍໃຕ້ການນຳພາຂອງພັກເຮົາ; ພາຍຫຼັງໄດ້ຮັບການສ້າງຕັ້ງຂຶ້ນ ກອງທັບປະຊາ ຊົນລາວ ກໍໄດ້ປະເຊີນໜ້າກັບສັດຕູຜູ້ຮ້າຍກາດທີ່ມີກຳລັງແຮງເໜືອກວ່າຫຼາຍເທົ່າ ນັບທັງດ້ານກຳລັງພົນ, ອາວຸດ-ຍຸດໂທປະກອນ ແລະອື່ນໆ ແຕ່ດ້ວຍນໍ້າໃຈຮັກຊາດອັນສູງສົ່ງ ແລະ ການສືບທອດມູນເຊື້ອຕໍ່ສູ້ພິລະອາດຫານບໍ່ຍອມ ຈຳນົນຂອງບັນພະບູລຸດ ແລະ ປະຊາຊົນເຊື້ອຊາດລາວ ໂດຍໄດ້ຮັບການອູ້ມຊູຊ່ວຍເຫຼືອຢ່າງໝົດຈິດ ໝົດໃຈ ຈາກປະຊາ ຊົນລາວບັນດາເຜົ່າກໍຄືການສະໜັບສະໜູນອັນລໍ້າຄ່າຈາກບັນດາປະເທດສັງຄົມນິຍົມອ້າຍນ້ອງ, ດັ່ງນັ້ນ ກອງທັບ ປະຊາ ຊົນລາວ ໄດ້ດຳເນີນການຕໍ່ສູ້ຢ່າງພິລະອາດຫານດ້ວຍຄວາມສະຫຼາດສ່ອງໃສຂອງພັກ-ລັດເຮົາ ແລະ ສາມາດຍາດໄດ້ໄຊ ຊະນະຢ່າງສະຫງ່າງາມ.

          ກອງທັບປະກອບອາວຸດ ໂດຍເລີ່ມຈາກເປັນກອງໂຄສະນາປະກອບອາວຸດ ທີ່ສ້າງຕັ້ງຂຶ້ນໃນທ້ອງຖິ່ນຕ່າງໆ ປະ ກອບດ້ວຍອາວຸດ-ຍຸດໂທປະກອນແບບປະຖົມປະຖານ ໄດ້ເຕີບໃຫຍ່ຂຶ້ນຢ່າງໄວວ່າທາງດ້ານຈຳນວນ ແລະ ຄຸນນະພາບ, ກາຍເປັນກອງທັບທີ່ມີຫຼາຍກົມກອງ-ເຫຼົ່າຮົບເຂັ້ມແຂງ, ສູ້ຮົບເດັດດຽວອາດຫານ, ຍິ່ງຕີຍິ່ງເຕີບໃຫຍ່, ຍິ່ງຕີກໍ່ຍິ່ງອົງອາດ ກ້າແກ່ນ ແລະ ຍາດໄດ້ໄຊຊະນະອັນໃຫຍ່ຫຼວງເປັນກ້າວໆ.

          ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ແລ້ວສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975, ກອງທັບປະຊາຊົນລາວ ໄດ້ສືບຕໍ່ປົກປັກຮັກສາ ແລະ ເສີມຂະຫຍາຍທາດ ແທ້, ມູນເຊື້ອອັນສະຫງ່າງາມຂອງຕົນ, ເຊິ່ງຍາມໃດກໍເຊີດຊູສະຕິລະຫວັງຕົວກຽມພ້ອມສູ້ຮົບລະສູ້ຮົບມີໄຊ, ເປັນກຳລັງ ຫຼັກແຫຼ່ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ, ເຮັດໜ້າທີ່ປົກປັກຮັກ ສາເອກະລາດ, ອະທິປະໄຕ ແລະະ ຜືນແຜ່ນດິນອັນຄົບຖ້ວນຂອງຊາດໄວ້ໄດ້ຢ່າງໝັ້ນຄົງ, ຮັບປະກັນສະຖຽນລະພາບ ທາງດ້ານການເມືອງໄດ້ຢ່າງໜັກແໜ້ນ, ສັງຄົມມີຄວາມສະຫງົບສຸກ ພ້ອມທັງປະກອບສ່ວນຢ່າງຕັ້ງໜ້າເຂົ້າໃນການສ້າງ ສາພັດທະນາເສດຖະກິດ-ສັງຄົມຂອງເປັນເທດຊາດ ບົນເສັ້ນທາງກ້າວຂຶ້ນສູ່ຈຸດໝາຍສັງຄົມນິຍົມເລື້ອຍໆມາ.

ການສະເຫຼີມສະຫຼອງຄັ້ງນີ້ ບັນດາຜູ້ເຂົ້າຮ່ວມໄດ້ຮັບຊົມການສະແດງສິລະປະຈາກກອງສິລະປະກອງທັບ ແລະ ການສະແດງຫັດກາຍມວຍຂອງເຫຼົ່າຮົບຕີພິເສດ, ຂະບວນລົດພະນັກງານປະຕິວັດອາວຸໂສ ຕາມດ້ວຍກ້ອນທຸງໄຊກອງ ທັບປະຊາຊົນລາວ, ກ້ອນກອງທັບອິດສະຫຼະ, ກ້ອນກຳລັງກອງທັບປົດປ່ອຍ, ກ້ອນກຳລັງເພດຍິງ 369, ກ້ອນນາຍທະ ຫານບົກ, ກ້ອນນາຍທະຫານອາກາດ, ກ້ອນທະຫານຊາຍແດນ, ກ້ອນທະຫານຕີພິເສດ, ກ້ອນທະຫານລົດຕັງ-ຍານເກາະ, ກ້ອນທະຫານປືນໃຫຍ່ໜ້າດິນ, ກ້ອນທະຫານປ້ອງກັນອາກາດ, ກ້ອນທະຫານຊ່າງແສງ, ກ້ອນທະຫານສື່ ສານ, ກ້ອນກຳລັງເເພດເພດຍິງ, ກ້ອນທະຫານທ້ອງຖິ່ນ, ກ້ອນກຳລັງກອງຫຼອນ, ກ້ອນກຳລັງປ້ອງກັນຕົວ ແລະ ຂະບວນ ພາຫະນະປະກອບດ້ວຍຂະບວນລົດທະຫານຮາບ-ຍານເກາະ, ຂະບວນລົດເຫຼົົ່າຮົບລົດຕັງ-ຍານເກາະ, ຂະບວນເຫຼົ່າຮົບ ປືນໃຫຍ່ໜ້າດິນ, ຂະບວນລົດເຫຼົ່າຮົບປ້ອງກັນອາກາດ, ຂະບວນລົດເຫຼົ່າຮົບຊ່າງແສງ, ກ້ອນກອງແກວົງກອງທັບປະຊາ ຊົນລາວ, ການສະແດງຝູງບິນ Mi-17 ຈຳນວນ 3 ລຳ ປະກອບທຸງຊາດ-ທຸງພັກ ແລະ ທຸງກາ 70 ປີ ກອງທັບປະຊາ ຊົນລາວ, ຝູງບິນ LE-500 ຈຳນວນ 4 ລຳ ແລະ ການສະແດງໂດດຈ້ອງທາງອາກາດ ປະກອບທຸງຊາດ-ທຸງພັກ ແລະ ທຸງກາ 70 ປີ ຢ່າງເປັນຂະບວນຄຶກຄື້ນ ແລະ ເຕັມໄປດ້ວຍຜົນສຳເລັດຢ່າງຈົບງາມ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ