Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ສະຫຼຸບວຽກງານປ້ອງກັນເຄື່ອນທີ່ທົ່ວປະເທດ ປະຈໍາປີ 2018

          ກອງບັນຊາການປ້ອງກັນເຄື່ອນທີ່ ກະຊວງ ປກສ ໄດ້ຈັດກອງປະຊຸມສະຫຼຸບວຽກງານປ້ອງກັນເຄື່ອນທີ່ທົ່ວ ປະເທດ ປະຈໍາປີ 2018 ແລະ ວາງທິດທາງແຜນການປີ 2019 ໃນວັນທີ 26-27 ກຸມພາ 2019, ເປັນປະທານໂດຍ ພົຈວ ຈັນສະແຫວງ ທິບຄູນທອງ ຫົວໜ້າກອງບັນຊາການປ້ອງກັນເຄື່ອນທີ່, ມີຄະນະພັກ-ຄະນະບັນຊາ, ຕາງໜ້າ ກົມກອງອ້ອມຂ້າງກະຊວງ, ປກສ ນະຄອນຫຼວງວຽງຈັນ, ປກສ ແຂວງໃນຂອບເຂດທົ່ວປະເທດ ແລະ ພະນັກງານ-ນັກຮົບເຂົ້າຮ່ວມ.

ພັທ ຄໍາເວີນ ໄຊຍະຈັກ ຮອງຫົວໜ້າກອງບັນຊາການປ້ອງກັນເຄື່ອນທີ່ ກ່າວວ່າ: 1 ປີຜ່ານມາ ຄະນະບັນຊາ ແຕ່ລະຂັ້ນ ກອງບັນຊາການປ້ອງກັນເຄື່ອນທີ່ ກະຊວງ  ປກສ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວ ຄິດໃຫ້ພະນັກງານ-ນັກຮົບ ຢ່າງເປັນປົກກະຕິ ໂດຍການຈັດຕັ້ງເຊື່ອມຊຶມມະຕິຄໍາສັ່ງ ແລະ ເຜີຍແຜ່ມູນເຊື້ອວັນສໍາຄັນ ຕ່າງໆຂອງພັກ-ຂອງຊາດ ຜ່ານການຈັດຕັ້ງປະຕິບັດເຮັດໃຫ້ພະນັກງານ-ນັກຮົບທຸກສະຫາຍມີຄວາມອຸ່ນອ່ຽນທຸ່ນທ່ຽງ, ມີແນວຄິດຫຼັກໝັ້ນ ແລະ ເຂັ້ມແຂງທາງດ້ານການຈັດຕັ້ງ; ພ້ອມນີ້ ຍັງໄດ້ຊີ້ນໍາ-ນໍາພາພະນັກງານ-ນັກຮົບສຸມໃສ່ຈັດຕັ້ງ ປະຕິບັດວຽກງານວິຊາສະເພາະແມ່ນມີຄວາມຮັບປະກັນ ແລະ ມີຜົນສໍາເລັດ ໂດຍການຈັດຕັ້ງກໍາລັງອອກກວດກາລາດ ຕະເວນຕະຫຼອດ 24 ຊົ່ວໂມງ;ໃນນີ້ ສາມາດອອກກວດກາລາດເວນໄດ້ທັງໝົດ 1.159 ຄັ້ງ ແລະ ກັກຜູ້ກະທໍາຜິດໄດ້ 1.220 ຄົນ ຍິງ 61 ຄົນ, ຍຶດຂອງກາງຢາບ້າໄດ້ 215.157 ເມັດ, ເຮໂລອິນ 207 ແທ່ງ ກັບ 6 ຖົງນ້ອຍ, ຜົງຂາວ 2 ຖົງນ້ອຍ, ຢາໄອສ໌ 751 ກິໂລ, ລົດໃຫຍ່ 12 ຄັນ, ລົດຈັກ 903 ຄັນ, ປືນ 18 ກະບອກ, ລູກປືນ 125 ລູກ, ໝາກແຕກ 15 ໜ່ວຍ, ເງິນກີບ 2.901.000 ກີບ, ເງິນບາດ 4.000 ບາດ ແລະ ເຄື່ອງອື່ນໆອີກຫຼາຍລາຍການ, ໄດ້ສຶກສາອົບຮົມຜູ້ກະທໍາຜິດ ແລ້ວມອບໃຫ້ຜູ້ປົກຄອງ ມີ 525 ຄົນ ຍິງ 15 ຄົນ ແລະ ມອບໃຫ້ພາກສ່ວນ ທີ່ກ່ຽວຂ້ອງດໍາເນີນຄະດີ 695 ຄົນ ຍິງ 46 ຄົນ; ຄຽງຄູ່ກັນນີ້ ຍັງໄດ້ປ້ອງກັນກອງປະຊຸມລະດັບຊາດ, ລະດັບສາກົນ ແລະ ງານສໍາຄັນຕ່າງໆຂອງພັກ-ຂອງຊາດ, ເຄື່ອນຍ້າຍວັດຖຸມີຄ່າ ໄດ້ 851 ຄັ້ງ, ປ້ອງກັນແຂກຕ່າງປະເທດມາຢ້ຽມຢາມ ແລະ ເຮັດວຽກຢູ່ ສປປ ລາວ ໄດ້ 256 ຄັ້ງ, ປ້ອງກັນໂຄງການກໍ່ສ້າງທາງລົດໄຟ ລາວ-ຈີນ 30 ຈຸດ, ພ້ອມທັງໄດ້ລົງຊ່ວຍປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມທີ່ແຂວງອັດຕະປື  412 ຄົນ.

          ໃນຕໍ່ໜ້າ (2019) ຄະນະບັນຊາ ກອງບັນຊາການປ້ອງກັນເຄື່ອນທີ່ ຈະສືບຕໍ່ຊີ້ນໍາ-ນໍາພາກໍາລັງປ້ອງກັນເຄື່ອນທີ່ ສືບຕໍ່ຈັດຕັ້ງປະຕິບັດຕາມຄໍາສັ່ງຂອງຂອງເທິງ ໃນການເຄື່ອນໄຫວວຽກງານວິຊາສະເພາະໃຫ້ມີປະສິດທິຜົນສູງຂຶ້ນກວ່າ ເກົ່າ, ສຸມໃສ່ວຽກງານປ້ອງກັນໂຄງການກໍ່ສ້າງລົດໄຟ ລາວ-ຈີນ, ງານມະຫະກໍາກິລາແຫ່ງຊາດ ທີ່ແຂວງຊຽງຂວາງ, ປ້ອງກັນກອງປະຊຸມຂັ້ນຕ່າງໆ ພາຍໃນ ແລະ ຕ່າງປະເທດ, ປ້ອງກັນການນໍາພັກ-ລັດ, ບໍລິສັດຫ້າງຮ້ານເຄື່ອນຍ້າຍ ວັດຖຸມີຄ່າ, ງານວາງສະແດງສິນຄ້າ ແລະ ງານບຸນປະເພນີ ໃຫ້ມີຄວາມສະຫງົບປອດໄພ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ