ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ສະຫຼຸບວຽກງານປ້ອງກັນ ອຸດົມໄຊເກມ

   ໃນວັນທີ 22 ທັນວານີ້, ກອງບັນຊາການ ປກສ ແຂວງອຸດົມໄຊ ໄດ້ຈັດກອງປະຊຸມສະຫຼຸບວຽກງານ ປ້ອງກັນງານມະຫະກຳກິລາແຫ່ງຊາດ ຄັ້ງທີ 10 ທີ່ໄດ້ປິດສາກລົງດ້ວຍຜົນສຳເລັດອັນຈົບງາມ ໃນວັນທີ 21 ທັນວາ 2014, ເພື່ອຕີລາຄາ ແລະ ຖອດຖອບບົດຮຽນກ່ຽວກັບກາຈັດຕັ້ງປະຕິບັດວຽກງານຕະຫຼອດໄລ ຍະການແຂ່ງຂັນອຸດົມໄຊເກມ, ໂດຍການເຂົ້າຮ່ວມຂອງ ພົຈວ ສິນທະວົງ ໄຊຍະກອນ ລັດຖະມົນຕິຊ່ວຍ ວ່າການກະຊວງ ປກສ, ຜູ້ຊີ້ນຳວຽກງານປ້ອງກັນມະຫະກຳກິລາແຫ່ງຊາດ ຄັ້ງທີ 10 ມີຄະນະພັກ-ຄະນຳບັນຊາພ້ອມດ້ວຍອະນຸກຳມະການປ້ອງກັນ ແລະ ພະນັກງານ-ນັກຮົບ ເຂົ້າຮ່ວມ

    ພັອ ນິລະວົງ ເຈືອງຕະວະລາດ ຫົວໜ້າກອງບັນຊາການ ປກສ ແຂວງອຸດົມໄຊ ໄດ້ຍົກໃຫ້ເຫັນຜົນ ສຳເລັດຂອງວຽກງານປ້ອງກັນຄວາມສະຫງົບ ຕະຫຼອດໄລຍະເປີດການການແຂ່ງຂັ້ນກິລາແຫ່ງຊາດ ຄັ້ງທີ 10, ເຊິ່ງອະນຸກະມະການປ້ອງກັນເອົາໃຈໃສຊີ້ນຳ-ນຳພາເຄື່ອນໄຫວເຮັດວຽກງານວິຊາສະເພາະ ໃນການ ປ້ອງກັນການນຳພັກ-ລັດ ແລະ ມວນຊົນທີ່ມາທ່ຽວຊົມໃນງານໃຫ້ມີຄວາມສະຫງົບໂດຍພື້ນຖານ ແລະ ບໍ່ມີ ເຫດການອັນຮ້າຍແຮງເກີດຂື້ນ, ຕະຫຼອດໄລຍະການເປີດງານ ມີສະພາບປະກົດການຫຍໍ້ທໍ້ຂື້ນທັງໝົດ 7 ເລື້ອງ, ອຸປະຕິເຫດຕາມເສັ້ນທາງສາຍຕ່າງເກີດຂື້ນທັງໝົດ 8 ຄັ້ງ, ເສຍຊີວິດ 1 ຄົນ ແລະ ມີອັກຄິໄພ ເກີດຂື້ນ 1 ເລື້ອງ, ມູນຄ່າເສຍຫາຍ 117 ລ້ານກີບ.

     ພົຈວ ສິນທະວົງ ໄຊຍະກອນ ໄດ້ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້, ໂດຍສະເພາະແມ່ນ ຄວາມເປັນເຈົ້າການຊີ້ນຳ-ບັນຊາພະນັກງານໃນການປະຕິບັດວຽກງານວິຊາສະເພາະ ເຮັດສຳເລັດຕາມເປົ້າ ໝາຍທີ່ພັກ-ລັດ ມອບໝາຍໃຫ້, ເປັນຕົ້ນແມ່ນ: ວຽກງານປ້ອງກັນຄວາມສະຫງົບເວນຍາມ ແລະ ກວດກາ ລາດຕະເວນນັບແຕ່ມື້ເປີດຈົນຈົບສຳເລັດງານມະຫະກຳກິລາແຫ່ງຊາດ ຄັ້ງທີ 10 ທີ່ແຂວງອຸດົມໄຊ ເປັນເຈົ້າພາບ, ເຊິ່ງເຕັມໄປດ້ວຍບັນຍາກາດເບີກບານມ່ວນຊື່ນ ແລະ ສະຫງົບປອດໄພດີ ໂດຍພື້ນຖານ, ທ່ານໄດ້ເນັ້ນນັກໃຫ້ພ້ອມກັນສືບຕໍ່ຈັດຕັ້ງຜັນຂະຫຍາຍ 4 ຄາດໝາຍ, 4 ບຸກທະລຸ ແລະ 3 ແຫຼມຍຸດທະ ສາດຈຸດສຸມ ທີ່ກະຊວງ ປກສ ວາງອອກແລະ ບັນດາວຽກຈຸດສຸມຂອງແຂວງກໍ່ຄືກອງບັນຊາການ ປກສ ແຂວງວາງອອກຕາມທິດຫັນເປັນວຽກວິຊາສະເພາະຂອງກົມຢ່າງຖືກຕ້ອງ ແລະ ສອດຄ່ອງກັບສະພາບ ຄວາມເປັນຈິງໃນແຕ່ລະໄລຍະ ພ້ອມທັງສຸມທຸກເຫື່ອແຮງສະຕິປັນຍາ, ຄວາມຮູ້-ຄວາມສາມາດ ທີ່ມີເຂົ້າໃນ ວຽກງານວິຊາສະເພາະໃຫ້ມີຜົນສຳເລັດ 100% ເພື່ອເຮັດໃຫ້ພາບພົບບົດບາດຂອງກຳລັງ ປກສ ນັບມື້ສູງ ເດັ່ນຂື້ນ ແລະ ສັງຄົມ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ