Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ສະເຫຼີມສະຫຼອງວັນສ້າງຕັ້ງກົມໃຫຍ່ຕໍາຫຼວດ ຄົບຮອບ 42 ປີ

          ກົມໃຫຍ່ຕໍາຫຼວດ ກະຊວງ ປກສ ໄດ້ຈັດຕັ້ງສະເຫຼີມສະຫຼອງວັນສ້າງຕັ້ງຄົບຮອບ 42 ປີ ( 23 ເມສາ 1976-23 ເມສາ 2018 ), ໂດຍການເຂົ້າຂອງ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ, ມີຄະນະພັກ-ຄະນະບັນຊາກົມກອງອ້ອມຂ້າງກະຊວງ, ກອງບັນຊາການ, ອະດີດຄະນະນໍາ-ຄະນະກົມໃຫຍ່ຕໍາຫຼວດ, ແຂກຮັບເຊີນ ແລະ ພະນັກງານ-ນັກຮົບອ້ອມຂ້າງເຂົ້າຮ່ວມ.

          ພົຈວ ປອ ທອງເຫຼັກ ມັງໜໍ່ເມກ ຫົວໜ້າກົມໃຫຍ່ຕໍາຫຼວດ ກ່າວວ່າ: ຕະຫຼອດໄລຍະ 42 ປີຜ່ານມາ ກົມໃຫຍ່ຕໍາຫຼວດ ແມ່ນກໍາລັງວິຊາສະເພາະໜຶ່ງ ຂຶ້ນກັບກະຊວງປ້ອງກັນຄວາມສະຫງົບ ເຊິ່ງໃນວັນທີ 23 ເມສາ 1976 ທ່ານ ໄກສອນ ພົມວິຫານ ນາຍົກລັດຖະມົນຕີ ໄດ້ມີມະຕິຕົກລົງສະບັບເລກທີ 19/ນຍ ວ່າໂດຍໂຄງປະກອບ ກົງຈັກການຈັດຕັ້ງກະຊວງພາຍໃນ-ນັກຮົບເກົ່າ ແລະ ສັງຄົມສົງເຄາະ ປະກອບມີ ຫ້ອງວ່າການ,  ແລະ 11 ກົມ ຂຶ້ນກັບ ກະຊວງພາຍໃນ; ໃນນີ້ ກົມຕໍາລວດເທດສະບານ ກໍໄດ້ຮັບການສ້າງຕັ້ງຂຶ້ນ ໂດຍມີທ່ານ ສາລີ ໄພໂລດ ເປັນຫົວໜ້າກົມ, ຕໍ່ມາ ລັດຖະບານໄດ້ມີດໍາລັດສະບັບເລກທີ 232/ຍນ ລົງວັນທີ 22 ກັນຍາ 1982 ທ່ານ ໜູຮັບ ພູມສະຫວັນ ນາຍົກລັດຖະມົນຕີ ໃນເວລານັ້ນ ໄດ້ແຕ່ງຕັ້ງບັນດາກົມໃຫຍ່ຂຶ້ນຈໍານວນ 4 ກົມໃຫຍ່, ໃນນັ້ນ ກົມໃຫຍ່ເທດສະບານ ໄດ້ປ່ຽນຊື່ມາເປັນກົມໃຫຍ່ຕໍາຫຼວດ ໂດຍແມ່ນ ພັອ ໄຊສົມແພງ ສຸລິຍະວົງ ເປັນຫົວໜ້າ, ປີ 1990 ລັດຖະບານ ໄດ້ປັບປຸງກົງຈັກການຈັດຕັ້ງຂອງກະຊວງພາຍໃນ, ໃນເວລານີ້ກົມໃຫຍ່ຕໍາຫຼວດ ໄດ້ແຍກອອກເປັນກົມ 3 ແລະ ກົມ 4 ແລະ ຕໍ່ມາປີ 1994 ໄດ້ມີການປັບປຸງກົງຈັກການຈັດຕັ້ງຂັ້ນກົມໃຫຍ່, ບັນດາກົມ-ພະແນກ ອ້ອມຂ້າງກະຊວງ ພາຍໃນອີກເທື່ອໜຶ່ງ ໃນນັ້ນໄດ້ໂຮມກົມ 3 ແລະ ກົມ 4 ໄດ້ປ່ຽນຊື່ມາເປັນກົມໃຫຍ່ຕໍາຫຼວດ ອີກຄັ້ງໃໝ່ ນເຖິງປະຈຸບັນ; ນັບແຕ່ວັນສ້າງຕັ້ງເຖິງປະຈຸບັນ ກໍາລັງກົມໃຫຍ່ຕໍາຫຼວດ ໄດ້ສຸມໃສ່ປະຕິບັດວຽກງານວິຊາສະເພາະຕາມ ພາລະບົດບາດ ແລະ ສາມາດສ້າງຜົນງານທີ່ພົ້ນເດັ່ນຫຼາຍດ້ານ; ຕໍ່ກັບຜົນງານດັ່ງກ່າວ ພັກ-ລັດຖະບານ ໄດ້ຮັບການຍ້ອງ ຍໍຊົມເຊີຍ ແລະ ໄດ້ມອບຫຼຽນໄຊ, ຫຼຽນກາ ແລະ ໃບຍ້ອງຍໍຂັ້ນຕ່າງໆ ຄື: ໄດ້ຮັບຫຼຽນໄຊອິດສະຫຼະຊັ້ນ I ຈໍານວນ 18 ໜ່ວຍ, ຫຼຽນໄຊອິດສະຫຼະຊັ້ນ II ຈໍານວນ 15 ໜ່ວຍ, ຫຼຽນໄຊອິດສະຫຼະຊັ້ນ III ຈໍານວນ 13 ໜ່ວຍ, ໄດ້ຮັບ ຫຼຽນໄຊພິລະອາດຫານຊັ້ນ I ຈໍານວນ 1 ໜ່ວຍ, ຫຼຽນໄຊແຮງງານຊັ້ນ I ຈໍານວນ 17 ໜ່ວຍ, ຫຼຽນໄຊແຮງງານຊັ້ນ II ຈໍານວນ 14 ໜ່ວຍ, ຫຼຽນໄຊແຮງງານຊັ້ນ III ຈໍານວນ 23 ໜ່ວຍ ແລະ ໄດ້ຮັບໃບຍ້ອງຍໍຂັ້ນກະຊວງ 6 ໃບ ແລະ ໃບຊົມເຊີຍ 2 ໃບ.

          ທ່ານຫົວໜ້າກົມໃຫຍ່ຕໍາຫຼວດ ໄດ້ກ່າວຕື່ມອີກວ່າ: ທິດທາງແຜນການໃນຕໍ່ໜ້າ ເພື່ອສືບຕໍ່ເສີມຂະຫຍາຍ ມູນເຊື້ອອັນດີງາມຂອງກົມໃຫຍ່ ທີ່ຍາດມາໄດ້ໃນໄລຍະຜ່ານມາ ຄະນະນໍາກົມໃຫຍ່ຕໍາຫຼວດ ພ້ອມດ້ວຍພະນັກງານ-ນັກຮົບ ຈະສຸມໃສ່ເພີ່ມທະວີການປະຕິບັດຕາມພາລະບົດບາດຂອງກົມໃຫຍ່ ໃນການປົກປັກຮັກສາຄວາມເປັນລະບຽບ ຮຽບຮ້ອຍຂອງສັງຄົມ, ເອົາໃຈໃສ່ແກ້ໄຂປະກົດການຫຍໍ້ໍທໍ້ໃນສັງຄົມໃຫ້ມີຄວາມຮັບປະກັນ, ຈັດຕັ້ງຜັນຂະຫຍາຍ  4 ແຜນງານ ແລະ 41 ໂຄງການຂອງກະຊວງວາງອອກ ໃຫ້ບັນລຸໄດ້ຕາມຈຸດປະສົງ ແລະ ລະດັບຄາດໝາຍທີ່ກໍານົດໄວ້.

          ໃນພິທີ ຍັງໄດ້ຜ່ານຂໍ້ຕົກລົງຂອງຫົວໜ້າກົມໃຫຍ່ຕໍາຫຼວດ ວ່າດ້ວຍການຍ້ອງຍໍຜົນງານບັ້ນຂະບວນການ ສະເຫຼີມສະຫຼອງ ວັນສ້າງຕັ້ງກົມໃຫຍ່ຕໍາຫຼວດ ຄົບຮອບ 42 ປີ; ໃນນີ້ ໄດ້ມອບທຸງທີ່ລະນຶກວັນສ້າງຕັ້ງກົມໃຫຍ່ຕໍາ ແລະ ໃບຊົມເຊີຍໃຫ້ບັນດາກົມ, ຫ້ອງ ແລະ ສູນ ທີ່ຂຶ້ນກັບກົມໃຫຍ່ຕໍາຫຼວດ ຈໍານວນ 16 ຫົວໜ່ວຍ ແລະ 2 ອົງການຈັດຕັ້ງມະຫາຊົນ, ມອບໃບຍ້ອງຍໍ ແລະ ລາງວັນໃຫ້ກ້ອນກໍາລັງວິຊາງົດງາມ ໃຫ້ຈໍານວນ 2 ກົມ ແລະ 2 ຫ້ອງ ແລະ ມອບໃບຍ້ອງຍໍ ແລະ ລາງວັນໃຫ້ການສະແດງຮູບພາບຜົນງານການເຄື່ອນໄຫວດີເດັ່ນໃຫ້ແກ່ກົມ ຈໍານວນ 2 ກົມ ແລະ 1 ຫ້ອງ ເປັນກຽດມອບໂດຍ ພົຈວ ປອ ທອງເຫຼັກ ມັງໜໍ່ເມກ ຫົວໜ້າກົມໃຫຍ່ຕໍາຫຼວດ

          ພ້ອມນີ້ ຜູ້ເຂົ້າຮ່ວມ ຍັງໄດ້ຮັບຊົມວິດີໂອການເຄື່ອນໄຫວວຽກວຽກງານຂອງກົມໃຫຍ່ຕໍາຫຼວດຈະຫຼອດ ໄລຍະຜ່ານມາ, ການສະແດງສິລະປະ-ວັນນະຄະດີ, ເປັນຕົ້ນແມ່ນການສະແດງບົດຟ້ອນ ແລະ ການຮ້ອງເພງຂອງພະນັກ ງານ-ນັກຮົບກົມໃຫຍ່ຕໍາຫຼວດ ແລະ ພ້ອມກັນທ່ຽວຊົມການວາງສະແດງຮູບພາບການເຄື່ອນໄຫວວຽກງານຂອງແຕ່ລະ ກົມກອງທີ່ຂຶ້ນກັບກົມໃຫຍ່ຕໍາຫຼວດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ