Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ພິທີສະເຫຼີມສະຫຼອງວັນສ້າງຕັ້ງວິທະຍາຄານປ້ອງກັນຄວາມສະຫງົບແຫ່ງຊາດ ພ້ອມທັງປະກາດປ່ຽນຊື່

ພິທີສະເຫຼີມສະຫຼອງ ວັນສ້າງຕັ້ງວິທະຍາຄານ ປ້ອງກັນຄວາມສະຫງົບແຫ່ງຊາດ ( ວປສ ) ຄົບຮອບ 23 ປີ ( 27 ພະຈິກ 1995-27 ພະຈິກ 2018 ) ພ້ອມທັງປະກາດປ່ຽນຊື່ຈາກວິທະຍາຄານ ປ້ອງກັນຄວາມສະຫງົບແຫ່ງຊາດ ເປັນ ວິທະຍາຄານສັນຕິບານປະຊາຊົນ ຢ່າງເປັນທາງການ ໃນວັນທີ 27 ພະຈິກ 2018 ໂດຍມີ ພົຈວ ປອ ວັນເຮືອງ ນັນທະຈັກ ຜູ້ອຳນວຍການ ວປສ, ພ້ອມດ້ວຍຄະນະອຳນວຍການ, ພະນັກງານ-ອາຈານ, ແຂກຮັບເຊີນຕະຫຼອດຮອດ ນັກສຶກສາເຂົ້າຮ່ວມ.

ໃນພິທີ, ພົຈວ ປອ ວັນເຮືອງ ນັນທະຈັກ ໄດ້ຂຶ້ນກ່າວບົດທວນຄືນໂດຍຫຍໍ້ກ່ຽວກັບປະຫວັດຄວາມເປັນມາ ຂອງວັນສຳຄັນດັ່ງກ່າວເຊິ່ງມີບາງຕອນທ່ານໃຫ້ຮູ້ວ່າ: ໂດຍອີງໃສ່ຄວາມເຕີບໃຫຍ່ທາງດ້ານບຸກຄະລາກອນ ແລະ ຄວາມ ຮຽກຮ້ອງຕ້ອງການຂອງການສ້າງ ກຳລັງປ້ອງກັນຄວາມສະຫງົບ, ກະຊວງພາຍໃນ ( ກະຊວງ ປກສ ໃນປັດຈຸບັນ ) ຈຶ່ງ ໄດ້ສ້າງຕັ້ງວິທະຍາຄານປ້ອງກັນຄວາມສະຫງົບແຫ່ງຊາດຂຶ້ນມີອັກສອນຫຍໍ້ ( ວປສ ) ໂດຍໄດ້ຮັບການອະນຸມັດຈາກລັດ ຖະບານຕາມດຳລັດສະບັບເລກທີ 93/ນຍ, ລົງວັນທີ 27 ພະຈິກ 1995 ແລະ ໄດ້ເປີດຮຽນຮຸ່ນທີ I ໃນວັນທີ 13 ທັນ ວາ 1995.

ຕະຫຼອດໄລຍະ 23 ປີຜ່ານມາ, ວປສ ສາມາດພັດທະນາ-ກໍ່ສ້າງຖັນແຖວກຳລັງປກສໄດ້ຫຼາຍຮຸ່ນ-ຫຼາຍລະດັບ ຈຳນວນຫຼາຍພັນສະຫາຍໃນນີ້ມີ: ລະບົບປະລິນຍາຕີກໍ່ສ້າງ 23 ຮຸ່ນ ( ກຳລັງສືບຕໍ່ຄົ້ນຄວ້າຮໍ່າຮຽນ 4 ຮຸ່ນ ), ປະລິນຍາ ຕີຕໍ່ເນື່ອງ 16 ຮຸ່ນ      ( ກຳລັງຮໍ່າຮຽນ 2 ຮຸ່ນ ), ປະລິນຍາໂທ 10 ຮຸ່ນ ( ກຳລັງຮໍ່າຮຽນ 2 ຮຸ່ນ ), ລະບົບຊັ້ນສູງເລັ່ງ ລັດ 2 ລະບົບຄື:  6 ເດືອນ ແລະ 8 ເດືອນ.

ໂອກາດດັ່ງກ່າວ, ກໍໄດ້ມີການປະກາດປ່ຽນຊື່ວິທະຍາຄານ ປ້ອງກັນຄວາມສະຫງົບແຫ່ງຊາດ ເປັນວິທະຍາຄານ ສັນຕິບານປະຊາຊົນຕາມດຳລັດຂອງນາຍົກລັດຖະມົນຕີສະບັບເລກທີ 206/ນຍ, ລົງວັນທີ 19 ກັນຍາ 2018 ວ່າດ້ວຍ ການຈັດຕັ້ງ ແລະ ເຄື່ອນໄຫວຂອງກະຊວງ ປກສ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການ ເມືອງໃນໄລຍະໃໝ່.

ໃນພິທີສະຫຼອງ, ບັນດາທ່ານທີ່ເຂົ້າຮ່ວມໄດ້ຮັບຊົມການເດີນສວນສະໜາມກ້ອນກຳລັງນັກສຶກສາ ແລະ ການ ສະແດງສິລະປະຈາກນັກສຶກສາ ວປສ ອັນໄດ້ສ້າງຄວາມປະທັບໃຈໃຫ້ບັນດາສະຫາຍທີ່ຮັບຊົມອີກທັງຍັງໄດ້ຮັບຮູ້ເຖິງ ຄວາມເຂັ້ມແຂງຂອງກຳລັງນັກສຶກສາ ແລະ ຮັບຮູ້ເຖິງຄວາມໝາຍຄວາມສຳຄັນຂອງວິທະຍາຄານແຫ່ງນີ້.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ